សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ បុរសម្នាក់បានបាត់បង់ជីវិតយ៉ាងអាណោចអាធ័ម ដោយសារគ្រោះថ្នាក់ចរាចរណ៍បើកបរម៉ូតូទៅបុកគោយន្តពីក្រោយ យ៉ាងពេញទំហឹង ។
ហេតុការណ៍នេះបានកើតឡើងនៅថ្ងៃទី៦ ខែកុម្ភៈ ឆ្នាំ២០១៩ វេលាម៉ោង១៨ និង៤៥នាទី នៅលើផ្លូវជាតិលេខ៤៤ គីឡូ ម៉ែត្រលេខ១២-១៣ ចំណុចភូមិបៀតសូ ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ ។
ប្រភពពីសមត្ថកិច្ចនគរបាលបានឲ្យដឹងយ៉ាងដូច្នេះថា មានម៉ូតូ១គ្រឿង ម៉ាកហុងដា សេ ១២៥ ស៊េរី ឆ្នាំ២០១៥ ពណ៌ខ្មៅ ពាក់ស្លាកលេខភ្នំពេញ ១FG.៩២៣១ អ្នកបើកបរឈ្មោះ បែក សុភ័ក្រ ភេទប្រុស អាយុ២៥ឆ្នាំ នៅភូមិតាសាល ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ បើកបរពីកើតទៅលិច លុះមកដល់ចំណុចខាងលើ បានបុកគោយន្តពីក្រោយ១គ្រឿង ម៉ាកគូបូតា ពណ៌ក្រហម សណ្តោងរ៉ឺម៉ក អ្នកបើកបរ មិនស្គាល់ឈ្មោះ បានចុះរត់គេខ្លួនបាត់ស្រមោល ដែលកំពុងបើកបរស្របទិសគ្នា ។
ប្រភពបន្តថា ករណីនេះ បណ្តាលឲ្យអ្នក បើកម៉ូតូស្លាប់ នៅនឹងកន្លែងកើតហេតុយ៉ាងអាណោចអាធ័ម ។
បច្ចុប្បន្ន សមត្ថកិច្ចបានប្រគល់សាកសពជនរងគ្រោះ ជូនក្រុមគ្រួសារ ។ រីឯគោយន្ត និងម៉ូតូខូចខាត យកទៅរក្សាទុកនៅអធិការដ្ឋាននគរបាលស្រុកសំរោងទង ៕ សេនាស័ក្តិ
