សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះវិហារ៖ គ្រឿងញៀនជិត៥គីឡូក្រាម ត្រូវបានបង្ក្រាបដោយសមត្ថកិច្ចខេត្តព្រះវិហារ នគរបាលការិយាល័យ ក.៩ នៃមន្ទីរប្រឆាំងគ្រឿងញៀន សហការជាមួយនគរបាលខេត្តព្រះវិហារ ។
សមត្ថកិច្ចឲ្យដឹងថា ជនសង្ស័យបានលួចនាំគ្រឿងញៀនឆ្លងដែននៅព្រឹកថ្ងៃពុធ ១៣រោច ខែផល្គុន ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី១៤ ខែមីនា ឆ្នាំ២០១៨ នៅត្រង់ចំណុចភូមិកំពង់ព្រះឥន្ទ ឃុំកំពង់ស្រឡៅ២ ស្រុកឆែប ខេត្តព្រះវិហារ ជាប់ព្រំប្រទល់ប្រទេសឡាវ ស្រុកមឿងខូង ខេត្តចំប៉ាសាក់ តាមដងទន្លេល្ពៅតែម្តង ។
សមត្ថកិច្ចបង្ហើបថា បុរសជាជនសង្ស័យឈ្មោះ ប៊ី គិនខាន់ចាន់ថា ហៅ ស៊ីយង់ ជនជាតិឡាវ អាយុ៣៤ឆ្នាំ ទីលំនៅភូមិគីឡូលេខ១៤ ស្រុកបាចៀង ក្រុងប៉ាក់សេ ខេត្តចំប៉ាសាក់ ។ ជាមួយគ្នានេះ សមត្ថកិច្ចចាប់យក
វត្ថុតាងរួមមាន ថ្នាំញៀនជិត៥គីឡូក្រាម ក្នុងនោះមានមេតំហ្វេតាមីនគ្រាប់(WY)ចំនួន ១០០០០ គ្រាប់(៩៨២,៤៥ក្រាម), មេតំហ្វេតាមីន (ICE) ៣៩៦៣,៥៦ក្រាម ៕ ស សម
