ព័ត៌មានទាន់ហេតុការណ៍៖

ក្រសួងធនធានទឹក​ត្រៀមគ្រឿងចក្រ​ និងរថយន្តជិត២០០គ្រឿង សម្រាប់ជួយធ្វើអន្តរាគមន៍ កន្លែងណាខ្វះខាតទឹកប្រើប្រាស់នៅរដូវប្រាំងនេះ

ចែករំលែក៖

ភ្នំពេញៈ លោក​ ចាន់ យុត្ថា អ្នកនាំពាក្យក្រសួងធនធានទឹកនិងឧតុនិយម បានឲ្យដឹងថាក្រសួងធនធានទឹកនិងឧតុនិយម បានត្រៀមគ្រឿងចក្រធុនធ្ងន់និងរថយន្ត​ចំនួនជិត​២០០គ្រឿង សម្រាប់ជួយធ្វើអន្តរាគមន៍ជួយប្រជាពលរដ្ឋនៅតំបន់ណា ដែលនឹងជួបការខ្វះទឹក​ប្រើប្រាស់​ រដូវប្រាំងឆ្នាំ២០១៩នេះ។

លោក​ ចាន់ យុត្ថា បញ្ជាក់ថា​ ក្រសួងបានត្រៀមគ្រឿងចក្រធុនធ្ងន់និងរថយន្តជិត​២០០គ្រឿង​នោះ គឺសម្រាប់ជីកកាយដីទាញយកប្រភពទឹក ព្រមទាំងដឹកជញ្ជូនទឹក ទៅ ចែកជូនប្រជា​ពល​រដ្ឋនៅតំបន់ណាដែលខ្វះទឹកប្រើប្រាស់ នារដូវប្រាំងឆ្នាំ២០១៩នេះ។មកដល់ពេលនេះក្រសួង បានផ្ដល់រថយន្តស្ទូច ដែលអាចដឹកទឹកបាននោះ ទៅឱ្យខេត្ត-ក្រុងចំនួន២០គ្រឿងហើយ នៅសល់៥គ្រឿងទៀតកំពុងរៀបចំបន្ថែម។

សូមបញ្ជាក់ថាចាប់តាំងពីពាក់កណ្ដាលខែតុលាឆ្នាំ២០១៨មក ក្រុមការងារ របស់ក្រសួង​ធន​ធាន​ទឹកនិងឧតុនិយម បានចុះធ្វើការជាមួយអាជ្ញាធរមូលដ្ឋាន នៅតាមខេត្ត-ក្រុង ដើម្បីផ្សព្វ​ផ្សាយអំពីស្ថានភាពអាកាសធាតុក្តៅ ព្រមទាំងប្រាប់ឱ្យ ប្រជាពល រដ្ឋថែរក្សាប្រភព​ទឹកទុក​ប្រើប្រាស់ផង។ ក្រៅពីនេះ ក្រសួងធនធានទឹកនិងឧតុនិយម បានចាត់វិធាន​ការជាច្រើន​ចំពោះ​ការធ្វើអន្តរាគមន៍លើបញ្ហាខ្វះទឹកនេះ ដូចជាបានកាយប្រឡាយទាញយកទឹកពីទំនប់ពហុ​បំណង​បង្ហូរមកស្រុកគាស់ក្រឡ និងស្រុកមោងឬស្សី ខេត្តបាត់ដំបង ឱ្យ ប្រជាពលរដ្ឋបានទឹក​ប្រើ​ប្រាស់ ព្រមទាំង ផ្ដល់រថយន្តដឹកទឹក និងជីកស្រះស្ដុកទឹកឱ្យ ពន្ធនាគារ នៅខេត្តឧត្តរ​មាន​ជ័យជាដើម៕​ប្រាថ្នា

 


ចែករំលែក៖