ព័ត៌មានទាន់ហេតុការណ៍៖

ប្រជាពលរដ្ឋស្រុកក្រឡាញ់៣៥នាក់ពុលនំបញ្ចុក

ចែករំលែក៖

ខេត្តសៀមរាប ៖ មនុស្សចំនួន៣៥នាក់ ដែលក្នុងនោះភាគច្រើនជាមនុស្សស្រី និង កុមាររស់នៅក្នុងភូមិរើល ឃុំខ្នារជើង និង ឃុំគោកចំបក់ ឃុំក្រូចគរ ស្រុកក្រឡាញ់ ត្រូវបានបញ្ជូនទៅកាន់មណ្ឌលសុខភាពកាលពីរសៀលថ្ងៃទី១៣ ខែមករា ឆ្នាំ ២០១៧ ក្រោយពីពួកគេមានអាការទន់ ដៃទន់ជើង អស់កម្លាំង ក្អួតចង្អោរបន្ទាប់ពីហូបនំបញ្ចុកដែលគេរែកលក់ក្នុងភូមិទាំង២នេះ ។

មន្ត្រីនគរបាលមូលដ្ឋានបានឲ្យដឹងថា អ្នកលក់នំបញ្ចុកឈ្មោះ ត សុផល ភេទស្រី អាយុ៣៤ឆ្នាំ រស់នៅភូមិខ្នារជើង ឃុំក្រូចគរ ត្រូវបានសមត្ថកិច្ចឃាត់យកមកសួរនាំ ។

ទោះជាយ៉ាងណាក៏ដោយនៅល្ងាចថ្ងៃ ដដែលនេះផងដែរលោក លី សំរិទ្ធ និង លោក គឹម ឆៃហៀង អភិបាលរងខេត្ត សៀមរាប បានចាត់បញ្ជូនគ្រូពេទ្យជំនាញ និងរថយន្តសង្គ្រោះទៅកាន់មណ្ឌលសុខភាពឃុំក្រូចគរ ដើម្បជួយសង្គ្រោះនិងពិនិត្យ ព្យាបាលជូនបងប្អូនប្រជាពលរដ្ឋដែលរងគ្រោះទាំងនោះ ។

ចំពោះមូលហេតុពិតប្រាកដនៃការពុលនេះនៅមិនទាន់មានការបញ្ជាក់ពីសមត្ថ កិច្ចជំនាញនៅឡើយទេ ៕ ហេង នរិន្ទ្រ

a c d


ចែករំលែក៖