ព័ត៌មានទាន់ហេតុការណ៍៖
" alt="" width="1024" height="100" />" alt="" width="1045" height="100" />

បុរសម្នាក់ស្លាប់ និងម្នាក់ទៀតរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍ម៉ូតូបុកម៉ូតូសណ្តោងរ៉ឺម៉ក

ចែករំលែក៖

ខេត្តកំពង់ធំ៖ វេលាម៉ោង១៨និង៣០នាទីថ្ងៃទី២០ ខែវិច្ឆិកា ឆ្នាំ២០១៨ ស្ថិតនៅលើផ្លូវជាតិលេខ០៦ នៅភូមិត្រាច ឃុំកំពង់ចិនជើង ស្រុកស្ទោង ខេត្តកំពង់ធំ មានករណីគ្រោះថ្នាក់ចរាចរកើតឡើង ម៉ូតូបុកម៉ូតូសណ្តោងរ៉ឺម៉ក ក្នុងទិសដៅស្របគ្នា(ពីជើងទៅត្បូង) បណ្តាលឲ្យម៉ូតូម៉ាកហុងដា C125 ពណ៌បៃតង ស្លាកលេខ កំពង់ធំ 1E.3108 បើកបរដោយឈ្មោះ នាត នី ភេទប្រុស អាយុ១៧ឆ្នាំ នៅភូមិស្លា ឃុំទ្រា ស្រុកស្ទោង ខេត្តកំពង់ធំ (របួសធ្ងន់) (មិនពាក់មួកសុវត្ថិភាព) ។ អ្នករួមដំណើរឈ្មោះ រើន.រ៉ូ ភេទប្រុស អាយុ១៧ឆ្នាំ នៅភូមិ ឃុំជាមួយអ្នកបើកបរម៉ូតូ ស្លាប់នៅកន្លែងកើតហេតុ ។ ជនរងគ្រោះមិនពាក់មួកសុវត្ថិភាពខណៈបើកបរនោះឡើយ ។

ម៉ូតូសណ្តោងរ៉ឺម៉ក ម៉ាកសាន់យ៉ាន់ កូរ៉េ ពណ៌ក្រហមស្លាកលេខគ្មាន អ្នកបើកបរមិនស្គាល់អត្តសញ្ញាណ បានគេចខ្លួនបាត់ស្រមោល ។

សមត្ថកិច្ចអះអាងថា គ្រោះថ្នាក់នេះ កើតឡើងដោយមូលហេតុ ម៉ូតូសណ្តោងរ៉ឺម៉កគ្មានភ្លើងបំភ្លឺខាងក្រោយ រួមផ្សំនឹងអ្នកបើកបរម៉ូតូហុងដា C125 ឈ្មោះ នាត នី បើកបរមានល្បឿនលឿន ។ វត្ថុតាងរក្សាទុកនៅអធិការដ្ឋាននគនរបាលស្រុកស្ទោង ។

ក្រោយកើតហេតុ សមត្ថកិច្ច បាន បញ្ជូនជនរងគ្រោះទៅមន្ទីរពេទ្យ និងវាស់វែងធ្វើកំណត់ហេតុ ប្រមូល វត្ថុតាងរក្សាទុកនៅអធិការនគរបាលស្រុកស្ទោង និងបើកការស្រាវជ្រាវរកភាគីម្ខាងទៀតឲ្យចូលខ្លួនមកដោយស្រាយគ្នាតាមច្បាប់ ៕ ប៊ុនរិទ្ធី


ចែករំលែក៖