សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ដោយបានការអនុញ្ញាតពីលោកឧត្តមសេនីយ៍ទោស្នងការរងទទួលផែនអន្ដោរប្រវេសន៍ ការិយាល័យស៊ើបអង្កេតនិងអនុវត្តនីតិវិធី បានសហការជាមួយនគរបាលប៉ុស្ដិ៍រដ្ឋបាលជ័យជំនះ នៃអធិការដ្ឋានខណ្ឌដូនពេញ និងគណៈបញ្ជាការឯកភាពខណ្ឌដូនពេញ បានចុះត្រួតពិនិត្យជនបរទេសអនាថា នៅតាមបណ្ដោយផ្លូវព្រះស៊ីសុវត្តិ មុខព្រះបរមរាជវាំង កាលពីរសៀលថ្ងៃព្រហស្បតិ៍ ៨កើត ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២២ ខែកុម្ភៈ ឆ្នាំ២០១៨ ។
ជាលទ្ធផលឃើញមាន ឃាត់ខ្លួនបុរសជនបរទេស២នាក់ ទី១ឈ្មោះ MARK WILLIAM JOHNSON អាយុ៥២ឆ្នាំ ជនជាតិអង់គ្លេស និងទី២-ឈ្មោះ BHALED HASSAN ABDULLAH អាយុ២៧ឆ្នាំ ជនជាតិគុយវែត ។
បន្ទាប់មកកម្លាំងការិយាល័យបានសាកសួរ និងត្រួតពិនិត្យឯកសារឃើញថា គ្មានលិខិតឆ្លងដែន ហើយត្រូវបានឃាត់ខ្លួនបញ្ជូនទៅអគ្គនាយកដ្ឋានអន្តោប្រវេសន៍ដើម្បីអនុវត្តនីតិវិធីបន្តនៃច្បាប់ ៕ ស តារា
