ព័ត៌មានទាន់ហេតុការណ៍៖

យុទ្ធនាការ​ឃោសនាបោះឆ្នោត ​ប្រធានាធិបតី​នី​ហ្សេ​រី​យ៉ា​ចាប់ផ្តើម​ដោយ​ហិង្សា​

យុទ្ធនាការ​ស្វែងរក​សំឡេង​គាំទ្រ​សម្រាប់​ការ​បោះ​ឆ្នោត​ប្រធានាធិបតី​នី​ហ្សេ​រី​យ៉ា​បាន​ចាប់ផ្តើម​កាលពី ​ថ្ងៃ​ទី​២​ ខែកុម្ភៈ​ ឆ្នាំ​២០១៥​ ។​
​ប្រធានាធិបតី​ Goodluck​ Jonathan​ បាន​ធ្វើ​យុទ្ធនាការ​នៅ​ក្នុង​ទីក្រុង​ Gombe​ ភាគ​ខាងជើង​របស់​ប្រទេស​នេះ​ ហើយ​នៅ​ពេល​ដែល​លោក​ទើបតែ​ចាក​ចេញពី​ទីនោះ​បាន​មួយសន្ទុះ​ក្រោយមក​ ស្រាប់តែ​មាន​ស្ត្រី​ម្នាក់​បាន​បំផ្ទុះ​គ្រាប់បែក​អត្តឃាត​បណ្តាល​ឲ្យ​ស្លាប់​ម្នាក់​ និង​ របួស ​១៨​នាក់​ ។​

​លោក​ Jonathan​ បាន​ឈរឈ្មោះ​សា​ជា​ថ្មី​ម្តងទៀត​សម្រាប់​បេក្ខភាព​ប្រ​ធានា​បតី​ដែល​ត្រូវ​ប្រព្រឹត្ត​ ឡើង​នៅ​ ថ្ងៃ​ទី​១៤​ ខែកុម្ភៈ​ ឆ្នាំ​២០១៥​ ដោយ​ប្រកួតប្រជែង​ជាមួយ​អតីត​មេដឹកនាំ​របប​យោធា​ លោក​ Muhammadu​ Buhari​ ។

​ជាមួយ​គ្នា​នេះ​ ក្រុម​ឧទ្ទាម​អិ​ស្លា​ម​ជ្រុលនិយម​បូ​កូ​ហា​រ៉ា​ម​បាន​បង្កើន​សកម្មភាព​វាយប្រហារ​របស់​ពួក​គេ​ នៅ​ទីតាំង​ដែល​មាន​រៀបចំ​បោះ​ឆ្នោត​ក្នុង​ប្រទេស​។​ ប៉ុន្តែ​ទោះ​យ៉ាងណា​ ពួក​គេ​នៅ​មិន​ទាន់​អះអាង​ចំពោះ​អំពើ​ហិង្សា​ខាងលើ​នេះ​ឡើយ​។​

​ការ​បំផ្ទុះ​គ្រាប់បែក​អត្តឃាត​នេះ​ក៏​បាន​ធ្វើ​ឡើង​ផង​ដែរ​នៅ​តាម​អគារ​តុលាការ​ ក្នុង​តំបន់​ទីប្រជុំជន ​៣​ ដែល​សម្បូរ​ប្រេងកាត​ ស្ថិត​នៅ​ភាគ​ខាងត្បូង​របស់​នី​ហ្សេ​រី​យ៉ា​ ។​ ក្រុម​ប៉ូលិស​បាន​និយាយ​ថា​ ការ​វាយប្រហារ​នេះ​គឺ​គ្រាន់តែ​ដើម្បី​ឲ្យ​មានការ​សម្របសម្រួល​តែ​ប៉ុណ្ណោះ​ ។​

​អ្នកនាំពាក្យ​ប៉ូលិស​ក្នុង​តំបន់​ លោក​ Ahmad​ Muhammed​ បាន​ថ្លែង​ថា​ រំសេវ​ជាតិ​ផ្ទុះ​សង្ស័យ​ថា​ ត្រូវ​គេ​ប្រើ​ដើម្បី​វាយប្រហារ​នៅ​ទីក្រុង​ Port​ Harcourt​ ,​ ទីប្រជុំជន​ Isiokpo​ និង​នៅ​ទីក្រុង​ Degema​ ស្ថិត​នៅ​ក្នុង​រដ្ឋ​ខេត្ត​ Rivers​ State​ ដែល​សម្បូរ​ទៅ​ដោយ​ប្រេងកាត​នោះ​ ។​ លោក​បន្ត​ថា​ បើ​ទោះជា​មិន​មាន​គ្រោះថ្នាក់​ដល់​ជីវិត​ មនុស្ស​ ប៉ុន្តែ​អគារ​តុលាការ​នៅ​ក្នុង​ទីក្រុង​ Degema​ រង​ការ​ខូចខាត​ ហើយ​ឯកសារ​នៅ​ទីនោះ​ក៏​បាន​ ឆេះ​ម៉ដ្ឋ​អស់​គ្មាន​សល់​ ។

​ក្រុម​បូ​កូ​ហា​រ៉ា​ម​មិន​ត្រូវ​គេ​ជឿ​ថា​ ជា​អ្នក​ធ្វើ​សកម្មភាព​យ៉ាង​សកម្មភាព​នៅ​ក្នុង​តំបន់​ដែល​សម្បូរ​ប្រេង​នេះ​ទេ​។​ នៅ​ទី​នេះ​ ពួក​សកម្មប្រយុទ្ធ​ផ្សេង​ទៀត​ធ្លាប់​បាន​ធ្វើ​សកម្មភាព​វាយប្រហារ​នា​ពេល​កន្លង​មក​ដើម្បី​ទាមទារ​ឲ្យ​រដ្ឋាភិបាល​បែងចែក​ចំណូល​ដែល​បាន​មក​ពី​ប្រេង​ដល់​ក្រុម​ពួក​គេ​។

​អំពើ​ហិង្សា​នៅ​ក្នុង​ទីក្រុង​ Gombe​ បាន​កើតឡើង​ ខណៈ​ដែល​ជន​បំផ្ទុះ​គ្រាប់បែក​អត្តឃាត​បាន​បំផ្ទុះ​ខ្លួនឯង​នៅ​ជិត​រថយន្ត​មួយ​គ្រឿង​ ។​ លោក​ Fwaje​ Atajiri​ អ្នកនាំពាក្យ​ប៉ូលិស​ប្រចាំ​តំបន់​បញ្ជាក់​ថា​ ហេតុការណ៍​នេះ​បាន​បណ្តាល​ឲ្យ​ស្រី​ម្នាក់​ស្លាប់​ ប៉ុន្តែ​ផ្ទុយ​ពី​សេចក្តីរាយការណ៍​នៅ​មុន​នោះ​បន្តិច​ថា​ មនុស្ស​៣​នាក់​បាត់បង់​ជីវិត​ ។

​សាក្សី​ម្នាក់​ឈ្មោះ​ Mohammed​ Bolari​ ដែល​ចូលរួម​យុទ្ធនាការ​បោះ​ឆ្នោត​ប្រធានាធិបតី​ក្នុង​ទីក្រុង​ Gombe​ ដែរ​នោះ​បាន​និយាយ​ថា​ ហេតុការណ៍​បំផ្ទុះ​បាន​កើតឡើង​ប្រមាណ​៣​នាទី​ បន្ទាប់​ពី​ការ​ចាកចេញ​របស់​លោក​ប្រធានាធិបតី​ Jonathan​ ។​

​ការ​បោះ​ឆ្នោត​របស់​នី​ហ្សេ​រី​យ៉ា​នៅ​ពេល​នេះ​ត្រូវ​បាន​គេ​មើលឃើញ​ថា​ ជា​ការ​ប្រកួតប្រជែង​ដ៏​ខ្លាំងក្លា​បំផុត​ មិន​ធ្លាប់​មាន​ ក្រោយ​បញ្ចប់​របប​យោធា​ក្នុង​ឆ្នាំ ​១៩៩៩​មក​។​ ជាមួយ​គ្នា​នេះ​ ក៏​មាន​ក្តី​ព្រួយបារម្ភ​ដែរ​ថា​ ប្រជាពលរដ្ឋ​ដែល​ ស្ថិត​នៅ​ក្នុង​តំបន់​គ្រប់គ្រង​របស់​ពួក​បូ​កូ​ហា​រ៉ា​ម​មិន​អាច​ចេញ​ទៅ​បោះ​ឆ្នោត​បាន​ទេ​ ។​

​កាលពី​ស​ប្តា​ហ៍​មុន​សហភាព​អាហ្វ្រិក​បាន​យល់ព្រម​ដាក់​ពង្រាយ​កងទ័ ព​៧.៥០០​នាក់ ​ដើម្បី​ប្រយុទ្ធ​ប្រឆាំង​ជាមួយ​ក្រុម​បូ​កូ​ហា​រ៉ា​ម​ ។​

​នៅ​ក្នុង​ខែមេសា​ ឆ្នាំ​២០១៣​ នី​ហ្សេ​រី​យ៉ា​បាន​ប្រកាស​ចាត់​ទុក​តំបន់​ភាគ​ឦសាន​ប្រទេស​ឲ្យ​ស្ថិត​ជា​តំបន់​ក្នុង​ គ្រាអាសន្ន​ ដែល​ក្នុង​នោះ​រួម​មាន​រដ្ឋ​ Borno​ រដ្ឋ​ Yobe​ និង​រដ្ឋ​ Adamawa​ ។​ ប៉ុន្តែ​ទោះ​យ៉ាងណា​ រដ្ឋាភិបាល​មិន​អាច​បញ្ឈប់​សកម្មភាព​វាយ ប្រហា​របស់​ក្រុម​ឧទ្ទាម​បូ​កូ​ហា​រ៉ា​ម​បាន​ឡើយ​

8(24)

6(53)

7(31)