ព័ត៌មានទាន់ហេតុការណ៍៖

ខ្លីម៉ូតូគេជិះមួយភ្លែត ទៅបាត់៦ខែទើបឃើញចាប់ឲ្យប៉ូលិសដាក់ខ្នោះអូសចូលដេកគុកយ៉ាងកម្សត់

ចែករំលែក៖

ភ្នំពេញ៖​ បុរសអ្នករត់ម៉ូតូឌុបម្នាក់ បានចាញ់បោកការលួមលោមបុរសម្នាក់ ដែលទើបតែស្គាល់គ្នារយះពេលខ្លី ហើយបានឲ្យឌុបតាំងពីផ្សារទួលសង្កែរហូតទៅដល់ភ្នំបាសិត​ ខណ្ឌព្រៃព្នៅ​ ហើយបានប្រើល្បីចធ្វើជាខ្ចីជិះមួយភ្លេត បែរជាយកទៅបាត់តាំងពី៦ខែមុនរហូតមកដល់​ ព្រឹកថ្ងៃទី១៥ ខែមិថុនា ឆ្នាំ២០១៧​ ទើបប្រទះឃើញជនសង្ស័យនៅតូបកាហ្វេ​ ភូមិអង្គ​ សង្កាត់ចោមចៅ​ ខណ្ឌពោធិ៍សែនជ័យ​ ក៏ឃាត់ប្រគល់ឲ្យសមត្ថកិច្ចចោមចៅ​ តែដោយសារករណីនោះកើតឡើងនៅទឹកដីខណ្ឌព្រែកព្នៅ ក៏ប្រគល់ឲ្យសមត្ថកិច្ចខណ្ឌព្រែកព្នៅចាត់ការវិញ។

ជនសង្ស័យឈ្មោះស៊ាង​ ភារម្យ​ ភេទប្រុស អាយុ៣៥ឆ្នាំ​ មុខរបមិនពិតប្រាកដ​ មានស្រុកកំណើតនៅភូមិចំបោះ​ ឃុំពោប្រែល​ ស្រុកបសេដ្ឋ​ ខេត្តកំពង់ស្ពឺ ។ ចំណែកជនរងគ្រោះមិនត្រូវបានបញ្ចេញឈ្មោះទេ​ ហើយម៉ូតូដែលត្រូវជនសង្ស័យយកទៅបញ្ចាំនោះ ម៉ាកហុងដា ឌ្រឹមសង់​ ពណ៌ខ្មៅ​ ពាក់ស្លាកលេខ ភ្នំពេញ1CE 6046 ។

តាមសម្តីជនរងគ្រោះបានឲ្យដឹងថា​ នៅមុនពេលកើតហេតុ ចុងខែធ្នូ ឆ្នាំ២០១៦​ ខណៈដែលគាត់កំពុងអង្គុយរង់ចាំម៉ូយម៉ូតូឌុប ស្រាប់តែមានជនសង្ស័យម្នាក់ ដែលធ្លាប់ស្គាល់គ្នារយះពេលខ្លីបានឲ្យរូបគាត់ឌុបទៅខេត្តកំពង់ស្ពឺ​ ខណៈឌុបទៅដល់ម្តុំភ្នំបាសិត ជនសង្ស័យបបួលចូលរកកន្លែងផឹក ពេលនោះគាត់ក៏ចូលទៅអង្គុយបានបន្តិច ជនសង្ស័យខ្ចីម៉ូតូជិះបន្តិច ពេលនោះស្រាប់តែទៅបាត់រហូតលែងមកវិញ។ ពេលនោះរួបគាត់បានស្វែងរកគ្រប់ទីកន្លែង តែមិនឃើញ​ រហូតដល់ព្រឹកថ្ងៃទី១៥ ខែមិថុនា ឆ្នាំ២០១៧​ ស្រាប់តែប្រទះឃើញជនសង្ស័យកំពុងអង្គុយផឹកកាហ្វេនៅភូមិអង្គ សង្កាត់ចោមចៅ​ ខណ្ឌពោធិ៍សែនជ័យ ក៏ហៅបងប្អូនចាប់ប្រគល់ឲ្យសមត្ថកិច្ចប៉ុស្តិ៍ចោមចៅ​ ។

ក្រោយពីការឃាត់ខ្លួនជនសង្ស័យសមត្ថកិច្ចបានសាកសួររឿងហេតុ តែដោយសារទីតាំងបានកើតឡើង នៅឯខណ្ឌព្រៃព្នៅ ទើបសមត្ថកិច្ចទំនាក់ទំនងទៅសមត្ថកិច្ចខណ្ឌព្រែកព្នៅយកជនសង្ស័យសាកសួរបន្តវិញ។

នៅចំពោះមុខសមត្ថកិច្ច ជនសង្ស័យបានសរភាពថា ខ្លួនបានកម៉ូតូរបស់ជនរងគ្រោះយកទៅបញ្ចាំចំនួន៤០០ដុល្លារ ៕ សុខាសែនជ័យ


ចែករំលែក៖