ព័ត៌មានទាន់ហេតុការណ៍៖

រត់ប្រជ្រៀតជាន់លើគ្នាស្លាប់មនុស្ស៥២នាក់នៅប្រទេសអេត្យូពី

ចែករំលែក៖

យ៉ាងហោចណាស់ក៏មានមនុស្ស៥២ស្លាប់នៅក្នុងហេតុការណ៍ប្រជ្រៀតជាន់លើគ្នាកាលពីថ្ងៃទី២ ខែតុលាក្រោយប៉ូលិសបានបាញ់ឧស្ម័នបង្ហូរទឹកភ្នែកនិងគ្រាប់បែកកៅស៊ូបំបែកហ្វូងបាតុករប្រឆាំងរដ្ឋាភិបាលប្រទេសអេត្យូពី(Ethiopia)។

បាតុករម្នាក់ឈ្មោះ Elias បានរៀបរាប់ ថា លោកជិតនឹងស្លាប់នៅក្នុងហេតុការណ៍ប្រជ្រៀតជាន់គ្នាខាងលើតែជាភ័ព្វសំណាងបានគេជួយអូសចេញពីប្លុកជ្រៅជាកន្លែងមានមនុស្សជាច្រើនធ្លាក់ចុះពេលព្យាយាមរត់គេចពីប៉ូលិស។

បុរសខាងលើបានរៀបរាប់ឲ្យដឹងទៀត ថា ទិដ្ឋភាពគួរឲ្យភ័យខ្លាចមានមនុស្សជាច្រើនជាប់ក្នុងរណ្តៅបើទោះបីមានមនុស្សជាច្រើនបានជួយសង្គ្រោះចេញក៏ដោយ។

ការធ្វើបាតុកម្មចាប់ផ្តើមឡើងពីជម្លោះសាសនានៅតំបន់ Oromia ជាតំបន់ដែល មានវិវាទនយោបាយខ្លាំងបំផុតនៅក្នុង
ប្រទេសអេត្យូពី។ តាមការប៉ាន់ប្រមាណមានមនុស្សជាង២លាននាក់បានចូលរួមនៅក្នុងពិធីបុណ្យ Irrecha ស្ថិតនៅក្នុង ស្រុក Bishoftu ភាគខាងកើតទីក្រុង Addis Ababa។

នៅពេលនោះបាតុករបានស្រែកហ៊ោ និងនិយាយនូវពាក្យស្លោកប្រឆាំងរដ្ឋាភិបាល ។ បាតុករមួយចំនួនបានគប់ដុំថ្ម និងដបទឹកបរិសុទ្ធទៅលើមេដឹកនាំសាសនានៅក្នុងតំបន់។ ប៉ូលិសក៏បានចូលរួមទប់ស្កាត់ដោយបាញ់ឧស្ម័នបង្ហូរទឹកភ្នែកនិងគ្រាប់កៅស៊ូ ទើបបង្កឲ្យមានការប្រជ្រៀតជាន់លើគ្នាកើតឡើង។

មន្ត្រីរដ្ឋាភិបាលបានទម្លាក់កំហុសទៅលើក្រុមជ្រុលនិយមបង្កឲ្យមានហេតុការណ៍អាក្រក់ខាងលើកើតឡើង។ រដ្ឋាភិបាល
បានច្រានចោលការចោទប្រកាន់ថា ប៉ូលិសបានពាក់ព័ន្ធទៅនឹងការស្លាប់របស់មនុស្ស ៥២នាក់ខាងលើ។

សមាជិកគណបក្សប្រឆាំង Mulatu Gemechu បញ្ជាក់ថា ចំនួនអ្នកស្លាប់បន្តកើនឡើងខ្ពស់។ មានប្រភពព័ត៌មានបាន បញ្ជាក់ថា អ្នកស្លាប់កើនឡើងរហូតដល់ជាង១០០នាក់ ។ លោក Mulatu Gemechu បញ្ជាក់ថា បាតុករមិនបានជំរុញឲ្យ
មានអំពើហិង្សាឬយកអាវុធតាមខ្លួនដើម្បីប្រឆាំងប៉ូលិសនោះឡើយ៕ ម៉ែវ សាធី

ethopia 1475422354679322700

A man checks the pulse of the victim of a stampede during the Oromo new year holiday Irreechaa in Bishoftu on October 2, 2016. Several people were killed in a stampede near the Ethiopian capital on October 2, according to an AFP photographer at the scene. Several thousand people from the Oromo community gathered at a sacred lake for a religious festival and started to cross their wrists above their heads, a symbol of Oromo anti-government protests. The event quickly degenerated, with protesters throwing stones and bottles and security forces responding with baton charges and tear gas grenades. Together, Oromos and Amharas make up 60 percent of the population and have become increasingly vocal in rejecting what they see as the disproportionate power wielded by the northern Tigrean minority in government and the security forces. / AFP PHOTO / Zacharias ABUBEKERZACHARIAS ABUBEKER/AFP/Getty Images


ចែករំលែក៖