ព័ត៌មានទាន់ហេតុការណ៍៖

ប្រជាពលរដ្ឋរស់នៅក្រុងប៉ោយប៉ែត ប្រឈមនឹងកង្វះទឹកស្អាតប្រើប្រាស់ ខណៈអាងស្តុកទឹកអូរខៃដនឈានទៅរកការរីងស្ងួត

ខេត្តបន្ទាយមានជ័យ៖ ប្រជាពលរដ្ឋរស់ នៅក្រុងប៉ោយប៉ែត ខេត្តបន្ទាយមានជ័យ ប្រឈមនឹងការគ្មានទឹកស្អាតប្រើប្រាស់ ខណៈដែល អាងស្តុកទឹក អូរខៃដន ដែលជាអាងទឹកសម្រាប់ក្រុមហ៊ុនអានកូបូមទឹកយកទៅផ្គត់ផ្គង់ និងចែកចាយ ជូនប្រជាពលរដ្ឋនៅក្រុងប៉ោយប៉ែត កំពុងតែជួបប្រទះភាពរីងស្ងួត ជាបណ្តើរៗ ហើយឈានដល់រីងស្ងួត ទាំងស្រុង បើគ្មានភ្លៀងធ្លាក់ និងគ្មានវិធានការដោះស្រាយ ទាន់ពេលវេលានោះ ។

អាងស្តុកទឹកអូរខៃដន ជាអាងទឹកមួយដ៏ធំជារៀងរាល់ឆ្នាំគេមិនដែលឃើញមានជួបបញ្ហា នូវភាពរីងស្ងួតបែបនេះនោះទេ ទើបនៅឆ្នាំនេះ អាងស្តុកទឹកអូរខៃដនកំពុងតែ ប្រឈមរីងស្ងួត ។ ភាពរីងស្ងួតនៃអាងស្តុកទឹកអូរខៃដនត្រូវគេនិយាយថាបង្កឡើងដោយកត្តា បំរែបំរួលអាកាសធាតុ ខណៈដែលរដូវវស្សាឈានចូលមកដល់ទៅហើយ គេឃសង្កេតឃើញ នៅខេត្តបន្ទាយមានជ័យ ក៏ដូចជានៅក្រុងប៉ោយប៉ែតពុំទទួលបាននូវរបបទឹកភ្លៀងគ្រប់គ្រាន់ នោះទេសម្រាប់ឆ្នាំនេះ ។

ជុំវិញបញ្ហានេះ លោក ង៉ោ ម៉េងជ្រួន អភិបាលក្រុងប៉ោយប៉ែតបានប្រាប់អ្នកយកព័ត៌ មានយើងឱ្យដឹងនៅរសៀលថ្ងៃទី២៩ ខែកក្កដា នេះថា អាងស្តុកទឹកអូរខៃដន ពិតជាជួបប្រប្រទះនិងរីងស្ងួត ហើយ នៅថ្ងៃនេះ លោកបានចុះទៅត្រួតពិនិត្យស្ថានភាពនៅអាងទឹកអូរខៃ ដន ។

លោកអភិបាលក្រុងប៉ោយប៉ែតប្រាប់ឱ្យដឹងទៀតថា បច្ចុប្បន្នអាជ្ញា និងក្រុមអានកូកំពុងតែ ចាត់វិធានការដោះស្រាយបញ្ហានេះក្នុងនោះខាងក្រុមហ៊ុនបាននិងធ្វើការជីកកកាយបង្ហូរទឹកចេញពីអូរព្រំដែនចូលមកអាងទឹកអូរខៃដន ដើម្បីយកមកផ្គត់ផ្គង់ទឹកជាបណ្តោះអាចផ្គត់ផ្គង់ទឹកបាន២ទៅ៣ថ្ងៃទៀត ។ ទន្ទឹមនោះខាងអាជ្ញាធរនិងក្រុមហ៊ុនក៏ត្រូវដោះស្រាយបញ្ហាន ទឹកបន្តទៀតគឺត្រូវប្រើប្រាស់ម៉ាស៊ីនបូមទឹកនៅចម្ងាយជាង១០គីឡូម៉ែត្រពីទំនប់ ទឹកកូបធំ ដើម្បីយកមកផ្គត់ផ្គង់បន្ថែមទៀតជូនដល់ប្រជាពលរដ្ឋអាចផ្គត់ផ្គង់រយៈពេល១ខែទៅ២ខែ ។

លោក ង៉ោ ម៉េងជ្រួន អភិបាលក្រុងប៉ោយប៉ែតបានប្រាប់ឱ្យដឹងទៀតថា ការដោះ ស្រាយបញ្ហាខាងលើគឺវាមិនគ្រប់គ្រាន់ទៅនឹងតម្រូវការចាំបាច់របស់ប្រជាពលរដ្ឋនោះទេ ប្រសិនបើគ្មានភ្លៀងធ្លាក់ដើម្បីជួយទ្រទ្រង់សម្រាប់ផ្គត់ផ្គង់ទឹកនោះ ។ ប៉ុន្តែ អាជ្ញាធរនិងក្រុមហ៊ុន រិះរកគ្រប់មធ្យោយាយដើម្បីដោះស្រាយ ។

លោកអភិបាលក្រុប៉ោយប៉ែតបញ្ជាក់ឱ្យដឹងទៀតថា ប្រជាពលរដ្ឋរស់ នៅក្រុងប៉ោយប៉ែយបានប្រើប្រាស់ទឹកស្អាតគិតជាមធ្យមក្នុង១ថ្ងៃពី១៤,០០០ ទៅ១៥,០០០ ម៉ែត្រគូបដូចច្នេះ តម្រូវការប្រើប្រាស់ទឹករបស់ប្រជាពលរដ្ឋក្រុងប៉ោយប៉ែតមានកំរិតខ្ពស់ ។ លោកក៏សូមអំពាវ នាវប្រជាពលរដ្ឋមេត្តាប្រើប្រាស់ទឹកមានការសន្សំសំចៃ ពីព្រោះការដោះស្រាយទឹកនេះ វាមិន គ្រប់គ្រាន់តាមតម្រូវការនោះទេ ៕ សំ វិច្ឆិកា

107

108