ព័ត៌មានទាន់ហេតុការណ៍៖

យន្តហោះដឹកអ្នកដំណើររត់ជ្រុលហួសផ្លូវទៅចុះចតនៅលើទឹកសមុទ្រ

ចែករំលែក៖

កាលពីវេលាម៉ោង៩និង៣០នាទីថ្ងៃទី ២៨ខែកញ្ញា យន្តហោះដឹកអ្នកដំណើរ មួយគ្រឿង របស់ក្រុមហ៊ុនអាកាសចរណ៍ ប្រទេស Papua New Guinea បានចុះចត លើទឹកសមុទ្រ ក្រោយពេលហោះហួស ផ្លូវចុះចតនៅ លើកោះ Wenoភាគខាង លិចប្រទេសនេះ។

សារព័ត៌DailyMailបានផ្សាយ ថា យន្តហោះដឹកអ្នកដំណើរ របស់ក្រុមហ៊ុន Air Nuiginiហោះហើរចេញពីទីក្រុង Cicronesiaទៅកាន់ Papua New Guinea បានរត់ជ្រុលហួសផ្លូវកៅស៊ូ ចុះចតទៅចុះ នៅលើទឹកសមុទ្រវិញ ។

ប៉ុន្តែជាភព្វសំណាង អ្នកដំណើរនៅលើ យន្តហោះ៣៦នាក់ និងក្រុមពហុនិកា១១ នាក់ មានសុវត្ថិភាព តែព្រលឹងចុងសក់ បន្តិច។ ហេតុការណ៍ខាងលើបានបណ្តាលឲ្យមានមនុស្សម្នាក់រងរបួសស្រាលផងដែរ។

តាម អ្នកគ្រប់គ្រងអាកាសយានដ្ឋាន Chuukលោក Jimmy Emilio បាន ប្រកាសឲ្យដឹងថា យន្តហោះខាងលើបានចុះចតហួសផ្លូវដល់ទៅ ១៦០ម៉ែត្រ ។

មកទល់ពេលនេះគេមិនទាន់ដឹងពីមូលហេតុ បណ្តាលឲ្យមានគ្រោះថ្នាក់ខាងលើ នៅឡើយទេ។ គណៈកម្មការស្រាវជ្រាវ ប្រទេសប៉ាពួរ ញូវហ្គីនៀ នឹងបញ្ជូនក្រុម ឯកទេស ទៅកាន់កន្លែងគ្រោះថ្នាក់ដើម្បីបើកការស្រាវជ្រាវ។

រូបភាព ដែលបានបង្ហោះតាមបណ្តាញ សង្គម បង្ហាញឲ្យឃើញថា ក្រុមជួយ សង្គ្រោះបានទៅដល់កន្លែងកើតហេតុ ភ្លាមៗ ជួយសង្គ្រោះ អ្នកដំណើរបានទាន់ ពេលវេលា៕ ម៉ែវ សាធី


ចែករំលែក៖