សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ កម្លាំងអធិការនគរបាលស្រុកជីក្រែងបានចុះបង្រ្កាបល្បែងស៊ីសងខុសច្បាប់ (បៀរ)មួយកន្លែង រហូតឃាត់ខ្លួនបានម្ចាស់ផ្ទះម្នាក់ ចំណែកអ្នកលេង បានរត់គេចខ្លួនបាត់អស់ រួចបញ្ជូនមកកាន់ការិយាល័យព្រហ្មទណ្ឌកំរិតស្រាល នៃស្នងការដ្ឋាននគរបាលខេត្ត ដើម្បីរៀបចំសំណុំរឿងបញ្ជូនទៅតុលាការ ហេតុការណ៍នេះបានធ្វើឡើងនៅវេលាម៉ោង១៤និង២០ ថ្ងៃទី១៨ ខែកក្កដា ឆ្នាំ២០១៧ ស្ថិតនៅក្នុងផ្ទះ ភូមិបេង ឃុំជីក្រែង ស្រុកជីក្រែង ខេត្តសៀមរាប។
លោក វរសេនីយ៍ឯក ភឹង ចិន្តារ៉េត ស្នងការរង និង ជាប្រធានការិយាល័យនគរបាលកណ្តាលព្រហ្មទណ្ឌ នៃស្នងការដ្ឋាននគរបាលខេត្តសៀម បានប្រាប់ថា ដោយមានការចង្អុលបង្ហាញពីលោក វរសេនីយ៍ឯក ទិត្យ ណារ៉ុង ស្នងការនគរបាលខេត្ត ឱ្យលោក ដឹកនាំកម្លាំង ចុះបង្រ្កាបល្បែងស៊ីសងខុសច្បាប់ (បៀ)អាប៉ោង ឆ្នោតយួន ឆ្នោត សៀម និងចោរ ឆក់ លួច គ្រប់ប្រភេទ ដើម្បីរក្សា សន្ដិសុខ ភូមិ ឃុំ មានសុវត្ថិភាព ទាំង៩យ៉ាងតាមគោលការណ៍របស់រាជរដ្ឋាភិបាល។
ជាក់ស្ដែងបានឃាតខ្លួនជនសង្ស័យ(ម្ចាស់ផ្ទះ)មាន ឈ្មោះ កឺក ហុងលី ភេទ ប្រុស អាយុ៦៥ឆ្នាំ នៅភូមិបេង ឃុំជីក្រែង ស្រុកជីក្រែង ចំណែក អ្នកលេង ពេលសមត្ថកិច្ចទៅដល់ជនសង្ស័យ រត់គេចបាត់អស់ ក្រោយពីឃាត់ខ្លួនម្ចាស់ផ្ទះកម្លាំងជំនាញបានដកហូត វត្ថុតាង មាន៖ ម៉ូតូ ២គ្រឿង , បៀរ ចំនួន ២ហ៊ូ បច្ចុប្បន្នជនសង្ស័យ ដែលជាម្ចាស់ផ្ទះ ត្រូវបានកម្លាំងជំនាញបានរៀបចំសំណុំរឿងបញ្ជូនទៅតុលាការខេត្ត នៅវេលាម៉ោង៣រសៀលថ្ងៃទី១៩ខែកក្កដាឆ្នាំ២០១៧ ដើម្បីចាត់ការទៅតាមច្បាប់៕ ប៊ុនរិទ្ធី
