សារព័ត៌មាន នគរវត្ត តែងតែនាំមុខគេជានិច្ច
នៅវេលាម៉ោង៣ទៀបភ្លឺ (ម៉ោងក្នុងតំបន់) មេដឹកនាំ គីម ជុងអ៊ុន បាន ទៅដល់ស្ថានីយរថភ្លើងនៅទីក្រុងព្យុងយ៉ាង ដោយសុវត្ថិភាព ដោយមានការទទួលស្វាគមន៍យ៉ាងកក់ក្តៅបំផុត ពីសំណាក់មន្ត្រីជាន់ខ្ពស់ និងពលរដ្ឋកូរ៉េខាងជើង ។
ពលរដ្ឋកូរ៉េខាងជើង និងមន្ត្រីរដ្ឋការបានទៅទទួលស្វាគមន៍យ៉ាងកក់ក្តៅបំផុត ដល់ដំណើរវិលត្រឡប់ ពីបេសកម្ម នៅវៀតណាមរយៈពេលជាច្រើនថ្ងៃ ។ នៅក្នុងជំនួបលើកទីពីរ បើទោះបីមិនមានការចុះហត្ថលេខា ទៅលើកិច្ចព្រមព្រៀងណាមួយប៉ុន្តែជាជោគជ័យយ៉ាងធំធេង របស់កូរ៉េខាងជើង ដែលបាន បើកបេះដូង ឲ្យពិភពលោកបានដឹងថា កូរ៉េខាងជើងពិតជាចង់បោះបង់កម្មវិធីបរមាណូ ។
សារព័ត៌មានជាតិកូរ៉េខាងជើង KCNA នៅព្រឹកថ្ងៃទី៥ខែមីនា បានផ្សាយថា រថភ្លើងលោកគីមជុងអ៊ុន បានទៅដល់ទីក្រុងព្យុងយ៉ាងនៅវេលាម៉ោង៣ទៀបភ្លឺ ។ សារព័ត៌មានយ៉ុនហាប់របស់កូរ៉េខាងត្បូង បានផ្សាយថា ដំណើរវិលត្រឡប់ទៅ កូរ៉េខាងជើងវិញ លឿនជាង ពេលទៅកាន់វៀតណាម ។សារព័ត៌មានលើ ធ្លាប់បានលើកឡើងថា រថភ្លើងកូរ៉េខាងជើង នឹងធ្វើដំណើរដល់ទៅ៦៦ម៉ោង ទើបដល់ ប៉ុន្តែ ធ្វើដំណើរដល់មុន ដោយចំណាយពេលតែ៦០ម៉ោងប៉ុណ្ណោះ។
ក្រោយដំណើរទស្សនកិច្ចទៅកាន់ប្រទេសវៀតណាម ចូលរួមកិច្ចប្រជុំកំពូលលើកទីពីរ ជាមួយប្រធានាធិបតីដូណាលត្រាំ និងបំពេញទស្សនកិច្ចជាផ្លូវរដ្ឋនៅវៀតណាម រយៈពេល២ថ្ងៃ។ លោកគីមជុងអ៊ុន បានឡើងគម្រោង ទស្សនកិច្ច ទៅកាន់ប្រទេសរុស្ស៊ី ។អ្នកនាំពាក្យវិមានប្រធានាធិបតីរុស្ស៊ី បានបញ្ជាក់ថា ដំណើរទស្សនស្ថិតនៅក្នុងគម្រោង ប៉ុន្តែមិនទាន់កំណត់ពេលវេលា។ មន្ត្រីជាន់ខ្ពស់រុស្ស៊ីទទួលបន្ទុកបញ្ហាកូរ៉េខាងជើងនិងធ្វើដំណើរទៅកាន់ទីក្រុងព្យុងយ៉ាងនាថ្ងៃទី១២ខែមេសាខាងមុខ។
ក្នុងពេលជាមួយគ្នានេះកូរ៉េខាងត្បូង បានស្នើរ ជំនួបពិភាក្សា ត្រីភាគី អាមេរិក កូរ៉េខាងជើង កូរ៉េខាងត្បូង ក្រោយជំនួបទ្វេភាគី ជាលើកទីពីរមិន មានលទ្ធផលដែលចង់បាន។សំណើរជំនួបពិភាក្សាត្រីភាគីត្រូវបានគណកម្មការសន្តិសុខជាតិ កូរ៉េខាងត្បូង ជួបប្រជុំកាលពីថ្ងៃទី៤ខែមីនា ក្រោមការដឹកនាមរបស់ប្រធានាធិបតី ម៉ូនជេអ៊ីន។
ក្រុមអ្នកឯកទេសបានលើកឡើងថាប្រសិនបើជំនួបត្រីភាគីត្រូវបានធ្វើឡើងនោះ អាចនឹងជួយដោះស្រាយបានរាល់វិវាទ ពិសេស គឺ អាមេរិកត្រូវលុបទណ្ឌកម្មចំនួនប៉ុណ្ណាដើម្បីឲ្យកូរ៉េខាងជើង បន្តជំហានរំសាយអាវុធបរមាណូ ៕
