ព័ត៌មានទាន់ហេតុការណ៍៖

មន្ត្រីការបរទេសកូរ៉េខាងជើងនឹងទស្សនកិច្ចទៅកាន់រុស្ស៊ី

ដូចអ្វីដែលប្រព័ន្ធផ្សព្វផ្សាយព័ត៌មាននានារំពឹងទុក គឺបន្ទាប់ពីដំណើរទស្សនកិច្ចជាលើកតំបូងរបស់មេដឹកនាំកូរ៉េខាងជើង គីមជុងអ៊ុន ទៅកាន់ប្រទេស ចិន បង្ករឲ្យមានភាពផ្ញាក់ផ្អើលនោះ គោលដៅបន្ទាបគឺ ប្រទេសរុស្ស៊ី ។ ដូចអ្វីដែលមេដឹកនាំកូរ៉េខាងជើង ជំនន់មុនបានធ្វើ គទស្សនកិច្ចប្រទេសចិន និងរុស្ស៊ី ដែលជាសម្ព័ន្ធមិត្ត សំខាន់បំផុតរបស់កូរ៉េខាងជើង អាចជួយការពារ កូរ៉េខាងជើង រួចផុតពីការវាយប្រហារ របស់អាមេរិក ។

ក្រុមអ្នកឯកទេសបានលើកឡើងថា មានតែចិន និងរុស្ស៊ីប៉ុណ្ណោះដែលជួយការពារ កូរ៉េខាងជើង រួចផុតពីការឈ្លានពាន ។ ដូចជាប្រទេសស៊ីរី ដោយសារតែមានទំនាក់ទំនងល្អប្រសើរជាមួយរុស្ស៊ី ជាច្រើនជំនន់ ទើប ប្រធានាធិបតីអាលអាសាដ ទទួលបានការការពារពីរុស្ស៊ី ។ បើគ្មានរុស្ស៊ីលូកដៃទេនោះ របបដឹកនាំស៊ី និងត្រូវប្រទេសលោកខាងលិច ក្រោមការដឹកនាំរបស់អាមេរិកផ្តួលរំលំតាំងពីថ្ងៃតំបូង ។

កូរ៉េខាងជើង មិនទុកចិត្ត លើកិច្ចព្រមព្រៀង ជាមួយអាមេរិកនោះឡើយ ប្រសិនបើកើតមាន នៅក្នុងកិច្ចពិភាក្សា រវាង លោកត្រាំនិង គីមជុងអ៊ុន នៅចុងខែឧសភា ខាងមុខ ទើប លោកគីមជុងអ៊ុន ស្វែងរកកាធានាពីចិន និងរុស្ស៊ីជាមុនស៊ិន ។

នៅពេលនេះ ក្រសួងការបរទេសរុស្ស៊ី បានឲ្យដឹងថារដ្ឋមន្ត្រីការបរទេសកូរ៉េខាងជើង លោក រី យ៉ុង ហូ នឹងបំពេញដំណើរទស្សនកិច្ច មកកាន់ទីក្រុងម៉ូស្គូ នៅសប្ដាហ៍ក្រោយនេះ ហើយលោកនឹងត្រូវជួបពិភាក្សាការងារជាមួយសមភាគីរបស់លោក នៅថ្ងៃទី១០ ខែមេសាខាងមុខនេះ ។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃពុធ ទី០៤ ខែមេសា ឆ្នាំ២០១៨ ។

ថ្លែងនៅក្នុងសន្និសីទសារព័ត៌មាន នៅថ្ងៃពុធនេះ អ្នកនាំពាក្យក្រសួងការបរទេសរុស្ស៊ី លោកស្រី Maria Zakharovaបាន គូសបញ្ជាក់ដូច្នេះថា៖«ភាគីទាំងពីរនឹងពិភាក្សាគ្នាពីទំនាក់ទំនងទ្វេភាគី ក៏ដូចជាការផ្លាស់ប្ដូរយោបល់លើបញ្ហាសកលលោក និងនៅក្នុងតំបន់ជាមួយការផ្ដោតសំខាន់លើស្ថានភាពនៅលើឧបទ្វីបកូរ៉េ» ។

គួរបញ្ជាក់ថា កាលពីអង្គារ ម្សិលមិញ លោក រី យ៉ុង ហូ ក៏បានបំពេញដំណើរទស្សនកិច្ចទៅកាន់ទីក្រុងប៉េកាំងផងដែរ ហើយដែលវា ធ្វើឡើងនៅមុនពេលកូរ៉េខាងជើង បើកកិច្ចប្រជុំកំពូលជាមួយកូរ៉េខាងត្បូង នៅថ្ងៃទី២៧ ខែមេសា រួមទាំងកិច្ចប្រជុំជាមួយសហរដ្ឋអាមេរិកដែលគ្រោងនឹងធ្វើឡើងនៅចុងខែឧសភា៕ ម៉ែវ សាធី