សារព័ត៌មាន នគរវត្ត តែងតែនាំមុខគេជានិច្ច
យកឈ្នះក្រុមអារ៉ាបរួម យ៉ាចាស់ដៃ ៤-០ ទោះគ្មានអ្នកគាំទ្រម្នាក់នៅលើទីលានប្រកួត ប៉ុន្តែបានបំបាក់មុខ អ្នកគាំទ្រ អារ៉ាបរួមរាប់ម៉ឺននាក់នៅលើទីលាន ។ អ្នកគាំទ្រខឹងពេក ក៏គប់ទាំងខ្សែក ខ្សែដៃទៅលើកីឡាករ កាតារទៀតផង ។
ការប្រកួតបាល់ទាត់វគ្គ ពាក់កណ្តាលផ្តាច់ព្រ័ត្រ ក្នុងក្របខ័ណ្ឌអាស៊ី Asian Cup 2019 កាលពីយប់មិញ រវាងក្រុមជម្រើសជាតិ កាតារនឹងក្រុមជម្រើសជាតិ អារ៉ាបរួម ។ នៅក្នុងការប្រកួតនោះ មហាសេដ្ឋី ដែលជារាជ្យបុត្រ អារ៉ាបរួមបានទិញកៅអីទាំងអស់ សម្រាប់ពលរដ្ឋ អារ៉ាបរួមទៅគាំទ្រ មិនឲ្យអ្នកគាំទ្រកាតារ ចូលទៅកាន់ទីលាននោះឡើយ ។
បើទោះបីមិនមានអ្នកគាំទ្រនៅលើទីលានប្រកួត កាលពីយប់ថ្ងៃទី២៩ ខែមករា តែក្រុមជម្រើសជាតិកាតារ មិនបានចាញ់ប្រៀបនោះឡើយ ដោយយកឈ្នះ អារ៉ាបរួមដល់ទៅ៤ទល់នឹង០ ។
ក្រោយការបរាជ័យយ៉ាង ចាស់ដៃនោះមក ក្រុមអ្នកគាំទ្រ បានគប់ដបទឹកសុទ្ធ ទឹកក្រូច ស្បែកជើង ទៅលើក្រុមកីឡាករកាតារ ។ មិនតែប៉ុណ្ណោះ អ្នកគាំទ្រខឹងសម្បារខ្លាំងពេក ពេលគប់ស្បែកជើង ដបទឹកសុទ្ធអស់ គ្មានអ្វីបន្តបញ្ចេញកំហឹង ក៏ដោះខ្សែដៃ ខ្សែកមាស របស់ខ្លួន គប់ទៅលើ ក្រុមកីឡាករកាតាបន្តទៀត ។
អ្នកអាននៅលើបណ្តាញ សង្គមខ្លះបាននិយាយថា ឲ្យតែមានការប្រកួតបែបនេះ ពីរ បីលើកទៀតនោះ អ្នកសម្អាតទីលានប្រកួត ថែស្មៅនៅពហុកីឡដ្ឋាន នឹងក្លាយជាអ្នកមាន ជាមិនខាន ដោយក្រោយការប្រកួត រើសបានសុទ្ធតែមាស ។
ក្រុមអ្នកគាំត្រអារ៉ារួម រងការថ្កោលទោសយ៉ាង ខ្លាំងដោយបានប្រើប្រាស់ សម្តីមិនល្អ កាយវិការមិនសមរម្យទៅលើក្រុមកីឡាករកាតារ ក្រោយពេលចាញ់យ៉ា ងអាម៉ាស់បំផុតនោះ ។
នៅពេលនេះ កាតារ នឹងឡើងទៅជួបក្រុម ជម្រើសជាតិជប៉ុន នៅវគ្គផ្តាច់ព្រ័ត្រការប្រកួតបាលទាត់ទ្វីប អាស៊ីនាថ្ងៃទី ១ ខែកុម្ភៈ ឆ្នាំ២០១៩នេះ ៕
