សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្នុងឱកាសចូលជួបសម្តែងការគួរសម និងពិភាក្សាការងារជាមួយ លោកនាយឧត្តមសេនីយ៍ នាង ផាត រដ្ឋលេខាធិការ ក្រសួងការពារជាតិ នៅថ្ងៃព្រហស្បតិ៍ ១៣រោច ខែចេត្រ ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ០២ ខែឧសភា ឆ្នាំ២០១៩ លោកឧត្តមសេនីយ៍ត្រី កែនចាន់ ណាន់ថាក់ឡាំងស៊ី នាយក នាយកដ្ឋានទំនាក់ទំនងការបរទេស ក្រសួងការពារប្រទេសឡាវ និងប្រតិភូថ្លែងអំណរគុណចំពោះក្រសួងការពារជាតិ បានយកចិត្តទុកដា ក់ និងផ្ដល់ឱកាសដល់ដំណើរទស្សនកិច្ចរបស់ប្រតិភូក្នុងព្រះរាជាណាចក្រកម្ពុជា ទទួលបានជោគជ័យ ។
លោកឧត្តមសេនីយ៍ត្រី កែនចាន់ ណាន់ថាក់ឡាំងស៊ី ជំរាបលោ ករដ្ឋលេខាធិការថា៖ ក្នុងដំណើរទស្សនកិច្ចរបស់ប្រតិភូនាពេលនេះ នាំមកនូវការពង្រឹង ពង្រីកសាមគ្គីភាព មិត្តភាព និងកិច្ចស ហប្រតិបត្តិការ រវាងកងទ័ពទាំងពិរកម្ពុជា-ឡាវ កាន់តែរឹងមាំថែ មទៀត ។ ពិសេសរវាងនាយកដ្ឋាន ទំនាក់ទំនងអន្តរជាតិ ប្រទេ សទាំងពីរកន្លងឲ្យកងទ័ពយើង បង្ហាញតាមរយះកិច្ចសហ ប្រតិបត្តិការជាមួយគ្នាបានយ៉ាងល្អ ។
ដំណើរទស្សនកិច្ចនេះ បង្ហាញថាព្រះរាជាណាចក្រកម្ពុជា កំពុងមានការរីកចម្រើនយ៉ាងខ្លាំង តាមរយៈការអភិវឌ្ឍ ប្រទេសរបស់ខ្លួន ស្ថិតក្នុងស្ថានភាពមានសន្តិភាព និងមានស្ថេរភាពនយោបាយ ។ ទន្ទឹមនឹងនេះ លោកមានជំនឿយ៉ាងមុតមាំថា៖ តាមរយះការបង្កើននូវកិច្ចសហប្រ តិបត្តិការ រវាងកងទ័ពទាំងពីរ កម្ពុជា-ឡាវ ទៅថ្ងៃអនាគត នឹងមានការអភិវឌ្ឍន៏ រីកចម្រើន រឹងមាំជាបន្តបន្ទាប់ ។ ពិសេសនាយកដ្ឋានទាំងពីរ ធ្វើការពិនិត្យលើអនុស្សារណកិច្ចសហប្រតិបត្តិការ រវាងក្រសួងការពារជាតិ ចុះហត្ថលេខាតាំងពីឆ្នាំ២០១៦ ធ្វើការកែសំរួលទៅលើបញ្ហាមួយចំនួនផងដែរ ។ លោកបញ្ជាក់ទៀតថា៖ ឆ្នាំនេះកងទ័ពឡាវបញ្ជូនសិក្ខាកាមចំនួន១៥នាក់ ឲ្យមកសិក្សាភាសាខ្មែរនៅសាក លវិទ្យាល័យការពារជាតិ បំពេញសិស្សមុនដែលបញ្ចប់ការសិ ក្សា ។ ក្នុងនោះថ្នាក់ដឹកនាំយើងខិតខំដោះស្រាយបញ្ហាព្រំដែន ប្រទេសទាំងពីរដោ យសន្តិវិធី ។
លោកនាយឧត្តមសេនីយ៍ នាង ផាត ជំនួសមុខឲ្យថ្នាក់ដឹកនាំក្រសួងការពារជាតិ ថ្លែងការស្វាគមន៍ ចំពោះដំណើរទស្សនកិច្ចរបស់គណៈប្រតិភូ ព្រមទាំងជូនពរទទួលបានជោគជ័យក្នុងដំណើរបេសកកម្មរបស់ខ្លួនលើទឹកដីព្រះរាជាណាចក្រកម្ពុជា ។ ក្នុងនោះដែរនាយឧត្តមសេនីយ៍ លើកឡើងនូវស្មារតីសាមគ្គីភាព មិត្តភាព និងកិច្ចសហប្រតិបត្តិការកាន់តែរឹងមាំ រវាងរដ្ឋាភិបាល កងទ័ព និងប្រជាជនប្រទេសទាំងពីរកម្ពុជា-ឡាវ ដែលក្រសួងការពារជាតិបានធ្វើកិច្ចសហប្រតិបត្តិការទៅវិញទៅមក តាំងពីយូរឆ្នាំមកហើយ ។
តាមរយះការជួយឧបត្ថម្ភគាំទ្រ ទាំងស្មារតីសម្ភារ ការជួយបណ្ដុះបណ្ដាលធនធានមនុស្ស និងផ្លាស់ប្តូរគណៈប្រតិភូទៅវិញទៅមក រវាងកងទ័ពយើងទាំងពីរ ។ ក្នុងនោះលោកនាយឧត្តមសេនីយ៍កោតសរសើរដល់កងទ័ពឡាវដែលរៀបចំក្បួនព្យុះហយាត្រាអបអរខួបលើកទី ៧០ របស់ខ្លួនទទួលជោគជ័យយ៉ាងត្រចះត្រចង់គួរជាទីមោទន:ផងដែរ ៕ សុខដុម
