សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត៖ នៅវេលាម៉ោង១០និង៥០នាទីព្រឹក ថ្ងៃ១៤ ខែកក្ដិក ឆ្នាំច សំរឹទ្ធស័ក ព.ស ២៥៦២ ត្រូវនឹងថ្ងៃទី០៦ ខែធ្នូ ឆ្នាំ២០១៨ សមត្ថកិច្ចនគរបាលបានឃាត់ខ្លួនបុរសម្នាក់ក្រោយដុតផ្ទះឆេះម៉ត់ តាមពាក្យបណ្តឹងស្រ្តីជាម្ដាយឈ្មោះ ឆាំ រឿន ភេទស្រី អាយុ ៥១ឆ្នាំ រស់នៅចំណុចតក់ឡក់ ស្ថិតក្នុងភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់។
ប្រភពព័ត៌មានពីអាជ្ញាធរមានសមត្តកិច្ចបានឲ្យដឹងថា កូនប្រុសបង្កើតរបស់គាត់ដែលបានដុតផ្ទះឆេះម៉ត់នោះឈ្មោះ ពុំ ហៀន ភេទប្រុស អាយុ ២៩ឆ្នាំ រស់នៅភូមិ.ឃុំខាងលើ ដែលករណីនេះបានកើតឡើងដោយសារតែឥតពលគ្រឿងញៀនផងនោះ ក្រោយបានត្រួតពិនិត្យក្បែរមាត់អូរខាងក្រោយផ្ទះរបស់ជនសង្ស័យឃើញឧបករណ៍សម្រាប់ប្រើប្រាស់គ្រឿងញៀន។
ប្រភពព័ត៌មានបន្តទៀតថា ជនសង្ស័យត្រូវបាននាំទៅបន្តនីតិវិធីនៅអធិការដ្ឋាននគរបាលស្រុកវាលវែង ធ្វើតេស្តទឹកនោមរកសារធាតុញៀន(វិជ្ជមាន) ហើយបានបំពេញសំណុំបែបបទបញ្ជូនទៅកាន់ការិយាល័យជំនាញគ្រឿងញៀន នៃស្នងការដ្ឋាននគរបាលខេត្តពិ៍សាត់ចាត់ការបន្ត៕ បឹុម ពិន
