សារទាំងស្រុងរបស់សម្តេចតេជោហ៊ុន សែន ដែលបានបង្ហោះនៅលើបណ្តាញសង្គមហ្វេសប៊ុក

សារទាំងស្រុងរបស់សម្តេចតេជោហ៊ុន សែន ដែលបានបង្ហោះនៅលើបណ្តាញសង្គមហ្វេសប៊ុក៖

«ថ្ងៃនេះពូសប្បាយរីករាយខ្លាំងណាស់ ដែលពូបានមកជួបសួរសុខទុក្ខក្មួយៗនៅរោងចក្រ Sabrina Garment Factory ដែលជារោងចក្រកាត់ដេរសម្លៀកបំពាក់ម៉ាកល្បីៗដូចជា Nike សម្រាប់នាំចេញទៅបរទេស។ ហើយខោអាវកីឡាដែលផលិតចេញពីទីនេះ គឺត្រូវបានប្រើប្រាស់ដោយក្រុមកីឡាល្បីៗនៅបរទេសផងដែរ។ ពូពិតជាមានមោទនៈភាពចំពោះក្មួយៗដែលមានស្នាដៃផលិតសម្លៀកបំពាក់ម៉ាកល្បីៗទាំងនេះនៅប្រទេសយើង។ ក្រោយពីក្មួយៗញាំបាយថ្ងៃត្រង់ហើយ គឺក្មួយៗនឹងបានឈប់សម្រាកមួយល្ងាចដែលទទួលបានប្រាក់ឈ្នួលពេញ។

តើក្មួយៗបានត្រៀមខ្លួនទៅបោះឆ្នោតហើយឬនៅ នៅថ្ងៃទី ២៩ កក្កដា ខាងមុខនេះ? សូមកូនក្មួយត្រៀមអត្តសញ្ញាណប័ណ្ណទុកទៅបោះឆ្នោតផង ព្រោះសំខាន់ណាស់។