ព័ត៌មានទាន់ហេតុការណ៍៖

លោកត្រាំ​បន្ធូរបន្ថយ ដោះដូរពីការសាងសង់ជញ្ជាំងបេតុង ទៅជារបងព្រំដែនវិញ

ចែករំលែក៖

ប្រធានាធិបតីអាមេរិក ដូណាល់ត្រាំបានប្រកាសថា លោកមិនបោះបង់គម្រោង​សាងសង់ជញ្ជាំងព្រំដែន​ជាប់ប្រទេសមិចស៊ីកូ​នោះឡើយ ប៉ុន្តែលោកយលព្រមផ្លាសប្តូរពី ជញ្ជាំង បេតុង មកជញ្ជាំង បន្លាលួស វិញ​ដើម្បីកាត់បន្ថយការចំណាយ ។

សកម្មភាពខាងលើ គឺជាការ យោគយល់ របស់លោកត្រាំចំពោះគណបក្សប្រជាធិបតេយ្យ ក្រោយគណបក្សនេះមិនព្រមគាំទ្រដល់ការចំណាយយ៉ាងច្រើនទៅលើជញ្ជាំងព្រំដែន ។លោកត្រាំ បានប្រកាសថា «យើង បានសម្រេច បង្កើតជញ្ជាំង បន្លារលួស​ ជំនួសបេតុង ដោយគណបក្សប្រជាធិបតេយ្យ​មិនចូលចិត្ត បេតុង »។

សកម្មភាពបន្ទន់ឥរិយាបទ របស់លោកត្រាំ ក្នុងគោលដៅបើកដំណើរការរដ្ឋាភិបាលឡើងវិញ ក្រោយបិទទ្វារអស់ជាច្រើនថ្ងៃ។ ការបិទទ្វារធ្វើឲ្យប៉ះពាល់យ៉ាងខ្លាំង សន្តិសុខសណ្តាប់ធ្នាប់ ដោយក្រុមអាកាសយានិក ជាង៦ម៉ឺននាក់​ផ្ញើលិខិតទៅកាន់ លោកត្រាំ អំពាវនាវឲ្យដំណើរការរដ្ឋាភិបាលឡើងវិញ។

ក្រុមអាកាសយានិកជាង​៦ម៉ឺននាក់ បាន​សរសេរលិខិត ផ្ញើទៅកាន់​ប្រធានាធិបតី ដូណាល់ ត្រាំ ​ស្នើឲ្យលោក បញ្ឈប់ការបិទទ្វារ រដ្ឋាភិបាល ​ប៉ះពាល់យ៉ាងខ្លាំងដល់សន្តិសុខ ដែនអាកាស ។

ប្រធានាធិបតីអាមេរិក ដូណាល់ ត្រាំបានបិទទ្វាររដ្ឋាភិបាល មួយផ្នែក តាំងពី​ខែធ្នូឆ្នាំ ២០១៨មកទល់ពេលនេះ នៅមិនទាន់ដំណើរការឡើងវិញនៅឡើយ​ ដោយសារតែមិនចុះសម្រុងនឹងគ្នា ជុំវិញប្រាក់ចំណាយសម្រាប់សាងសង់ជញ្ជាំងព្រំដែនជាប់មិចស៊ីកូ ។

សមាគម អាកាសយានឹក​ Air line Pilots Association international (ALPA)​តំណាងឲ្យក្រុមអាកាសយានឹកជាង​៦មឺននាក់ មកពីក្រុមហ៊ុនអាកាសចរណ៍នានាក្នុងទឹកដីអាមេរិក​ដែលមាន ក្រុមហ៊ុន United, Jet Blue, Delta, Fedex, Virgin America … បានសរសេរលិខិតទៅកាន់លោកត្រាំ ។

នៅក្នុងសារលិខិត​ប្រធាន​ ALPA ​បានស្នើឲ្យរដ្ឋាភិបាល​បញ្ចប់ការបិទទ្វារជាបន្ទាន់ ។ ក្រុម​ ALPA បានបញ្ជាក់ថា​ ការបិទទ្វារដ្ឋាភិបាល បានជះឥទ្ធិពលយ៉ាងខ្លាំង ដល់សន្តិសុខ សុវត្ថភាព​​ អាកាសចរណ៍​​ ។ សមាគមន៍ ALPA សង្ឃឹមថា លោកត្រាំនិងដោះស្រាយឲ្យបានឆាប់បំផុត​។

ការបិទទ្វាររដ្ឋាភិបាល បានធ្វើឲ្យ​ ការត្រួតពិនិត្យសន្តិសុខ សុវត្ថភាពចរាចរណ៍​ជើងហោះហើរ កាត់បន្ថយ ។ លើលពីនេះទៅទៀតបុគ្គលិកធ្វើការអត់មានប្រាក់ខែ ដោយសារតែរដ្ឋាភិបាល បានបិទទ្វា​។

សារព័ត៌មាន​ CNN ​បានផ្សាយថា នៅអាកាសយានដ្ឋានអន្តរជាតិ​ John F. Kennerdy ក្នុងទីក្រុងញ៉ូវយ៉ក មានបុគ្គលិក​១៧០នាក់ សុំច្បាប់​សម្រាក់ ដោយសារមានជម្ងឺ ធ្វើឲ្យបុគ្គលិកផ្សេងទៀតត្រូវធ្វើការ ថែមម៉ោង ៕


ចែករំលែក៖