ព័ត៌មានទាន់ហេតុការណ៍៖

សេចក្ដីព្រៀងច្បាប់​ស្ដី​ពី​សមា​គ​និង​អង្គការក្រៅរដ្ឋាភិបាល​ត្រូវ​បញ្ជូន​ទៅ​រដ្ឋសភា​នៅ​ស​ប្ដា​ហ៍​ក្រោ​

​ភ្នំពេញ​ ៖​ នៅ​ក្នុង​សម័យប្រជុំ​ពេញអង្គ​ កាលពី​ព្រឹក​ថ្ងៃ​សុក្រ​ ទី​៥​ ខែមិថុនា​ ឆ្នាំ​២០១៥​
​គណៈរដ្ឋមន្ត្រី​អនុម័ត​សេចក្ដីព្រាងច្បាប់​អង្គការ​ បញ្ជូន​ទៅ​សភា​នៅ​ដើម​ស​ប្ដា​ហ៍​ក្រោយ​។​
​កិច្ចប្រជុំ​បាន​អនុម័ត​សេចក្ដីព្រាងច្បាប់​ស្ដី​ពី​សមាគម​ និង​អង្គការ​មិនមែន​រដ្ឋាភិបាល​ ដោយ​បាន​កែប្រែ​ពាក្យពេចន៍​មួយ​ចំនួន​ និង​លុប​ចោល​មាត្រា​ចំនួន​២​ នឹង​ត្រូវ​បញ្ជូន​ទៅ​រដ្ឋសភា​នៅ​ស​ប្ដា​ហ៍​ក្រោយ​ ។​

​អ្នកនាំពាក្យ​ទីស្ដីការគណៈរដ្ឋមន្ត្រី​លោក​ ផៃ​ ស៊ី​ផា​ន​ សរសេរ​នៅ​លើ​ទំព័រ​ហ្វេ​ស​ប៊ុ​ករប​ស់លោ​កថា​ កិច្ចប្រជុំ​ពេញអង្គ​គណៈរដ្ឋមន្ត្រី​នា​ព្រឹក​នេះ​ ដឹកនាំ​ដោយ​សម្ដេច​នាយក​រដ្ឋមន្ត្រី​ ហ៊ុន​ សែន​ បាន​សម្រេច​អនុម័ត​ទៅ​លើ​សេចក្តីព្រាងច្បាប់​ស្តី​ពី​ “​សមាគម​ និង​អង្គការ​មិនមែន​រដ្ឋាភិបាល​”​ ដោយ​ក្នុង​នោះ​មានការ​កែសម្រួល​ពាក្យ​ពេ​ជន៍​មួយ​ចំនួន​ និង​លុប​ចោល​មាត្រា​ចំនួន​២​ តាម​ការ​សំណូមពរ​របស់​សម្ដេច​តេ​ជោ​នាយក​រដ្ឋមន្ត្រី​ ។​

​លោក​ ផៃ​ ស៊ី​ផា​ន​ មិន​បាន​បញ្ជាក់​លម្អិត​ពី​អត្ថន័យ​នៃ​មាត្រា​ទាំង​២​ដែល​ត្រូវ​បាន​លុប​ចោល​នោះ​ទេ​ ។​ លោក​ ផៃ​ ស៊ី​ផា​ន​ សរសេរ​ទៀត​ថា​ សម្ដេច​តេ​ជោ​ ហ៊ុន​ សែន​ បាន​ចំណាយពេល​ច្រើន​ក្នុង​ការ​បំបាត់​ការិយាធិបតេយ្យ​ និង​បង្កើត​ភាព​ងាយស្រួល​ដល់​អង្គការ​ ទាំង​ក្នុង​ការ​ចុះបញ្ជី​ និង​កិច្ច​ប្រតិបត្តិការ​របស់​ខ្លួន​ ។​ លោក​បញ្ជាក់​ទៀត​ថា​ ទិស​ដៅ​ និង​គោលបំណង​នៃ​សេចក្ដីព្រាងច្បាប់​នេះ​ អនុលោម​តាម​រដ្ឋធម្មនុញ្ញ​កម្ពុជា​ និង​កតិកាសញ្ញា​អន្តរជាតិ​ស្ដី​ពី​សិទ្ធ​ប្រជាពលរដ្ឋ​ និង​សិទ្ធ​នយោបាយ​ ។​

​លោក​ ផៃ​ ស៊ី​ផា​ន​ បាន​សរសេរ​ទៀ​ថា​ សេចក្ដីព្រាងច្បាប់​ដើម​ស្ដី​ពី​សមាគម​ និង​អង្គការ​មិនមែន​រដ្ឋាភិបាល​ ដែល​ត្រូវ​បាន​លើកយក​មក​ពិភាក្សា​ មាន​៩​ជំពូក​ និង​៤១​មាត្រា​ តែ​ដោយ​២​មាត្រា​ត្រូវ​បាន​លុប​ចោល​ សេចក្ដីព្រាងច្បាប់​នេះ​នៅ​សល់​តែ​៩​ជំពូក​ និង​៣៩​មាត្រ​ ហើយនឹង​ត្រូវ​បញ្ជូន​ទៅ​រដ្ឋសភា​នា​ដើម​ស​ប្តា​ហ៍​ក្រោយ​នេះ​ ។​

​គួរ​បញ្ជាក់​ថា​ អង្គការ​ជាតិ​ និង​អន្តរជាតិ​បាន​ស្នើ​ឲ្យ​រដ្ឋសភា​បើក​ឲ្យ​មានការ​ពិគ្រោះ​យោបល់​លើ​សេចក្តីព្រាងច្បាប់​ស្តី​ពី​សមាគម​ និង​អង្គការ​មិនមែន​រដ្ឋាភិបាល​នេះ​បន្ថែម​ទៀត​ មុន​នឹង​រដ្ឋសភា​អនុម័ត​ ដោយ​អះអាង​ថា​ ដើម្បី​ធានា​ឲ្យ​ច្បាប់​នោះ​ការពារ​សិទ្ធិ​មនុស្ស​ និង​មិន​មានការ​រឹតត្បិត​ដល់​អង្គការ​សង្គម​ស៊ី​វិល​ ៕

olcn2hgn