សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ហេតុការណ៍ភ្ញាក់ផ្អើលមួយបន្ទាប់ពីស្ត្រីម្នាក់ ចេញពីធ្វើការមកដល់បន្ទប់ ឃើញទ្វារខ្ទាស់គន្លឹះខាងក្នុង ទើបធាក់ចូល ស្រាប់តែឃើញប្អូនប្រុសបង្កើតចងកនឹងក្រមា ស្លាប់បាត់ទៅហើយ ។
ហេតុការណ៍នេះ បានកើតឡើងកាលពីវេលាម៉ោង១២និង២០នាទី ថ្ងៃទី១៤ ខែវិច្ឆិកា ឆ្នាំ២០១៨ នៅក្នុងបន្ទប់ជួលក្នុងបុរីពិភពថ្មី ភូមិត្រពាំងគល់ សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះឈ្មោះ ប៊ុន ធី ភេទប្រុស អាយុ២៣ឆ្នាំ មានស្រុកកំណើតនៅខេត្តកំពង់ធំ ។
តាមប្រភពព័ត៌មានបានឲ្យដឹងថា មុនពេលកើតហេតុ បងស្រីជនរងគ្រោះបានចេញមកពីធ្វើការ ខណៈមកដល់បន្ទប់ឃើញទ្វារចាក់គន្លឹះខាងក្នុង ហៅប្អូនមិនឮ តបទើបហៅអ្នកជិតខាងមកជួយធាក់ទ្វារចូលទៅឃើញប្អូនចងក ស្លាប់បាត់ ដោយយកក្រមាចងជាប់នឹងជញ្ជាំង ។
បើតាមការបង្ហើបពីបងជនរងគ្រោះបានឲ្យដឹងថា សង្ស័យតូចចិត្តសង្សារការចោល ទើបធ្វើឲ្យជនរងគ្រោះធ្វើបែបនេះ។
ក្រោយកើតហេតុសមត្ថកិច្ចបានចុះមកកោសល្យវិច័យជាក់ស្តែងឃើញថា ជនរងគ្រោះស្លាប់ដោយសារចងកស្លាប់ខ្លួនពិតប្រាកដមែន រួចប្រគល់សពទៅក្រុមគ្រួសារយកទៅធ្វើបុណ្យតាមប្រពៃណី ៕ សុខាសែនជ័យ
