ព័ត៌មានទាន់ហេតុការណ៍៖

កិច្ចប្រជុំកំពូលអាស៊ានទី ៣១ គឺបានបញ្ចប់ហើយ

ប្រទេសហ្វីលីពីន៖ កិច្ចប្រជុំកំពូលអាស៊ានលើកទី៣១ នៅថ្ងៃនេះ គឺបានបញ្ចប់ហើយដែលទទួលបាននូវលទ្ឋផលជាទីពេញចិត្តនៃបណ្តាប្រទេសសមាជិកអាស៊ានទាំងអស់។ លទ្ឋផលដែលសម្រេចបានទាំងនេះគឺបានមកពីការជជែកពិភាក្សាផ្លាស់ប្តូរយោបល់គ្នាដើម្បីរកផលប្រយោជន៍រួមទាំងក្នុងកម្រិតតំបន់ និងក្នុងកម្រិតពិភពលោកទាំងមូលផងដែរ។

នៅថ្ងៃបញ្ចប់នៃកិច្ចប្រជុំកំពូល គឺប្រមុខដឹកនាំអាស៊ានទាំង១០ ( Brunei, Cambodia, Indonesia, Laos, Malaysia, Myanmar, Philippines, Singapore, Thailand និង Vietnam) បានឯកភាពគ្នាចុះហត្ថលេខាលើកិច្ចព្រមព្រៀងការពារពលករចំណាកស្រុក (Agreement on the Protection of Migrant Workers’ Rights.)ដែលសព្វថ្ងៃនេះមានប្រមាណជាង១០លាននាក់នៅក្នុងប្រទេសតំបន់អាស៊ាន ។ ចំពោះកិច្ចប្រជុំកំពូលអាស៊ានសម្រាប់ឆ្នាំ ២០១៨ គឺនឹងរៀបចំដោយប្រទេសសិង្ហបូរី។

នៅព្រឹកស្អែកថ្ងៃទី ១៥ ខែ វិច្ឆិកានេះ សម្តេចតេជោ ហ៊ុន សែន នាយករដ្ឋមន្ត្រីនឹងដឹកនាំគណៈប្រតិភូជាន់ខ្ពស់អញ្ជើញវិលត្រឡប់ទៅកាន់មាតុប្រទេសវិញ៕

រូបភាព៖ ហ្វេសប៊ុកសម្តេចតេជោ

NKD-36x6_outline