សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគីរី៖ យុវជនម្នាក់ប៉ុនប៉ងសម្លាប់ខ្លួន យកកាំបិតចាក់លើរាងកាយបណ្តាលឲ្យរងរបួសយ៉ាងធ្ងន់ធ្ងរ នៅវេលាម៉ោង ១១.៣០ នាទី យប់ ថ្ងៃសៅរ៍ ៣ រោច ខែផល្គុន ឆ្នាំច សំរឹទ្ធិស័ក ពុទ្ធសករាជ ២៥៦២ត្រូវនឹងថ្ងៃទី២៣ ខែមីនា ឆ្នាំ២០១៩ ស្ថិតនៅចំណុចភូមិតាង៉ា ឃុំញ៉ាង ស្រុកអណ្តូងមាសខេត្តរតនគិរី ។
ប្រភពពីសមត្ថកិច្ចបានឲ្យដឹងថា ជនរងគ្រោះឈ្មោះ សល់ ទីញ ភេទប្រុស អាយុ ២២ឆ្នាំ ជនជាតិចារាយ មុខរបរ កសិករ មានទីលំនៅចំណុចកើតហេតុខាងលើ ។
ប្រភពបន្តថា យុវជនរូបនេះផឹកស្រាស្រវឹងហើយយកកាំបិតមកចាក់ខ្លួនឯង ចំនួន២កាំបិត ចំត្រង់ពោះរងរបួសយ៉ាងធ្ងន់ធ្ងរតែម្តង ។
យោងតាមប្រភពពីប្រជាពលរដ្ឋក្នុងភូមិបានប្រាប់ថា ជនរងគ្រោះខាងលើនេះ តែងតែពេលផឹកស្រាស្រវឹង គឺចង់ធ្វើអត្តឃាតខ្លួនឯងច្រើនលើកច្រើនសាររួចមកហើយ តែមិនបានសម្រេច ។
ក្រោយកើតហេតុនោះឡើង ត្រូវបានក្រុមគ្រួសារសាច់ញាតិបញ្ជួនទៅព្យាបាលនៅមណ្ឌលសុខភាពឃុំញ៉ាង ស្រុកអណ្តូងមាសផងដែរ ហើយជនរងគ្រោះរូបនេះ ពេលនេះ ក៏កំពុងនៅសម្រាកព្យាបាលនៅឡើយ ។
ករណីខាងលើនេះ មហាជនជាច្រើនបានដាក់ការសង្ស័យថា យុវជនរូបនេះ មានការប្រើប្រាស់ថ្នាំញៀន ហួសកម្រិតទើបបណ្តាលឲ្យរូបគេ មានស្មារតីមិនប្រក្រតីបែនេះ៕ ជីវន្ត័
