ព័ត៌មានទាន់ហេតុការណ៍៖

យន្តហោះចម្បាំងបំបាំងកាយ F-22 របស់អាមេរិកចូលរួមសមយុទ្ធនៅកូរ៉េខាងត្បូង

ចែករំលែក៖

មន្ត្រីយោធាម្នាក់នៅទីក្រុងសេអ៊ូលបាននិយាយកាលពីថ្ងៃអង្គារថា យន្ដហោះចម្បាំង F-22 Raptor របស់អាមេរិកបានមកដល់កូរ៉េខាងត្បូងសម្រាប់ការធ្វើសមយុទ្ធប្រយុទ្ធជើងអាកាសរួមគ្នាប្រចាំឆ្នាំ ។

មន្ត្រីរូបនេះដែលសុំមិនបញ្ចេញឈ្មោះបាននិយាយថា យន្ដហោះចម្បាំងបំបាំងកាយ F-22 បានចុះចតនៅឯមូលដ្ឋានទ័ពអាកាសនៅក្វាងជូ ដើម្បីចូលរួមវគ្គបណ្ដុះបណ្ដាលរួមគ្នា ដែលឲ្យឈ្មោះថា “ផ្គរលាន់គគ្រឹក” ។ ចំនួនពិតប្រាកដនៃយន្តហោះ F-22 ដែលបានបញ្ជូន និងពេលវេលាមកដល់របស់ពួកគេ មិនទាន់ត្រូវបានបញ្ចេញទេ ប៉ុន្តែមានរាយការណ៍ថា យន្តហោះ Raptors ចំនួន 8 គ្រឿង បានចុះចតនៅ ក្វាងជូ (Gwangju)។

យន្តហោះ Raptor ដែលជាយន្តហោះចម្បាំងមានសមត្ថភាពហោះហើរទៅកាន់ទីតាំងសត្រូវសំខាន់ៗ និងបើកការវាយប្រហារជាក់លាក់នៅក្រោម រ៉ាដា។ ល្បឿនអតិបរមារបស់វាគឺប្រហែល Mach 2.5 ។

សមយុទ្ធ Max Thunder នឹងត្រូវបានធ្វើឡើងរយៈពេលពីរសប្តាហ៍ចាប់ពីថ្ងៃទី 11 ខែឧសភា ដែលពាក់ព័ន្ធនឹងយន្តហោះកងទ័ពអាកាសជាង 100 នាក់។

កាលពីឆ្នាំមុន Max Thunder ត្រូវបានគេធ្វើឡើងជាផ្នែកមួយនៃ Foal Eagle ដែលជាការហ្វឹកហាត់នៅទីវាលដ៏ធំទូលាយមួយដែលសម្ព័ន្ធមិត្តអាមេរិក កូរ៉េខាងត្បូងបានធ្វើជារៀងរាល់ឆ្នាំ ៕ ថាច់ យ៉ាត


ចែករំលែក៖