ព័ត៌មានទាន់ហេតុការណ៍៖

មន្ត្រីក្រសួងវប្បធម៌ព្រមាន ដេនីខ្វាន់ ឲ្យផ្លាស់ប្តូរទម្លាប់នៃការស្លៀកពាក់

ភ្នំពេញ ៖ ក្រោយពីលេចចេញនូវរូបថតជាច្រើនសន្លឹកអំពីសំលៀកបំពាក់ស៊ិចស៊ីហួសថ្លែងមក ដេនីខ្វាន់ទទួលបានការវាយសំពង ដោយពាក្យសម្តីរិះគន់យ៉ាងធ្ងន់ធ្ងរពីមហាជនដែល សូម្បីតែអ្នកក្នុងចង្កោមសិល្បៈមួយចំនួនបានប្រត្តិកម្មថា នឹងអាចជះឥទ្ធិពលមិនល្អដល់សង្គមសិល្បៈ។
ជាមួយគ្នានេះមន្ត្រីជាន់ខ្ពស់ក្រសួង វប្បធម៌បានស្នើទៅកាន់សិល្បករ ពិសេសតារាសម្តែងទើបលេចមុខ ដេនីខ្វាន់ឲ្យកែទម្លាប់ក្នុងការស្លៀកពាក់មុនពេលក្រសួងចេញវិធានការណាមួយ។

ការប្រតិកម្មរបស់មន្ត្រីក្រសួងវប្បធម៌និងវិចិត្រសិល្បៈនេះកើតមានឡើងក្រោយពីតារាសម្តែងសិចស៊ី នាងដេនីខ្វានស្លៀកពាក់សិចស៊ីជ្រុលហួសហេតុក្នុងពិធីខួបកំណើតប្អូនប្រុសនាងកាលពីចុងសប្តាហ៍មុន។ ឆ្លើយតបទៅនឹងការរិះគន់ ដេនីខ្វាន់ ថែមទាំងចំអក តិះដៀលទៅកាន់មហាជន ដែលចេញមុខរិះគន់នាងថា មានចិត្តចង្អៀតចង្អល់ពេក និងជាមនុស្សដែលខ្វះការពិចារណាទៅវិញ។
អ្នករិះគន់ជាច្រើនបានស្នើឲ្យក្រសួងពាក់ព័ន្ធចេញគោលការណ៍ ឬកោះហៅតារាសម្តែងរូបនេះទៅដុលក្អែលចេញឲ្យចំៗមុខក្រោយពីសេចក្តីជូនដំណឹងរបស់ក្រសួងវប្បធម៌ និងវិចិត្រសិល្បៈទើបនឹងចេញមិនបានប៉ុន្មានថ្ងៃផងនោះ។

ស្របពេលដែលប្រធានបទនៃការស្លៀកពាក់របស់ដេនីខ្វាន់ កំពុងតែស្រួចស្រាវនោះ លោកថៃ នរៈសត្យា រដ្ឋលេខាធិការក្រសួងវប្បធម៌ និងវិចិត្រសិល្បៈ បានបញ្ជាក់ថា សិល្បករគួរតែភ្ញាក់រលឹកដោយខ្លួនឯង គួរតុបតែខ្លួនឲ្យសាកសមទៅនឹងពេលវេលា ទីកន្លែងគឺកុំហួសហេតុពេក ។ លោករដ្ឋលេខាធិការបន្តថា មនុស្សគ្រប់រូប មិនថាតែសិល្បករសុទ្ធទេ រូបរាងមានខាងក្នុងនិងខាងក្រៅ មានកិត្តិយស មានកេរមានខ្មាស ប៉ុន្តែគួរកម្រិតឲ្យច្បាស់ខ្លួនឯងថាគួរមានកម្រិតណា។ លោកទទួលស្គាល់ថា សិល្បករសិល្បករតែររកអ្វីដែលធ្វើឲ្យគេចាប់អារម្មណ៍ប៉ុន្តែមិនមែនមានតែការស្លៀកពាក់បែបលេចលើខើចក្រោមតែមួយមុខទេដែលធ្វើឲ្យគេចាប់អារម្មណ៍ គ្រាន់តែការស្លៀកពាក់បែបសមរម្ភវាគឺជាសោភណ្ឌភាពមួយបាត់ទៅហើយមិនមែនមានតែការស្លៀកពាក់បែបរបូតរលូតនោះទេ។

លោកថា សិល្បករម្នាក់ៗគួរតែយល់ថាសម្រស់កិត្តិយសវានឹងមិនអណ្តែដោយសារតែការស្លៀកពាក់សិចស៊ី ឬរឿងអាស្រូវទេ វានឹងជាន់ពន្លិចកេរឈ្មោះខ្លួនឯងទៅវិញ។

ឆ្លើយតបទៅនឹងការលើកឡើងរបស់តារាស្រី ដេនីខ្វាន់ ដែលថា ការស្លៀកពាក់របស់នាងមិនមែនជាការស្លៀកពាក់ឡើងឆាកនោះ លោក រដ្ឋលេខាធការបញ្ជាក់ដែរថា មិនថាតែលើឆាកទេ បច្ចុប្បន្ន ទីណាក៏មានទូរទស្សន៍ កាសែត ទស្សនាវដ្តី ដែលព្រោះតែមនុស្សគ្រប់គ្នាមានទូរស័ព្ទ ហើយនាងបង្ហាញខ្លួនជាសារធារណៈនៅក្នុងពិធីមួយដូចនេះ គេកាន់តែប្រុងប្រយ័ត្នជាងការសម្តែងលើឆាកទៅទៀត។ លោកលើកឡើងដែរថា បើមិនចង់ឲ្យមានការផ្សព្វផ្សាយជាសារធារណៈលុះត្រាតែនាងស្លៀកពាក់ហើយស្ថិតនៅក្នុងបន្ទប់តែម្នាក់ឯង។

ទោះជាយ៉ាងណាក្រសួងនៅមិនទាន់ចេញនូវវិធានការជាក់លាក់បន្ថែមថ្មីពីលើសេចក្តីជូនដំណឹងកាលពីប៉ុន្មានសប្តាហ៍មុននេះនៅឡើយ ដោយលោករដ្ឋលេខាធិការក្រសួងវប្បធម៌ និងវិចិត្រសិល្បៈបញ្ជាក់ថា ក្រសួងចង់ឲ្យសិល្បករព្យាយាមកែទម្លាប់ដោយខ្លួនឯងគឺមានតែវិធានការថ្នាក់ថ្នម ដោយយល់ថាជាខ្មែរដូចគ្នា ស្ថិតក្រោមឆត្ររបស់ក្រសួងវប្បធម៌ ដែលដូចជាឪពុកម្តាយមិនអាចខុសដៃយកដៃខុសជើងយកជើងនោះទេគឺចង់ណែនាំឲ្យអស់លទ្ធភាព ប៉ុន្តែក្រសួងក៏នឹងមានវិធានការផ្សេងពីនេះប្រសិនបើការណែនាំរបស់ក្រសួងមិនមានការយកចិត្តទុកដាក់ពីសំណាក់សិល្បករនោះ។

តារាសម្តែង ដេនី ខ្វាន់នៅមិនទាន់អាចស្វែងរកការបញ្ជាក់ជុំវិញការព្រមានរបស់ក្រសួងវប្បធម៌ និងវិចិត្រសិល្បៈខាងលើនៅឡើយទេ ដោយសារតែទូរស័ព្ទរបស់នាងត្រូវបានប្អូនប្រុសនាងលោក គឹម សាន្តលើក ហើយបញ្ជាក់ថា បងស្រីលោកបានដូលេខទូរស័ព្ទហើយកាលពីថ្មីៗនេះហើយលោកក៏មិនបានស្គាល់ពីលេខទូរស័ព្ទថ្មីនោះដែរ។

គេនៅមិនទាន់ដឹងនៅឡើយទេថា តើការព្រមានរបស់មន្ត្រីជាន់ខ្ពស់ក្រសួងវប្បធម៌ និងវិចិត្រសិល្បៈខាងលើនឹងមានឥទ្ធិពលកម្រិតណាចំពោះតារាសម្តែង ដេនីខ្វាន់ នោះដែរ៕ វឌ្ឍនា

991

12494967_1702588796629300_3017881208299654235_n

12495250_1719452821609564_4903222137194668270_n

12717978_1727726924115487_1031054420066509862_n

IMG_0629