ព័ត៌មានទាន់ហេតុការណ៍៖

ជនសង្ស័យ៣នាក់ហៅកង់បីជិះទៅផ្លូវ៦០ម៉ែត្ររួចធ្វើសកម្មភាពវាយប្លន់បានសម្រេច

ចែករំលែក៖

ភ្នំពេញ៖​ ជនសង្ស័យ៣នាក់ធ្វើសកម្មហៅរ៉ឺម៉កកង់បីជិះទៅផ្លូវ៦០ម៉ែត្រ រួចវាយប្លន់បានសម្រេចជិះគេចខ្លួនបាត់ស្រមោល​។

ហេតុការភ្ញាក់ផ្អើលនេះ​ បានកើតឡើងកាលពីវេលាម៉ោង១១និង៣០នាទីយប់ ថ្ងៃទី១១ ខែកក្កដា ឆ្នាំ២០១៧ នៅផ្លូវ៦០ម៉ែត្រ​ ក្បែរនឹងសំណង់មិនរៀបរយស្ថិតក្នុងភូមិព្រែកតានូ សង្កាត់ចាក់អង្រែលើ ខណ្ឌមានជ័យ​ ។

ជនរងគ្រោះមានឈ្មោះ​ ញ៉ោម​ ផន​ ភេទប្រុស​ អាយុ​២៤ឆ្នាំ​ មុខរបរ​រត់​ម៉ូតូ​កង់​បី​ ស្នាក់នៅ​ផ្ទះ​ជួល​ សង្កាត់​បឹង​កេងកង​២​ ខណ្ឌ​ចំការមន​ ។ ចំណែកម៉ូតូរ៉ឺម៉កកងបីដែលជនសង្ស័យយកទៅម៉ាកហុងដា​ សេ១២៥​ ពាក់ស្លាកលេខ ភ្នំពេញ​ 1A.1010 ។

បើតាមសម្ដីជនរងគ្រោះបានប្រាប់ឲ្យដឹងថា មុនពេលកើតហេតុ​រូបគាត់បានបើកម៉ូតូរ៉ឺម៉កកង់បីមកពីច្បារអំពៅ ខណៈមកដល់ចំណុចផ្លូវមុនីវង្ស​ ត្រង់​ មុខហាង៨៨១​ ស្រាប់តែមានជនសង្ស័យ៣នាក់ បានហៅរ៉ឺម៉កកងបីរបស់គាត់ជិះថា មកផ្លូវ៦០ម៉ែត្រក្នុងតម្លៃ៤ដុល្លារលុះបត់ចូលផ្លូវ៦០ម៉ែត្រ បានប្រហែល៥០០ម៉ែត្រ ក៏ស្រាប់តែពួកបានឲ្យឈប់ហើយធ្វើសកម្មភាពវាយប្លន់យកកាបូបលុយពេលនោះជនរងគ្រោះបានរត់ ហើយស្រែកចោរៗ ឲ្យគេជួយភ្លាមៗក្រុមជនសង្ស័យបានឡើងបើកម៉ូតូរ៉ឺមឺកកង់បីជនរងគ្រោះជិះគេចខ្លួន​បាត់ស្រោល​ ។

ក្រោយពេលកើតហេតុជនរងគ្រោះបានទៅដាក់ពាក្យបណ្ដឹងនៅប៉ុស្ដិ៍នគរបាលចាក់អង្រែលើដើម្បីឲ្យសមត្ថកិច្ចជួយអន្តរាគមន៍វែកមុខចាប់ជនសង្ស័យមកផ្តន្ទាទោសតាមច្បាប់​ ៕ ភារ៉ា ដង្កោ


ចែករំលែក៖