សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ប្រធានានាយកដ្ឋាននគរបាលព្រហ្មទណ្ឌ ក្រសួងមហាផ្ទៃ លោកឧត្តមសេនីយ៍ឯក សុខ ខេមរិន បាន ឲ្យដឹងនៅមុននេះបន្ដិចថា៖ នាវេលាម៉ោងជិត១២ថ្ងៃត្រង់ ថ្ងៃទី០១ ខែធ្នូ ឆ្នាំ២០១៧នេះ បក្ខពួកជនដៃដល់ដែលបានបាញ់ប្រហារនៅមជ្ឈមណ្ឌល Rock ត្រូវបានកម្លាំងជំនាញរបស់លោកបង្ក្រាបបាន ចំនួន២នាក់ហើយ នៅខេត្តកំពង់ធំ ។
លោកឧត្តមសេនីយ៍ឯក សុខ ខេមរិន បញ្ជាក់ថា៖ ប្រតិបត្តិការបង្ក្រាបនេះ ដោយមានការសហការជាមួយកម្លាំងនគរបាលនៃ ស្នងការដ្ឋាននគរបាលរាជធានីភ្នំពេញ និងកម្លាំងនគរបាលខេត្តកំពង់ធំ ដោយបង្ក្រាបបាន២នាក់ ក្នុងចំណោមបក្ខពួកទាំងអស់៣នាក់ នៅមុននេះបន្ដិចនាព្រឹកថ្ងៃទី០១ ខែធ្នូ។
លោកឧត្តមសេនីយ៍ សុខ ខេមរិន ប្រធាននាយកដ្ឋាន បន្ថែមថា ពេលនេះដែលកម្លាំងនគរបាលជំនាញរបស់លោក កំពុងស្រាវជ្រាវតាមចាប់ខ្លួនជនដៃដល់ យ៉ាងយកចិត្តទុកដាក់ផងដែរ។
គួរំលឹកថា៖ នៅក្នុងបន្ទប់ខារ៉ាអូខេ នៃមជ្ឈមណ្ឌលកម្សាន្ដ Rock ស្ថិតនៅសង្កាត់បឹងត្របែក ខណ្ឌចំការមន នៅព្រឹកទាបភ្លឺថ្ងៃទី២៩ ខែវិច្ឆិកា ឆ្នាំ២០១៧ ករណីបាញ់ប្រហារមួយ បណ្ដាលឲ្យជនរងគ្រោះម្នាក់រងរបួសធ្ងន់ ហើយសម្រាកព្យាបាលនៅមន្ទីរពេទ្យរុស្ស៊ី៕ ប្រាថ្នា
