សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង ៖ សិស្សវិទ្យាល័យកំពង់សំរោងម្នាក់ បានជួបករណីគ្រោះថ្នាក់ចរាចរណ៍ ជិះម៉ូតូដួលសន្លប់ស្ដូកស្ដឹងនឹងកន្លែង បង្កការភ្ញាក់ផ្អើលដល់អ្នកភូមិ និងអ្នកធ្វើដំណើរនាំគ្នាជួយសង្គ្រោះកាលពីវេលាម៉ោង១១ព្រឹក ថ្ងៃទី១ វិច្ឆិកា ២០១៨ នៅលើកំណាត់ផ្លូវជាតិលេខ១ ត្រង់ចំណុចខាងមុខបន្ទាយផ្នែកសឹករងក្រុងបាវិត ស្ថិតក្នុងភូមិត្រពាំងផ្លុង សង្កាត់បាទី ក្រុងបាវិត។
បើតាមសមត្ថកិច្នគរបាលក្រុងបាវិតបានឲ្យដឹងថា សិស្សដែលរងគ្រោះមានឈ្មោះរស់ សុផារី អាយុ១៨ឆ្នាំ ជាជាសិជាសិស្សវិទ្យាល័យកំពង់សំរោង មានម្តាយឈ្មោះចាប សោសោភណ្ឌ័ មានទីលំ នៅ នៅស្រុកចន្ទ្រា ខេត្តស្វាយរៀង ដោយជិះម៉ូតូមួយគ្រឿងម៉ាកស៊ុយហ្ស៊ុយគីនិច ពាក់ស្លាកលេខ ស្វាយរៀង ១M-៦៦១៤ ពណ៌សលាយខ្មៅ ខូចខាតយ៉ាងដំណំ។
តាមសាក្សីបានឲ្យដឹងថា មុនពេលកើតហេតុ ឃើញជនរងគ្រោះជិះម៉ូតូម្នាក់ឯងលើកំណាត់ផ្លូវជាតិលេខ១ ក្នុងទិសដៅពីលិចមកកើត ក្នុងល្បឿនយ៉ាងលឿន លុះមកដល់ចំណុចកើតហេតុខាងលើ ស្រាប់តែរេចង្កូតចាប់ហ្វ្រាំង បណ្តាលឲ្យម៉ូតូដួលបោកក្បាលទៅលើថ្នល់ខ្ទាតមនុស្សចេញពីម៉ូតូ៤ទៅ៥ត្រឡប់ប៉ើងចម្ងាយ៥ម៉ែត្រ បណ្តាលឲ្យបែកមាត់បែកក្បាលរបួសធ្ងន់សន្លប់នៅនឹងកន្លែង។
ក្រោយមក ប្រជាពលរដ្ឋបាននាំគ្នាមកជួយធ្វើចលនាដៃជើង និងរាយការណ៍មកសមត្ថកិច្ច និងហៅរថយន្តសង្គ្រោះ ដឹកបញ្ជូនទៅមន្ទីរពេទ្យបង្អែកជីភូដើម្បីសង្គ្រោះ ៕ យឹម សុថាន
