ព័ត៌មានទាន់ហេតុការណ៍៖

ក្រុម​ក្មេង​ទំនើង​ ជិះ​ម៉ូតូ​ជិត​១០​គ្រឿង​ដេញ​កាប់​យុវជន​២​នាក់ ​តែត្រូវ​សមត្ថកិច្ច​​ ជួយអន្តរាគមន៍ ទាន់ឃាត់ខ្លួន​ម្នាក់យក​ទៅ​សួរនាំ​នៅ​ប៉ុស្តិ៍​ជ្រោយចង្វា

ចែករំលែក៖

ភ្នំពេញ ៖ ក្រុម​ក្មេង​ទំនើង​មាន​គ្នា​ជាង​១០​នាក់ ជិះ​ម៉ូតូ​ជិត​១០​គ្រឿង​ដេញ​កាប់​យុវជន​២​នាក់ ទើប​ចេញ​មក​ពី​ញាំអាហារ​ជាមួយ​មិត្ត​ភ​ក្កិ​ត្រឡប់​ទៅ​ផ្ទះវិញ តែ​ត្រូវ​បាន​សមត្ថកិច្ច​ចេញ​មក​ ជួយអន្តរាគមន៍ ទាន់ឃាត់ខ្លួន​បាន​ជនសង្ស័យម្នាក់​ យក​ទៅ​សួរនាំ​នៅ​ប៉ុស្តិ៍​ជ្រោយចង្វា ។

ហេតុការណ៍នេះបានកើតឡើងកាលពី​​ម៉ោង​១១​និង​៣០​នាទី​យប់ ថ្ងៃ​ទី​១១ ខែតុលា ឆ្នាំ​២០១៨ នៅតាម​បណ្តោយ​ផ្លូវ​មាត់ទន្លេ ស្ថិត​នៅ​ក្នុង​សង្កាត់-ខណ្ឌ​ជ្រោយចង្វា ។

ប្រភពពត៌មាននៅកន្លែងកើត​ហេតុការណ៍​បាន​ឲ្យ​ដឹង​ថា មុន​ពេល​កើតហេតុ​គេ​បានឃើញ​ជន​រង​គ្រោះ​មួយ​ក្រុម​មាន​គ្នា​ប្រហែលជា​៤​ទៅ​៥​នាក់ បាន​អង្គុយ​ផឹក​ស៊ីនៅមុខ​អូ​តែ​ល​សុខា ខណៈដែល​ជន​រង​គ្រោះ​ផឹកស៊ី​រួចរាល់​ក៏​បែក​គ្នា​ទៅ​ផ្ទះ​រៀង​ៗ​ខ្លួន​ ហើយ​ជនរង​គ្រោះ​ក៏​ជិះ​ម៉ូតូជាមួយ​មិត្តភក្តិ​ម្នាក់​ទៀត​​ម៉ាក​ហុងដា​ឌ្រី​ម ពណ៌​ខ្មៅ ពាក់​ស្លាក​លេខ​កណ្តាល 1U- 7503 បើកបរ​តាម​បណ្តោយ​ផ្លូវ​ក្រោយ​អូ​តែ​ល​សុខា ប៉ុន្តែ​ភ្លាម​ៗ​នោះ​ដែរ​ក៏​មានជនសង្ស័យ​មួយ​ក្រុម​មាន​គ្នា​ប្រមាណ​ជា​១០​នាក់ ជិះ​ម៉ូតូ​ជិត​១០​គ្រឿង រួម​ទាំង​មានកាំបិត​បុ័ងតោ​និង​ខ្សែ​ក្រ​វ៉ា​ត​ដេញ​កាប់​នឹង​វ៉ៃ បណ្តាល​ឲ្យ​ជន​រង​គ្រោះ​បើក​ម៉ូតូរ​ត់ទៅ​ឲ្យ​គេ​ជួយ ហើយ​ត្រូវ​បាន​ជនសង្ស័យ​ព្រួត​វាយ​២​ទៅ​៣​ខ្សែក្រវាត់​សំណាងល្អ​រង​របួសស្រាល​ ចំណែកឯ​ម៉ូតូ​របស់​ជន​រង​គ្រោះ​វិញ​រង​ការ​ខូចខាត​បែក​ក្រ​បាំង​ខាងស្តាំ ហើយត្រូវបានប្រជាពលរដ្ឋ​រួម​នឹង​សមត្ថកិច្ច​ចេញ​មក​អន្តរាគមន៍​ឃាត់​ទាន់​ពេលវេលា​នឹង​សមត្ថកិច្ច​ឃាត់ខ្លួនបាន​ម្នាក់​យក​ទៅ​សួរនាំ​នៅ​ប៉ុស្តិ៍​ជ្រោយចង្វា ។

បន្ទាប់ពីកើតហេតុ​ភាគី​ខាងជន​រង​គ្រោះ​មិន​បាន​ដាក់​ពាក្យបណ្តឹង​នោះ​ទេ​ដោយ​មិន​ចង់ឲ្យ​មានរឿង​រ៉ាវវែងឆ្ងាយ​ច្រើន ៕ ជ្រោយពេជ្រ


ចែករំលែក៖