ព័ត៌មានទាន់ហេតុការណ៍៖

សង្ស័យខឹងសង្សារនិយាយមិនត្រូវគ្នា លោត​ធាត់នាងមួយ​ជើង​ចំពោះ បណ្តាលឲ្យរងរបួស​ សមត្ថកិច្ចខណ្ឌ៧មករាឃើញចាប់វាយខ្នោះ

ចែករំលែក៖

ភ្នំពេញ ៖ បុរសម្នាក់ ត្រូវកម្លាំងនគរបាលប៉ុស្តិ៍មិត្តភាព ខណ្ឌ៧មករា ធ្វើការឃាត់ខ្លួន បន្ទាប់ពីរូបគេបានប្រើហឹង្សា ដោយលោតធាត់នារីជាសង្សារមួយជើង បណ្ដាលឲ្យរងរបួស ភ្លាមនោះកម្លាំងសមត្ថកិច្ចកំពុងល្បាតនៅក្បែរនោះក៏អន្តរគមន៍ ដោយឃាត់មិនឲ្យឈ្លោះគ្នាទៀត ហើយបុរសបង្កមិនព្រមស្ដាប់ ក៏ចាប់បញ្ចូនមកប៉ុស្តិ៍មិត្តភាព ដើម្បីចាត់ការតាមច្បាប់ ។

ករណីហឹង្សាខាងលើនេះ បានកើតឡើង ​កាលពី​វេលា​ម៉ោង ១២ និង ៥៥នាទី ​រំលងអធ្រាត្រ​ឈានចូល​ថ្ងៃទី២៣ ខែវិច្ឆិកា ឆ្នាំ២០១៧ នៅ​ចំណុច​ក្រោយ​ទីស្ដីការគណៈរដ្ឋមន្ត្រី ស្ថិតក្នុង​សង្កាត់​មិត្តភាព ខណ្ឌ៧មករា រាជធានី​ភ្នំពេញ។

មន្រ្តីនគរបាលមូលដ្ឋាន បានឲ្យដឹងថា មុន​ឃាត់ខ្លួន​បុរស​ខាងលើ គឺ​កម្លាំង​សមត្ថកិច្ច​កំពុងល្បាតក្នុងមូលដ្ឋាន ដើម្បីការពារសុវត្ថិភាពជូនប្រជាពលរដ្ឋ ស្រាប់តែ ឃើញ​ភាគី​ខាង​បុរស និង​នារី​រងគ្រោះបាន​ឈ្លោះប្រកែក​គ្នា​យ៉ាងខ្លាំង ​នៅ​ចំណុច​ខាងក្រោយ​ទីស្ដីការគណៈរដ្ឋមន្ត្រី លុះ​ពេល​កម្លាំង​សមត្ថកិច្ច​ចុះទៅជួយធ្វើ​អន្តរាគមន៍ដើម្បី​ឃាត់កុំឲ្យឈ្លោះគ្នាទៀត បែរជា​បុរស​ខាងលើ​នោះមិនព្រមស្ដាប់ការណែនាំពីសមត្ថកិច្ច ហើយមិនតែប៉ុណ្ណោះ បាន​លោត​ទៅ​ធាត់​នារី​រងគ្រោះមួយជើង ចំពោះ បណ្តាលឲ្យ​នារី​រងគ្រោះ​ចុកពោះ​យ៉ាងខ្លាំង ​ឃើញដូច្នេះ​សមត្ថកិច្ច​ក៏​ចាប់​វាយខ្នោះ រួច​បញ្ជូនមក​សួរនាំ​នៅ​ប៉ុស្តិ៍នគរបាល​រដ្ឋបាល​មិត្តភាព តែម្តង។

​ក្រោយកើតហេតុនារី​រងគ្រោះ​បានដាក់​ពាក្យបណ្តឹង ឲ្យសមត្ថកិច្ចឃាត់ខ្លួន បុរសដៃដល់ ​​ ​ចាត់កា​រ​តាម​នីតិវីធី៕ស រស្មី


ចែករំលែក៖