សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ និយាយទៅកាន់ ក្រុមអ្នសារព័ត៌មាន ក្នុងសន្និសីទសារព័ត៌មាន ស្តីពីការប្រកួត វគ្គជម្រុះចុងក្រោយ រវាង ក្រុមជម្រើសជាតិកម្ពុជា នឹងក្រុមជម្រើសជាតិ អាហ្វហ្គានីស្ថាន កានពីព្រឹកថ្ងៃទី១២ ខែមិថុនា ឆ្នាំ២០១៧ នៅសណ្ឋាគារភ្នំពេញ លោក Leonardo Vitorino បាននិយាយថា កីឡាករអាហ្វហ្គានីស្ថានល្អច្រើន ប៉ុន្តែគ្មានអ្វីអស្ចារ្យនោះទេ សំខាន់គឺអ្នកគាំទ្រ ។
តាមរយៈអ្នកប្រែភាសា លោក Leonardo Vitorino លើកឡើងថា ថ្វីដ្បិតក្រុមជម្រើសជាតិអាហ្វហ្គានីស្ថានមានកីឡាករល្អច្រើនពិតមែន ប៉ុន្តែវាគ្មានអ្វីអស្ចារ្យសម្រាប់លោក និងក្រុមរបស់លោកឡើយទេ អ្វីដែលសំខាន់បំផុតនោះគឺអ្នកគាំទ្រ ។ លោកបញ្ជាក់ថា អ្វីដែលលោកមកទីនេះ មិនសម្រាប់តែការប្រកួតមួយលើក ឬពីរលើកនោះទេ ប៉ុន្តែលោកមកកម្ពុជា ដើម្បីជួយក្រុមនេះ និងកែប្រែក្រុមជម្រើសជាតិកម្ពុជា សម្រាប់គោលដៅឆ្នាំ២០២៣ ។
ដោយឡែក គ្រូជម្រើសជាតិ អាហ្វហ្គានីស្ថាន បានសម្តែងនូវការសប្បាយរីករាយ ដែលកម្ពុជាបានធ្វើបដិសណ្ឋារកិច្ច បានយ៉ាងល្អ ចំពោះគ្រូបង្វឹករូបនេះ បានបញ្ជាក់ថា ខ្ញុំពុំបានគិតថា ក្រុមណាមានកីឡាករល្អជាងក្រុមណានោះទេ។ អ្វីដែលសំខាន់ លោកចង់ធ្វើឲ្យការប្រកួត សម្រាប់រាត្រីថ្ងៃទី១៣ ខែមិថុនា ឆ្នាំ២០១៧ មានលក្ខណៈល្អ ដល់អ្នកគាំទ្ររបស់យើងទាំងអស់គ្នា។
គ្រូអាហ្វហ្គានីស្ថានទទួលស្គាល់ថា ក្រុមរបស់លោក ថ្វីមានកីឡាករច្រើន ហើយពួកគេលេងនៅបរទេសច្រើនពិតមែន ប៉ុន្តែវាមិនមែនជារឿងដែលអស្ចារ្យអ្វីឡើង ។ តាមការសង្កេត របស់គ្រូបង្វឹកជម្រើសជាតិអាហ្វហ្គានីស្ថានរូបនេះ កត់សម្គាល់ឃើញថា កម្រិតបច្ចេកទេស រវាងក្រុម ជម្រើសជាតិកម្ពុជា នឹងក្រុមជម្រើសជាតិអាហ្វហ្គានីស្ថាន ប្រហាក់ប្រហែលគ្នា អ្វីដែលធ្វើឲ្យអ្នកគាំទ្រមានក្តីសង្ឃឹម គឺ៥០ៗ ភាគរយដូច្នេះ ហើយការប្រកួតនេះ គ្មានក្រុមណាមួយអាចយកឈ្នះបាននោះទេ៕ សារីម
