សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងអន្តរាគមន៍ ពិសេស បានសហការជាមួយកន្លាំងប៉ុស្តិ៍សំរោងក្រោម ដោយមានការបញ្ជាផ្ទាល់ពីលោកវិរៈសេនីយ៍ឯក យឹម សារ៉ាន់ អធិការខណ្ឌបានចុះបង្ក្រាបទីតាំងសង្វៀន បញ្ជល់មាន់មួយកន្លែងឃាត់ខ្លួនមនុស្ស៨នាក់ និងដកហូតមាន់គក៦ក្បាលផងដែរ ។
ប្រតិបត្តិការណ៍នេះ បានធ្វើឡើងកាលពីវេលាម៉ោង១០ព្រឹក ថ្ងៃទី១៧ ខែកុម្ភៈ ឆ្នាំ២០១៩ នៅភូមិស្រែជះ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
សមត្ថកិច្ចបានឲ្យដឹងថា ដោយមានការរាយការណ៍សម្ងាត់ពីប្រជាពលរដ្ឋ ទើបលោកយឹម សារ៉ាន់ អធិការនគរបាលខណ្ឌពោធិ៍សែនជ័យបានបញ្ជាកម្លាំងចុះបង្ក្រាបភ្លាមៗ ដោយឃាត់ខ្លួនមនុស្សចំនួន៨នាក់ និងដកហូតមាន់គកចំនួន៦ក្បាល ថែមទាំងម៉ូតូ៦គ្រឿង នាំយកទៅអធិការនគរបាលខណ្ឌដើម្បីចាត់ការបន្ត ៕ សុខាសែនជ័យ
