សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ ៖ លោកវរសេនីយ៍ទោសួស សីលា នាយ ការិយាល័យនគរបាលប្រឆាំងគ្រឿងញៀនខេត្តព្រះសីហនុ បានឲ្យដឹងថាៈ កាលពីពេលថ្មីៗ កន្លងទៅនេះ សមត្ថកិច្ចនគរបាលប្រឆាំងគ្រឿងញៀន នៃស្នងការដ្ឋាននគរបាលខេត្តព្រះសីហនុ បានបើកប្រតិបត្តិការជាបន្តបន្ទាប់ បង្ក្រាបបទល្មើសគ្រឿងញៀន ចំនួន៤ករណី ឃាត់ខ្លួនអ្នកបំពានគ្រឿងញៀន ចំនួន៦នាក់ រឹបយកបានថ្នាំញៀនប្រភេទមេតំហ្វេតាមីន ចំនួន១៧កញ្ចប់ នៅទីកន្លែងផ្សេងៗគ្នា ។
ប្រភពបន្តថា ១-ថ្ងៃទី ៦ ខែមិនា ឆ្នាំ២០១៩ ម៉ោង២៣: ៣០ នាទី ស្ថិតនៅក្រុមទី ៨ ភូមិ ៤ សង្កាត់លេខ ៤ ក្រុង /ខេត្តព្រះសីហនុ បានឃាត់ខ្លូនជនសង្ស័យ ១នាក់ ឈ្មោះ ធី សុភ័ណ្ឌ ភេទស្រីអាយុ ៣៨ ឆ្នាំ មុខរបរ មិនពិតប្រាកដ ចាប់បានម្សៅក្រោមពណ៌សថ្លា សង្ស័យជាសាធាតុញៀន ចំនួន ២ កញ្ចប់ ដែលជនសង្ស័យបានទម្លាកចុះ ពេលដែល សមត្ថកិច្ចឃាត់ខ្លួន ។
២-ថ្ងៃទី៧ ខែមីនា ឆ្នាំ២០១៩ ម៉ោង១:០០ នាទី ស្ថិតនៅក្រុមទី ៨ ភូមិ៤ សង្កាត់លេខ៤ ក្រុង /ខេត្តព្រះសីហនុ បានឃាត់ខ្លួនជនសង្ស័យ ១នាក់ឈ្មោះ វង្ស សីហាក់ ភេទប្រុស អាយុ២៦ ឆ្នាំមុខរបរ មិនពិតប្រាកដ ចាប់យកបាន ម្សៅក្រោមពណ៌សថ្លាសង្ស័យជាសាធាតុញៀនចំនួន៧កញ្ចប់ទូរស័ព្ទ ចំនួន២ គ្រឿង។
៣-ថ្ងៃទី៧ខែមីនា ឆ្នាំ២០១៩ វេលាម៉ោង២២:៤០ នាទី ស្ថិតនៅក្រុមទី ១៤ ភូមិ១ សង្កាត់លេខ៣ ក្រុង/ខេត្តព្រះសីហនុ ឃាត់ខ្លូនជនសង្ស័យ១នាក់ ឈ្មោះ ណុប នឿន ភេទប្រុសអាយុ ២៥ ឆ្នាំ មុខរបរ ជាងដែក ឆែកឆេរលេីខ្លួនរកឃើញ ថ្នាំញៀនចំនួន៧ កញ្ចប់ (ធំ៣កញ្ចប់ តូច ៤កញ្ចប់) ទូរស័ព្ទចំនួន ១ គ្រឿង ។
៤-ថ្ងៃទី៨ ខែមីនា ឆ្នាំ២០១៩ ម៉ោង ២:២០ នាទី ស្ថិតនៅក្រុមទី១៥ ភូមិ៤ សង្កាត់លេខ ៤ ក្រុង/ខេត្តព្រះសីហនុ បានឃាត់ខ្លូនជនសង្ស័យចំនួន ៣ នាក់៖ ១-ឈ្មោះដួង បញ្ញា ភេទប្រុសអាយុ ២០ ឆ្នាំ មុខរបរមិនពិតប្រាកដ។ ២-ឈ្មោះ កែវ សាន្ត ភេទប្រុសអាយុ ៣៥ ឆ្នាំ មុខរបរមិនពិតប្រាកដ។ ៣-ឈ្មោះ សុខ សុវណ្ណាពេជ្រ ភេទប្រុសអាយុ ៣៦ ឆ្នាំ មុខរបរជាងសំណង់ ចាប់យកបានថ្នាំញៀន ចំនួន២ កញ្ចប់ (សូមបញ្ជាក់ជារបស់ឈ្មោះ ដួង បញ្ញា) ។
ករណីនេះ សមត្ថកិច្ចបានកសាង សំណុំរឿង តាមនីតិវិធី បញ្ជូនទៅសាលាដំបូងខេត្ត ៕ ឆ្លាម សមុទ្រ
