ព័ត៌មានទាន់ហេតុការណ៍៖

បញ្ជូន​ខ្លួន​ជនសង្ស័យ​៣​នាក់​ចូល​ សារភាព​ករណី​វាយដំ​តំណាងរាស្ដ្រ​គណបក្ស​សង្គ្រោះ​ជាតិ​

ភ្នំពេញ​ ៖​ សមត្ថកិច្ច​ក្រសួងមហាផ្ទៃ​ ឱ្យ​ដឹង​ថា​ ជន​ដៃដល់​ដែល​បង្ក​របួស​ស្នាម​ ធ្ងន់​ទៅ​លើ​តំណាងរាស្ដ្រ​គណបក្សប្រឆាំង​២​នាក់​កាលពី​ថ្ងៃ​ទី​២៦​ ខែតុលា​ ឆ្នាំ​ ២០១៥​កន្លង​ទៅ​បាន​ចូល​សារភាព​ទទួលទោស​កំហុស​ចំពោះ​មុខ​ច្បាប់​កាលពី​ ល្ងាច​ថ្ងៃ​ទី​៣​ ខែវិច្ឆិកា​ ឆ្នាំ​២០១៥​ ។​ ជន​ រង​គ្រោះ​នៃ​អំពើ​ហិង្សា​បាន​សាទរ​ចំពោះ​ភាព​ក្លាហាន​របស់​ជន​ដៃដល់​ ប៉ុន្ដែ​ទាម​ ទារ​ឱ្យ​សមត្ថកិច្ច​បង្ហាញមុខ​អ្នកបញ្ជា​ ពីក្រោយ​ ។​

​បន្ទាប់​ពី​ជនសង្ស័យ​ទាំង​៣​នាក់​បាន​ ចូល​សារភាព​នៅ​ក្រសួងមហាផ្ទៃ​រួច​មក​ សមត្ថកិច្ច​បាន​បញ្ជូន​ពួក​គេ​ទៅ​កាន់​ សាលាដំបូង​រាជធានី​ភ្នំពេញ​ដើម្បី​អនុ​ វត្ដ​តាម​ច្បាប់​ ។​ អស់​រយៈពេល​ពេញ​ មួយ​ថ្ងៃ​នៅ​សាលាដំបូង​រាជធានី​ភ្នំពេញ​ ត្រូវ​បាន​ព្រះរាជអាជ្ញា​រង​មាស​ ច័ន្ទ​ពិសិដ្ឋ​ ចោទប្រកាន់​ពី​បទ​ហិង្សា​ដោយ​ចេតនា​ មាន​ស្ថាន​ទម្ងន់ទោស​និង​ធ្វើ​ឱ្យ​ខូចខាត​ ទ្រព្យសម្បត្ដិ​ដោយ​ចេតនា​តាម​មាត្រា​ ២១៨​ និង​មាត្រា​៤១១​ នៃ​ក្រមព្រហ្មទណ្ឌ​។​ ក្នុង​រយៈពេល​ជិត​មួយ​ថ្ងៃនេះ​ចៅក្រម​ ស៊ើបសួរ​លោក​អ៊ី​ ថាវរៈ​បាន​សម្រេច​ ចោទប្រកាន់​ជនសង្ស័យ​ទាំង​៣​នាក់​ដូច​ លោក​ព្រះរាជអាជ្ញា​រង​មាស​ ច័ន្ទ​ពិសិដ្ឋ​ ចោទប្រកាន់​ផង​ដែរ​ ដោយ​សម្រេច​ឱ្យ​ យក​ទៅ​ឃុំខ្លួន​នៅ​ពន្ធនាគារ​ព្រៃ​ស​និង​ សម្រេច​សាលក្រម​នៅ​ពេល​ក្រោយ​។​

​អ្នកនាំពាក្យ​ក្រសួងមហាផ្ទៃ​លោក​ ឧត្ដមសេនីយ៍​ ខៀវ​ សុភ័គ​ បាន​ថ្លែង​ថា​ យ៉ាង​ហោច​ណា​ស់មានជន​ដៃដល់​ចំនួន​បី​រូប​បាន​ចូល​សារភាព​ចំពោះ​មុខ​សមត្ថ​ កិច្ច​ ។​ លោក​បន្ដ​ថា​ សមត្ថកិច្ច​បាន​បញ្ជូន​ ខ្លួន​ជន​ដៃដល់​ទាំង​៣​នាក់​ទៅ​តុលាការ​ នៅ​ថ្ងៃ​ទី​៤​ ខែវិច្ឆិកា​ ។​ ជន​ដៃដល់​៣​រូប​ ដែល​បាន​បង្ហាញខ្លួន​ចំពោះ​មុខ​គណៈកម្មការ​ស៊ើបអង្កេត​របស់​ក្រសួងមហាផ្ទៃ​គឺ​ស្ថិត​ក្រោម​ការ​ឃុំគ្រង​របស់​គណៈ​កម្ម​ ការ​យើង​ទេ​ដើម្បី​រៀបចំ​សំណុំរឿង​បញ្ជូន​ទៅ​តុលាការ​ ។​

​ជន​ដៃដល់​ទាំង​៣​នាក់​នេះ​ ទី​១-​ឈ្មោះ​ ចាយ​ សា​រិ​ទ្ធ​ ភេទ​ប្រុស​ អាយុ​៣៣​ឆ្នាំ​ មាន​ ទីលំនៅ​នៅ​សង្កាត់​តា​ខ្មៅ​ ក្រុង​តា​ខ្មៅ​ ខេត្ដកណ្ដាល​,​ ទី​២-​ឈ្មោះ​ ម៉ៅ​ ហឿ​ន​ ភេទ​ប្រុស​ អាយុ​៣៤​ឆ្នាំ​ មាន​ទីលំនៅ​នៅ​ ឃុំ​ព្រែក​ខ្សាយ​ ស្រុក​ពាម​រក៍​ ខេត្ដ​ព្រៃ​ វែង​ និង​ទី​៣-​ឈ្មោះ​ សុត​ វណ្ណ​នី​ ភេទ​ ប្រុស​ អាយុ​៤៥​ឆ្នាំ​ មាន​ទីលំនៅ​ក្នុង​ សង្កាត់​កំពង់​សំណាញ់​ ក្រុង​តា​ខ្មៅ​ ខេត្ដ​ កណ្ដាល​ ។​

​លោក​ ខៀវ​ សុភ័គ​ បាន​អះអាង​ថា​ មនុស្ស​ដែល​ចូល​សារភាព​ទាំង​៣​នាក់​នេះ​ ជា​ជន​ដៃដល់​ជាងគេ​ក្នុង​អំពើ​ហិង្សា​ទៅ​ លើ​អ្នកតំណាង​រាស្ដ្រ​២​រូប​របស់​គណបក្ស​សង្គ្រោះ​ជាតិ​ ។​ លោក​ថា​ “​តាម​ដែល​ខ្ញុំ​ ដឹង​មាន​អ្នក​ពាក់មួក​ក្រហម​មួយ​អ្នក​ ដែល​ពាក់​ស្បែកជើង​ហ្នឹង​មួយ​ ហើយ​និង​ អ្នក​ទាត់​ហ្នឹង​មួយ​ ។​ ហ្នឹង​ជា​អ្នក​ដៃដល់​ ជាងគេ​ក្រៅពី​ហ្នឹង​មិន​ដៃដល់​ទេ​គ្រាន់តែ​ហេ​ក​ហកៗ​នឹង​គេ​នឹង​ឯង​ទេ​”​ ។​

​អ្នកនាំពាក្យ​ក្រសួងមហាផ្ទៃ​រូប​នេះ​ បាន​ជំរុញ​ឱ្យ​ម្ចាស់​ផេ​ក​ហ្វេ​ស​ប៊ុ​ក​ (Facebook​ Page)​ ទាំងឡាយ​ដែល​មាន​ ភស្ដុ​តាង​ជា​រូបថត​ឬ​ជា​វី​ដេ​អូ​ដែល​ថត​មុខ​ជន​ដៃដល់​ក្នុង​អំពើ​ហិង្សា​ក្បែរ​មន្ទីរ​ រដ្ឋសភា​មក​ប្រគល់​ឱ្យ​សមត្ថកិច្ច​ដើម្បី​កំណត់​មុខសញ្ញា​បន្ថែម​ ។​ លោក​ថា​ “​ហ្វេ​ស​ប៊ុ​ក​គេ​ធ្វើ​អី​ក៏​បាន​ដែរ​ដូច​ឈ្មោះ​ (​ក​)​អ៊ី​ ចឹ​ង​ គេ​សង្ស័យ​ហើយ​ដូរ​ទៅ​ឈ្មោះ​ (​ខ​)​វិញ​ក៏​មាន​ដែរ​ ។​ សមត្ថកិច្ច​អំពាវ​ នាវ​ឱ្យ​ម្ចាស់​ផេ​ក​ទាំងអស់​ដែល​បាន​ថត​ផ្ទាល់​ហ្នឹង​សូម​ឱ្យ​វី​ដេ​អូ​ដើម​របស់​លោក​យក​មក​ឱ្យ​គណៈកម្មការ​របស់​យើង​ដើម្បី​ងាយស្រួល​ក្នុង​ការ​សន្និដ្ឋាន​និង​ចោទ​ ប្រកាន់​តាម​ផ្លូវច្បាប់​”​។​ លោក​ជំរុញ​ឱ្យ​ សមត្ថកិច្ច​វែកមុខ​អ្នកបញ្ជា​ឱ្យ​មាន​អំពើ​ហិង្សា​នេះ​កើតឡើង​ ។​

​លោក​ថ្លែង​ថា​ “​អរគុណ​ណាស់​យើង​ សរសើរ​ដែល​ក្លាហាន​ហ៊ាន​មក​សារ​ ភាព​ហ្នឹង​ តើ​ខ្ញុំ​ចង់​ដឹង​ថា​ តើ​មាន​អ្នក​ ណា​នៅ​ពីក្រោយ​រឿង​ហ្នឹង​?​ ខ្ញុំ​មិន​ជឿ​ថា​ អ្នក​ទាំងអស់​ហ្នឹង​សុខៗ​មាន​អ៊ី​ង​ចឹ​ង​កើត​ ឡើង​ទេ​ ព្រោះ​យើង​និង​ក្រុម​៣​នាក់​ហ្នឹង​ មិន​ដែល​មាន​ទំនាស់​អ្វី​ជាមួយ​គ្នា​ទេ​ហើយ​ សឹង​ថា​មក​សម្លាប់​យើង​ទៅ​ហើយ​។​ ដូច្នេះ​ ខ្ញុំ​សង្ស័យ​ថា​វា​មាន​អ្នក​នៅ​ពីក្រោយ​ហ្នឹង​ទៅ​ទៀត​ ។​ ខ្ញុំ​ចង់​ដឹង​ថា​ តើ​មាន​អ្នក​ណា​ នៅ​ពីក្រោយ​ហ្នឹងហើយ​ចាប់​យក​មក​ កាត់ទោស​តាម​ផ្លូវច្បាប់​?”​ ៕​ ហេង​ សូ​រិ​យា​

dwe (6)

dwe (5)

dwe

dwe (1)

dwe (2)

dwe (3)