សារព័ត៌មាន នគរវត្ត តែងតែនាំមុខគេជានិច្ច
សភាបារាំង កាលពីថ្ងៃទី៣០ ខែវិច្ឆិកា បានបោះឆ្នោត អនុម័តច្បាប់ហាមប្រាំឪពុកម្តាយគ្រប់រូប ប្រើអំពើហិង្សា វាយទៅលើកូនតូចៗរបស់ខ្លួន។
សារព័ត៌មាន AFP បានផ្សាយថា ច្បាប់ស្តីពីការដាក់ទណ្ឌកម្ម ដោយហឹង្សា ឬជេស្តី ទៅលើកូន ត្រូវបានហាមប្រាំ។ឪពុកម្តាយ បង្ហាញពីសិទ្ធិរបស់ខ្លួន ដោយអហឹង្សា ទាំងផ្លូវកាយនឹងផ្លូវចិត្ត ។ ច្បាប់ខាងលើត្រូវបានសភាគាំទ្រលើសលុប ដោយមានសម្លេង ៥១/១ នៅក្នុងការបោះឆ្នោតកាលពីថ្ងៃទី៣០ខែវិច្ឆិកា ក្រោយពេលជជេកគ្នាពេល មួយយប់ ។ នៅពេលនេះច្បាប់ខាងលើត្រូវបានបញ្ចូនទៅកាន់ព្រឹទ្ធសភា ដើម្បីបោះឆ្នោត អនុម័ត ជាបន្តទៀត។
ប្រសិនបើច្បាប់ត្រូវបានអនុម័ត បារាំងនឹងក្លាយទៅជា ប្រទេសទី៥៥នៅលើពិភពលោក ដែលមានច្បាប់ ហាមប្រាំឪពុកម្តាយ ប្រើហឹង្សាលើកូន ។ ប្រទេសអ៊ុយអែត គឺជាប្រទេសទីមួយនៅលើពិភពលោក ដែលបានអនុវត្តច្បាប់នេះតាំងពី ឆ្នាំ ១៩៧៩ ៕ ម៉ែវ សាធី
