សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាសន៍ច្បាស់ៗថា មិនមានការដោះលែងលោក កឹម សុខា អតីតប្រធាននៃអតីតគណបក្សសង្គ្រោះជាតិ ទេ ។
ប្រសាសន៍សម្ដេចតេជោហ៊ុន សែន ធ្វើឡើង បន្ទាប់ពីទណ្ឌិតសម រង្ស៊ី សរសេរតាមបណ្ដាញសង្គមហ្វេសប៊ុក ថា នឹងមានការដោះលែងលោក កឹម សុខា ដោយសារមានសម្ពាធពីបរទេស។
សម្តេចតេជោ មានប្រសាសន៍បន្តថា ម៉្យាងទៀត លោក កឹម សុខា មិនទាន់ត្រូវបានតុលាការកាត់ទោសនោះឡើយ ។ ដូចនេះលោកកឹម សុខា ពុំមានសិទ្ធិដើម្បីទូលស្នើសុំព្រះរាជទានលើកលែងទោសនោះទេ។
សម្តេចតេជោបានថ្លែងដូចនេះ នៅព្រឹកថ្ងៃទី៧ ខែវិច្ឆិកា ឆ្នាំ២០១៨ ក្នុងពិធីជួបសំណេះសំណាលជាមួយកម្មករ កម្មការិនីប្រមាណជាង២ម៉ឺននាក់ មកពីរោងចក្រ សហគ្រាសចំនួន២០ នៅក្នុងខេត្តតាកែវ។
សម្តេចតេជោនាយករដ្ឋមន្រ្តី ហ៊ុន សែន បានបញ្ជាក់ថា លោក សម រង្ស៊ី ពិតជាជនដែលពូកែភូតភរបោកប្រាស់មែន ពោលគឺបោកប្រាស់ប្រជាពលរដ្ឋទាំងក្នុងស្រុកនិងក្រៅប្រទេសតាំងពីពេលដែលលោកបានទៅចូលរួមមហាសន្និបាតអង្គការសហប្រជាជាតិ និងនៅអឺរ៉ុបថែមទៀត៕
