ព័ត៌មានទាន់ហេតុការណ៍៖

​ថៃ​អនុញ្ញាត​ឱ្យ​យន្ដហោះ​ឈ្លប​ការណ៍​ អា​មេ​រិ​ក​ធ្វើ​សកម្មភាព​ក្នុង​ដែនអាកាស​

​ឧបនាយករដ្ឋមន្ដ្រី​ថៃ​ កាលពី​ថ្ងៃ​ទី​ ២៩​ ខែឧសភា​ បាន​ថ្លែង​ថា​ រដ្ឋាភិបាល​ ថៃ​បាន​អនុញ្ញាត​ឱ្យ​យន្ដហោះ​ឈ្លប​យក​ ការណ៍​របស់​អា​មេ​រិ​ក​ហោះហើរ​នៅ​ក្នុង​ ដែន​អធិបតេយ្យ​របស់​ខ្លួន​ដើម្បី​សកម្ម​ ភាព​ស្វែងរក​ទូក​ដឹក​ជនភៀសខ្លួន​រសាត់​ អណ្ដែត​តាម​យថាកម្ម​នៅ​លើ​សមុទ្រ​ តំបន់​អាស៊ី​ភាគ​អាគ្នេយ៍​នោះ​ ។​

​ជំនួយការ​រដ្ឋមន្ដ្រី​ការ​បរទេស​សហ​ រដ្ឋ​អា​មេ​រិ​ក​ លោក​ Anne​ Richard​ បាន​ថ្លែង​កាលពី​ពេល​ថ្មីៗ​នេះ​ថា​ អា​មេ​រិ​ក​ បាន​ស្នើ​សំណើ​មួយ​នេះ​ដើម្បី​ហោះហើរ​ បំពេញបេសកកម្ម​ ខណៈ​ដែល​កិច្ចប្រជុំ​ អន្ដររដ្ឋាភិបាល​ស្ដី​អំពី​វិបត្ដិ​ជនភៀសខ្លួន​ កំពុង​ដំណើរការ​ធ្វើ​ឡើង​នៅ​ក្នុង​ទីក្រុង​ បាងកក​ ។​
​ឧបនាយករដ្ឋមន្ដ្រី​ថៃ​ លោក​ Tana-sak​ Patimapragorn​ បាន​ថ្លែងប្រាប់​រ៉​យ​ទ័​រថា​ “​បាទ​,​ យើង​អនុញ្ញាត​ឱ្យ​មាន​ការ​ហោះហើរ​ចាប់ផ្ដើម​ពី​ថ្ងៃនេះ​”​។​

​កិច្ចប្រជុំ​អន្ដររដ្ឋាភិបាល​នៅ​ក្នុង​ ប្រទេស​ថៃ​បាន​ចូលរួម​ពី​បណ្ដា​តំណាង​ ប្រទេស​នៃ​សមាគម​អាស៊ាន​ រួម​ជាមួយ​ អា​មេ​រិ​ក​ និង​អង្គការសហប្រជាជាតិ​ ដោយ​ចាប់ផ្ដើម​ឡើង​កាលពី​ថ្ងៃ​ទី​២៩​ ខែ​ ឧសភា​ ឆ្នាំ​២០១៥​ដើម្បី​រក​គន្លឹះ​ដោះ​ ស្រាយ​ចំពោះ​វិបត្ដិ​ជនភៀសខ្លួន​ ។​

​តំណាង​ប្រទេស​ទាំង​១៧​ដែល​ពាក់​ ព័ន្ធ​បញ្ហា​វិបត្ដិ​ជនភៀសខ្លួន​នៅ​តាម​ ឈូង​សមុទ្រ​ឥណ្ឌា​ រួម​មាន​អូស្ដ្រាលី​,​ បង់​ ក្លា​ដែ​ស​,​ កម្ពុជា​,​ ឥណ្ឌា​,​ ឥណ្ឌូ​នេ​ស៊ី​,​ ឡាវ​,​ ម៉ា​ឡេ​ស៊ី​,​ មី​យ៉ា​ន់​ម៉ា​,​ ហ្វី​លី​ពី​ន​,​ វៀតណាម​,​ ថៃ​,​ ញូ​វ​ហ្សេ​ឡេ​ន​,​ ប៉ា​ពួ​ញូ​វ​ ហ្គី​នៀ​,​ ស្រី​លង្កា​,​ ប៉ា​គី​ស្ថាន​,​ អា​ហ្វ​ហ្គា​នី​ ស្ថាន​ និង​អ៊ី​រ៉​ង់​បាន​ចូលរួម​ក្នុង​កិច្ចប្រជុំ​ អន្ដររដ្ឋាភិបាល​នៅ​ក្នុង​ប្រទេស​ថៃ​ ។​

​អា​មេ​រិ​ក​ ជប៉ុន​ និង​ប្រទេស​ស្វី​សបាន​ បញ្ជូន​អ្នកសង្កេតការ​របស់​ខ្លួន​ឱ្យ​ចូល​ រួម​ក្នុង​កិច្ចប្រជុំ​នេះ​ ។​ ទីភ្នាក់ងារ​ជន​ ភៀសខ្លួន​អង្គការសហប្រជាជាតិ​,​ កា​រិ​-​ យា​ល័យ​អង្គការសហប្រជាជាតិ​ស្ដី​ពី​ គ្រឿងញៀន​ និង​ឧក្រិដ្ឋកម្ម​ និង​អង្គការ​ជន​ ភៀសខ្លួន​អន្ដរជាតិ​ក៏​បាន​ចូលរួម​នៅ​ក្នុង​ កិច្ចប្រជុំ​នេះ​ដែរ​ ។​
​ទោះបី​យ៉ាងណា​ក៏​ដោយ​ មានការ​ លើក​ឡើង​ថា​ អ្នក​ដែល​ចូលរួម​ប្រជុំ​នៅ​ ប្រទេស​ថៃ​ស្ដី​ពី​បញ្ហា​ជនភៀសខ្លួន​នេះ​ ទំនងជា​មិន​សម្រេច​បាន​លទ្ធផល​អ្វី​ជា​ ទ្រង់ទ្រាយ​ធំ​នោះ​ឡើយ​ ដោយសារ​ថា​ អ្នក​ទាំងនោះ​ភាគច្រើន​ជាម​ន្ដ្រី​ជាន់​ទាប​ ដែល​គ្មាន​សិទ្ធិ​នៅ​ក្នុង​ការ​ចុះហត្ថលេខា​ លើ​កិច្ចព្រមព្រៀង​នោះ​ទេ​ ។​

​ជនភៀសខ្លួន​ប្រមាណ​៣​ពាន់​នាក់​បាន​ មក​កាន់​ប្រទេស​ឥណ្ឌូ​នេ​ស៊ី​ និង​ម៉ា​ឡេ​ស៊ី​ កាលពី​សបា្ដហ៍​ថ្មីៗ​នេះ​ ។​ ទីភ្នាក់ងារ​ សង្គ្រោះ​បន្ទាន់​បាន​បញ្ជាក់​ថា​ នៅ​មាន​ ជនភៀសខ្លួន​ច្រើន​នាក់​ផ្សេង​ទៀត​កំពុង​ រសាត់អណ្ដែត​តាម​យថាកម្ម​តាម​ទូក​ នៅ​លើ​ផ្ទៃសមុទ្រ​ ។​

​នាយក​រដ្ឋមន្ដ្រី​អូស្ដ្រាលី​ លោក​តូ​នី​ អា​ប៊ូ​ត​ បាន​ថ្លែង​ថា​ អូស្ដ្រាលី​នឹង​មិន​ ចូលរួម​ដោះស្រាយ​បញ្ហា​ជនភៀសខ្លួន​ ទាំងនេះ​ឡើយ​ ដោយ​អាស្រ័យ​ថា​ ខ្លាច​ជា​ ការ​ជំរុញ​ឱ្យ​កាន់តែ​ច្រើន​ឡើង​ដល់​ជន​ ភៀសខ្លួន​ដែល​ធ្វើ​ដំណើរ​តាម​ទូក​ ។​

​សម្ដេច​សង្ឃ​ដា​ឡៃ​ឡាំ​ម៉ា​កាលពី​ ពេល​ថ្មីៗ​នេះ​បាន​បញ្ជាក់​ថា​ បាន​ពិភាក្សា​ ស្ដី​អំពី​វិបត្ដិ​ជនភៀសខ្លួន​រ៉ូ​ហ៊ី​ន​យ៉ា​ជា​ មួយ​មេដឹកនាំ​អ៊ុ​ង​សាន​ ស៊ូ​ជី​ បុគ្គល​ដែល​ ទទួល​បាន​ពានរង្វាន់​នូ​បែ​ល​សន្ដិភាព​។​

​មី​យ៉ា​ន់​ម៉ា​ និង​បង់​ក្លា​ដែ​ស​ជាទី​តាំង​ ដែល​ជនភៀសខ្លួន​រត់​ចេញ​ទៅ​រក​សិទ្ធិ​ ជ្រកកោណ​ថ្មី​ ក៏​ដូច​រក​ការងារ​ធ្វើ​នៅ​ក្នុង​ ប្រទេស​ថៃ​ ម៉ា​ឡេ​ស៊ី​ និង​ឥណ្ឌូ​នេ​ស៊ី​ ។​ ជនភៀសខ្លួន​រ៉ូ​ហ៊ី​ន​យ៉ា​ភៀសខ្លួន​ពី​មី​យ៉ា​ន់​ ម៉ា​គេចវេះ​ពី​ការ​ធ្វើទុក្ខបុកម្នេញ​ខាង​ ជំនឿ​សាសនា​ ក៏​ដូច​ជា​ការ​បដិសេធ​មិន​ ឱ្យ​ចូលសញ្ជាតិ​ជាដើម​ ខណៈ​ដែល​ជន​ ភៀសខ្លួន​បង់​ក្លា​ដែ​ស​ភៀសខ្លួន​ដើម្បី​រក​ ការងារ​ធ្វើ​ និង​ការ​ចិញ្ចឹមជីវិត​ឱ្យ​បាន​ល្អ​ ប្រសើរ​ជាង​នៅ​ក្នុង​ប្រទេស​របស់​ខ្លួន​ ៕

_83291670_ce9c72ce-493a-44c0-aa51-eba2027d0587