ព័ត៌មានទាន់ហេតុការណ៍៖

ក្រុមហ៊ុន​ណា​ហ្គា​វើ​ល​យកចិត្តទុកដាក់​ចំពោះ​សិស្ស​ក្រីក្រ​នៅ​តាម​តំបន់​ជនបទ​

​ខេត្តព្រៃវែង​ ៖​ វិស័យ​អប់រំ​គឺ​ ជា​សសរស្តម្ភ​មួយ​នៃ​ភាព​ជោគជ័យ​សេដ្ឋកិច្ច​របស់​ប្រទេស​កំពុង​អភិវឌ្ឍន៍​ទាំងអស់​ ។​ លើស​ពី​នេះ​ទៀត​កិច្ច​ខិតខំ​ប្រឹងប្រែង​ដែល​បាន​ធ្វើ​ឡើង​ដោយ​រដ្ឋាភិបាល​ វិស័យ​ឯកជន​គួរតែ​ចូលរួម​ចំណែក​ជាមួយ​រដ្ឋាភិបាល​ដើម្បី​បំពេញ​នូវ​ទស្សនៈ​នេះ​ ។​ ដោយ​មានការ​យល់​ដឹង​ច្បាស់​ពី​ចក្ខុវិស័យ​នេះ​ ក្រុមហ៊ុន​ណា​ហ្គា​វើ​ល​បាន​ចូលរួម​ចំណែក​យ៉ាង​សំខាន់​ក្នុង​វិស័យ​អប់រំ​នៅ​កម្ពុជា​។​

​កាលពី​ថ្ងៃ​ទី​៧​ ខែកុម្ភៈ​ កន្លង​ទៅ​នេះ​ បុគ្គលិក​ក្រុមហ៊ុន​ណា​ហ្គា​វើ​ល​ ដឹកនាំ​ដោយ​លោក​ James​ Ma​ នាយក​ផ្នែក​ទំនាក់ទំនង​បុគ្គលិក​ និង​ការងារ​សង្គម​ណា​ហ្គា​វើ​ល​ បាន​នាំ​យក​សម្ភារៈ​សិក្សា​មួយ​ចំនួន​ធំ​ទៅ​ចែក​ជូន​ដល់​សិស្ស​ចំនួន​៧៦៦​នាក់​ ដែល​កំពុង​សិក្សា​នៅ​សាលា​បឋម​សិក្សា​ព្រះ​ម្លូរ​ ព្រៃ​ក្រលាញ់​ ព្រៃ​ស្រឡិត​ គក​ធំ​ និង​គក​តូច​ ដែល​ស្ថិត​នៅ​ក្នុងស្រុក​ពារាំង​ ខេត្តព្រៃវែង​។​

លោក​មាន​ប្រសាសន៍​ថា​ “​ក្រុមហ៊ុន​ណា​ហ្គា​វើ​ល​បាន​ផ្តោត​លើ​ការ​អភិវឌ្ឍ​ធនធានមនុស្ស​នៅ​កម្ពុជា​។​ ក្រុមហ៊ុន​ណា​ហ្គា​វើ​ល​បាន​នាំ​យក​សម្ភារៈ​សិក្សា​និង​តម្រូវការ​អប់រំ​ដល់​សិស្ស​ជាមួយ​និង​ក្ដី​សង្ឃឹម​ដើម្បី​លើកទឹកចិត្ត​សិស្ស​ឱ្យ​ខិតខំ​រៀន​សម្រាប់​ខ្លួនឯង​ គ្រួសារ​ សហគមន៍​ និង​ប្រទេស​កម្ពុជា​។​

លើស​ពី​នេះ​ទៀត​ ក្រុមហ៊ុន​ណា​ហ្គា​វើ​ល​ក៏​បាន​ផ្តួចផ្តើម​បង្កើត​សកម្មភាព​អប់​រំជា​ច្រើន​ដែល​រួម​ទាំង​ការ​ប្រកួតប្រជែង​គូរគំនូរ​ ប្រកួតប្រជែង​ប្រកប​ពាក្យ​អង់គ្លេស​ និង​ការ​ប្រកួតប្រជែង​សរសេរ​អត្ថបទ​ជាដើម​ ដើម្បី​អាច​ឱ្យ​សិស្សានុសិស្ស​នៅ​តាម​បណ្តា​ខេត្ត​ជនបទ​ចេះ​ប្រើប្រាស់​ភាសា​អង់គ្លេស​”​។​

​ភាព​ សុជាតា​ ជា​សិស្ស​ថ្នាក់​ទី​៥​នៃ​សាលា​បឋម​សិក្សា​ព្រះ​ម្លូរ​បាន​និយាយ​ថា​ “​សិស្សានុសិស្ស​មាន​ភាព​សប្បាយ​រីករាយ​ និង​រំភើប​ជា​ខ្លាំង​ដោយសា​នេះ​ជា​លើក​ដំបូង​សម្រាប់​ពួក​គេ​ដែល​ទទួល​បាន​សម្ភារ​សិក្សា​ពី​ក្រុមហ៊ុន​ឯកជន​”​។​

លោក​ អ៊ុំ​ សា​វី​ នាយក​សាលា​បឋម​សិក្សា​គក​តូច​មាន​ប្រសាសន៍​ថា​ “​តាំង​នាម​ឲ្យ​សិស្សានុសិស្ស​ និង​ឪពុក​ម្តាយ​របស់​ពួក​គេ​ ខ្ញុំ​សូម​ថ្លែង​អំណ​គុណ​ដល់​ក្រុមហ៊ុន​ណា​ហ្គា​វើ​ល​ដែល​បាន​ឧបត្ថម្ភ​សម្ភារ​សិក្សា​”​។​ គាត់​បាន​បន្ថែម​ទៀត​ថា​ ក្រុមហ៊ុន​ណា​ហ្គា​វើ​ល​បាន​លើកទឹកចិត្ត​កុមារ​ឲ្យ​ខិតខំ​រៀនសូត្រ​សម្រាប់​អនាគត​កម្ពុជា​។​ អ្វី​ដែល​ក្រុមហ៊ុន​ណា​ហ្គា​វើ​ល​បាន​ធ្វើ​ក្រុមហ៊ុន​ផ្សេងៗ​គួរតែ​អនុវត្ត​តាម​ផង​ដែរ​។​

លោក​ ថង​ សំអាត​ នាយក​សាលា​ព្រះ​ម្លូរ​មាន​ប្រសាសន៍​ថា​ “​ព្រះ​ម្លូរ​គឺជា​សាលា​ដែល​នៅ​ជនបទ​ដាច់​ស្រយាល​ហើយ​នៅ​ឆ្ងាយ​ គ្មាន​ក្រុមហ៊ុន​ណា​មក​ជួយ​ក្មេងៗ​នៅ​ទី​នេះ​ទេ​។​ អ្វី​ដែល​សាលា​ធ្វើ​បាន​គឺ​តិចតួច​ប៉ុណ្ណោះ​។​ ដោយ​មានការ​ឧបត្ថម្ភ​ពី​ក្រុមហ៊ុន​ណា​ហ្គា​វើ​ល​ វា​ជួយ​ច្រើន​ជា​ពិសេស​សម្រាប់​កុមារ​ក្រីក្រ​ និង​ក្មេង​កំព្រា​។​ ក្នុង​នាម​ជា​នាយក​សាលា​ ខ្ញុំ​សូម​អរគុណ​ដល់​បុគ្គលិក​ក្រុមហ៊ុន​ណា​ហ្គា​វើ​ល​ដែល​បាន​ចំណាយ​ពេលវេលា​ និង​ថវិកា​របស់​ពួក​គេ​ដើម្បី​ជួយ​ដល់​ក្មេងៗ​របស់​យើង​”៕​

2cykvzki

gv9aog2w