សារព័ត៌មាន នគរវត្ត តែងតែនាំមុខគេជានិច្ច
ហេតុការណ៍នេះកើតឡើងនៅថ្ងៃពុធ ១កើត ខែបឋមាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី១៣ ខែមិថុនា ឆ្នាំ២០១៨ ស្ថិតក្នុងព្រៃសហគមន៍ ក្នុងភូមិវាលដេញ ឃុំអន្លុងជ្រៃ ស្រុកថាឡាបរិវ៉ាត់។
កម្លាំងនគបាលជំនាញនៃអធិការដ្ឋាននគរបាលស្រុកថាឡាបរិវ៉ាត់ រួមសហការជាមួយអាជ្ញាធរមូលដ្ឋានចុះទៅដល់កន្លែងកើតហេតុធ្វើការពិនិត្យទៅលើជនរងគ្រោះមានឈ្មោះ សាម សារឿន ភេទប្រុស អាយុ ៤២ឆ្នាំ មានស្រុកកំណើត នៅភូមិ ៣ ឃុំត្រពាំងក្រហម ស្រុកកូនមុំ ខេត្តរតនគិរី។ បច្ចុប្បន្នមកស្នាក់នៅផ្ទះឈ្មោះ សល់ ភេទប្រុស នៅភូមិវាលដេញ ឃុំ អន្លង់ជ្រី ស្រុកថាឡាបរិវ៉ាត់ ខេត្តស្ទឹងត្រែង ។
ជនរងគ្រោះខាងលើបានទៅព្រៃជាមួយឈ្មោះ សុង លី ភេទ អាយុ ៣៥ ឆ្នាំ ទៅកាប់ឈើប្រភេទដើមឈើទាល មុខកាត់ ៤តឹក ប្រវែង ២០ ម្រ៉ែត បំរ៉ុងអាធ្វើគ្រឿងផ្ទះតែអកុសល់ នៅពេលដែលកាប់ដាច់ឈើនោះបានដួលបកក្រោយ រត់មិនទាន់បណ្ដាលឲ្យឈើនោះសង្កត់ស្លាប់នៅនឹងកន្លែងតែម្តង ។
តាមការពិនិត្យរបស់នគបាលជំនាញ ទៅលើសាកសពមានស្នាមបែកលលាដ៍ក្បាលខាងក្រោយ និងចិញ្ចើមភ្នែកផ្នែកខាងឆ្វេង ទើបសមត្ថកិច្ចសន្និដ្ឋានបានថា ជនរងគ្រោះពិតជាស្លាប់ដោយសារការកាប់ដើមឈើ(ឈើទាល)សង្កត់ស្លាប់ប្រាកដមែន ។
ក្រោយពីពិនិត្យរួចរាល់សមត្ថកិច្ចកបានប្រគល់ សពជនរងគ្រោះឲ្យក្រុមគ្រួសារយកទៅរៀបចំធ្វើបុណ្យតាមប្រពៃណី ៕ មាស សុផាត
