សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ឆ្លងចរន្តអគ្គិសនី ឆាបឆេះផ្ទះស្តុកឥវ៉ាន់ចាប់ហួយខូចខាត រថយន្តមួយគ្រឿង ខូចខាតសម្ភារមួយចំនួននៅក្នុងផ្ទះល្វែងនៅចំណុចផ្ទះលេខ៥៥ ផ្លូវបេតុង ក្រុមទី១៤ ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញកាលពីម៉ោង១០ព្រឹកថ្ងៃទី១៤ ខែមករា ឆ្នាំ២០១៩ ។
សមត្ថកិច្ចបានឲ្យដឹងថម្ចាស់ផ្ទះឈ្មោះ ណោ ឆេងគីម ភេទស្រី អាយុ៤៥ឆ្នាំ មុខរបរលក់ដូរ ស្នាក់នៅផ្ទះលេខ៥៣ ផ្លូវបេតុង ក្រុមទី១៤ ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ។
តាមប្រភពព័ត៌មានពីប្អូនស្រីរបស់ម្ចាស់ផ្ទះបានឲ្យដឹងថា ផ្ទះដែលឆេះខាងលើនេះជាផ្ទះសម្រាប់ស្តុកទំនិញចាប់ហួយដោយបានចាក់សោជាប់ម្ចាស់ផ្ទះទៅធ្វើការនិងលក់ដូរអស់។
ម្ចាស់ផ្ទះរងគ្រោះបានឲ្យដឹងថា នៅមុនពេលកើតហេតុនេះគាត់មិនបាននៅផ្ទះឡើងដោយរវល់លក់នៅឯផ្សារទំនប់ឯណោះស្រាប់តែមានគេខលប្រាប់ថាមានភ្លើងឆេះផ្ទះរបស់គាត់។
សមត្ថកិច្ចឲ្យដឹងថាអគ្គិភ័យនេះបណ្តាលមកពីឆ្លងចរន្តអគ្គិសនី ធ្វើឲ្យឆាបឆេះខូចខាតរថយន្តឡិចសុីស RX៣០០ ពណ៌មាស ពពាក់ស្លាកលេខភ្នំពេញ2V. 0897 និងឆេះខូចខាតសំភារៈមួយចំនួនធំ។ នៅករណីនេះប្រើប្រាស់រថយន្តពន្លត់អគ្គិភ័យចំនួន ០៦គ្រឿង ប្រើប្រាស់ទឹកពន្លត់ចំនួន ០៣ គ្រឿងគឺមានរថយន្តរបស់ការិយាល័យបង្កាពន្លត់អគ្គិភ័យរាជធានីភ្នំពេញ ០២គ្រឿង រថយន្តខណ្ឌឫស្សីកែវ ០១គ្រឿងអគ្គិភ័យនេះពន្លត់ចប់សព្វគ្រប់ជាស្ថាពរនៅម៉ោង ១០និង២៥នាទី មិនបណ្តាលឲ្យខូចខាត បាត់បង់ ឬរងគ្រោះដល់បងប្អូនប្រជាពលរដ្ឋដែលរស់នៅជិតកន្លែងកើតហេតុឡើយ ៕ ជ្រោយពេជ្រ
