ព័ត៌មានទាន់ហេតុការណ៍៖

សហព័ន្ធ​កីឡា​ទ្រី​យ៉ា​ត្លុង​កម្ពុជា​ ប្រកាស​ពី​កម្មវិធី​ប្រកួត​កីឡា​ភ្នំ​ ពេញ​អន្ដរជាតិ​ឌូ​អា​ត្លុង​ដណ្ដើម​ពាន​ រង្វាន់​សម្ដេច​តេ​ជោ​ ហ៊ុន​ សែន​ ឆ្នាំ​២០១៥

ចែករំលែក៖

​ភ្នំពេញ​ ៖​ សន្និសីទ​សារព័ត៌មាន​ស្ដី​ពី​ ការ​ប្រកួត​កីឡា​ភ្នំពេញ​អន្ដរជាតិ​ឌូ​អា​ត្លុង​ លើក​ទី​៣​ដណ្ដើម​ពានរង្វាន់​សម្ដេច​អគ្គមហាសេនាបតី​តេ​ជោ​ ហ៊ុន​ សែន​ នាយក​រដ្ឋមន្ដ្រី​នៃ​ព្រះរាជា​ចក្រ​កម្ពុជា​ ដើម្បី​ចូលរួម​អបអរសាទរ​ទិវា​កុមារ​ អន្ដរជាតិ​ថ្ងៃ​ទី​២៤​ ខែឧសភា​ ឆ្នាំ​២០១៥​ បាន​ប្រារឰ​ធ្វើ​នៅ​សាល​ប្រជុំ​ក្រសួង​ព័ត៌មាន​ ដោយ​មានការ​អញ្ជើញ​ចូលរួម​ជា​ អធិបតី​ពី​លោក​ ខៀវ​ កា​ញា​រី​ទ្ធ​ រដ្ឋមន្ដ្រី​ ក្រសួង​ព័ត៌មាន​ និង​ជា​ប្រធានកិត្ដិយស​ របស់​សហព័ន្ធ​កីឡា​ទ្រី​យ៉ា​ត្លុង​កម្ពុជា​ និង​ លោក​គង់​ រិ​ទ្ធី​ជ​ព្វ​ ប្រធាន​សហព័ន្ធ​កីឡា​ ទ្រី​យ៉ា​ត្លុង​កម្ពុជា​ ។​

​លោក​គង់​ រិ​ទ្ធី​ជ​ព្វ​ មាន​ប្រសាសន៍​ថា​ សហព័ន្ធ​កីឡា​ទ្រី​យ៉ា​ត្លុង​បាន​សហការ​ ជាមួយ​ក្រសួង​ព័ត៌មាន​រៀបចំ​សន្និសីទ​សារព័ត៌មាន​ដើម្បី​ផ្សព្វផ្សាយ​ពី​ព្រឹត្ដិ​ ការណ៍​ប្រកួត​កីឡា​ភ្នំពេញ​អន្ដរជាតិ​ ឌូ​អា​ត្លុង​ដែល​នឹង​ប្រព្រឹត្ដ​ទៅ​នៅ​វេលា​ ម៉ោង​៦​និង​៣០​នាទី​ព្រឹក​ថ្ងៃ​ទី​២៤​ ខែ​ ឧសភា​ ឆ្នាំ​២០១៥​ នៅ​មជ្ឈមណ្ឌល​ កម្សាន្ដ​កោះ​ពេជ្រ​ ។​

​លោក​គង់​ រិ​ទ្ធី​ជ​ព្វ​ បានឱ្យ​ដឹង​ទៀត​ថា​ សម្រាប់​ការ​ប្រកួត​កីឡា​ឌូ​អា​ត្លុង​នេះ​ មាន​វិញ្ញាសា​ចំនួន​២​ គឺ​រត់ប្រណាំង​បូក​ និង​ការ​ជិះ​កង់​ហើយ​ក៏​មាន​វិញ្ញាសា​រត់​ ប្រណាំង​៣​គីឡូម៉ែត្រ​ជា​លក្ខណៈ​មិត្ដ​ ភាព​ដើម្បី​ផ្ដល់​ឱកាស​ដល់​មហាជន​ ដែល​មិន​ទាន់​មាន​សមត្ថភាព​លេង​ កីឡា​ឌូ​អា​ត្លុង​ក៏​អាច​ចូលរួម​រត់​កម្សាន្ដ​ ជា​លក្ខណៈ​គ្រួ​សារបាន​ដែរ​ ។​

​លោក​បាន​បន្ដ​ទៀត​ថា​ ចំពោះ​ការ​ ប្រកួត​កីឡា​ឌូ​អា​ត្លុង​នេះ​មិន​បាន​ផ្ដោត​ សំខាន់​ទៅ​លើ​កម្រិត​បច្ចេកទេស​ខ្លាំង​ ពេក​នោះ​ឡើយ​ ប៉ុន្ដែ​យើង​ផ្ដោត​ទៅ​ លើ​សុខភាព​មិត្ដភាព​ដើម្បី​ភាព​សប្បាយ​ រីករាយ​ក្នុង​កម្មវិធី​ប្រកួត​ដណ្ដើម​ពាន​ រង្វាន់​សម្ដេច​តេ​ជោ​ ហ៊ុន​ សែន​ និង​អប​ អរសាទរ​ទិវា​កុមារ​អន្ដរជាតិ​ដូច​បណ្ដា​ ប្រទេស​ផ្សេងៗ​ទៀត​នៅ​លើ​ពិភពលោក​ ដែរ​ ។​ តាម​ការ​គ្រោងទុក​របស់​គណៈ​ កម្ម​ការ​រៀបចំ​ការ​ប្រកួត​កីឡា​ឌូ​អា​ត្លុង​ គឺ​ព្រឹត្ដិការណ៍​នេះ​នឹង​មាន​កីឡាករ​កីឡា​ ការិនី​ចូលរួម​សរុប​៣០០​នាក់​មក​ពី​ សមាគម​ក្លិប​ចំនួន​១០​ ហើយ​កីឡាករ​ កីឡាការិនី​មហាជន​រត់ប្រណាំង​កម្សាន្ដ​មាន​ប្រមាណ​៣០០​នាក់​មក​ពី​តាម​ បណ្ដា​អង្គការ​ស្ថាប័នរដ្ឋ​និង​ឯកជន​។​ កុមា​រា​កុមារី​១០០​នាក់​និង​ក្រុម​មន្ដ្រី​ គណៈកម្មការ​បច្ចេកទេស​១០០​នាក់​ ។​

​វិញ្ញាសា​នៃ​ការ​ប្រកួត​កីឡា​ឌូ​អា​ត្លុង​ មាន​ដូច​ជាទី​១​ប្រភេទ​អាយុ​ក្រោម​១៨​ ឆ្នាំ​បុរស​-​នារី​,​ រត់​ចម្ងាយ​២,៥​គីឡូ​ ម៉ែត្រ​ និង​ជិះ​កង់​ចម្ងាយ​១០​គីឡូម៉ែត្រ​ រួច​ហើយ​រត់​ចម្ងាយ​២​្ប​៥​គីឡូម៉ែត្រ​។​ ប្រភេទ​អាយុ​ចាប់ពី​១៨​ដល់​៤០​ឆ្នាំ​បុរស​នារី​មាន​រត់​ចម្ងាយ​៥​គីឡូម៉ែត្រ​និង​ជិះ​ កង់​ចម្ងាយ​២១​គីឡូម៉ែត្រ​រួច​រត់​បន្ដ​២៥​គីឡូម៉ែត្រ​ទៀត​ ។​ ប្រភេទ​អាយុ​៤១​ឆ្នាំ​ ឡើង​បុរស​ត្រូវ​រត់​ចម្ងាយ​២,៥​គីឡូម៉ែត្រ​ ជិះ​កង់​ចម្ងាយ​១០​គីឡូម៉ែត្រ​ ហើយ​បន្ដ​ រត់​២៥​គីឡូម៉ែត្រ​។​

ប្រភេទ​អាយុ​៤១​ឆ្នាំ​ ឡើង​នារី​ត្រូវ​រត់​ចម្ងាយ​២,៥​គីឡូម៉ែត្រ​ ជិះ​កង់​ចម្ងាយ​១០​គីឡូម៉ែត្រ​ហើយ​ បន្ដ​រត់​២៥​គីឡូម៉ែត្រ​និង​វិញ្ញាសា​រត់​ ប្រណាំង​ចម្ងាយ​៣​គីឡូម៉ែត្រ​ជា​លក្ខណៈ​កម្សាន្ដ​មិន​កំណត់​អាយុ​បុរស​-​នារី​ ៕ សារី​ម​

Sarim


ចែករំលែក៖