សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ ស្ត្រីជិតសម្រាលកូនម្នាក់ត្រូវជនសង្ស័យ២នាក់ ទំនងដាក់ថ្នាំយកប្រាក់អស់៣០០ដុល្លារ រួចជិះម៉ូតូគេចខ្លួនដោយសុវត្ថិភាពមិនរំខានដល់សមត្ថកិច្ចមូលដ្ឋាន ។
ហេតុការណ៏នេះ បានកើតឡើងកាលពីវេលាម៉ោង៩ព្រឹក ថ្ងៃទី១៧ ខែធ្នូ ឆ្នាំ២០១៨ នៅភូមិ ស្វាយតាយាន ឃុំ ស្វាយតាយាន ស្រុក កំពង់រោទិ៍ ខេត្តស្វាយរៀង ។
យោងតាមម្តាយស្ត្រីរងគ្រោះបានឲ្យដឹងថា កូនស្រីដែលជិតគ្រប់ខែឈ្មោះ យង់ រចនា ដោយមានមុខរបរកលក់ដូរនៅផ្ទះមានទីលំនៅក្នុងភូមិឃុំខាងលើ ខណៈគាត់បានទៅផ្សារទិញម្ហូបដូចសព្វដង លុះត្រលប់មកវិញ ស្រាប់តែឃើញកូនមិនស្តីឈរស្រឡាំងកាំង ពេលដែលគាត់ស្រែកសួរកូន ទើបបានភ្ញាក់ដឹងខ្លួនឡើង រួចភ័យឡើងញ័រ ហើយនិយាយថា មានគេដាក់ថ្នាំយកលុយអស់ហើយម៉ែ ។
ប្រភពបានបន្តទៀតថា ៖ នៅពេលនោះគាត់សួរនាំកូនគាត់ទើបដឹងសាច់រឿងដោយកូនគាត់ប្រាប់ថា មានមនុស្ស ២ នាក់និយាយភាសារចិន (ជនជាតិចិន) ជិតម៉ូតូមួយគ្រឿង មិនចាំម៉ាកបាន ចូលមកធ្វើជាទិញបារីហើយពេលគេហុចលុយលែងដឹងខ្លួនសង្ស័យថា ត្ត្រូវត្រូវដាក់ថ្នាំសណ្តំបញ្ជាឲ្យលុយតែម្ដង ។
ម្ដាយស្ត្រីរងគ្រោះក៏បានអំពាវនាវដល់បងប្អបងប្អូនប្រជាពលរដ្ឋទាំងអស់ត្រូវមានការប្រុងប្រយ័ត្នឲ្យបានខ្ពស់បើឃើញមានមនុស្សណាម្នាក់គួរឲ្យសង្ស័យ សូមកុំកាន់លុយរបស់គេ ត្រូវហៅប្តី ឬបងប្អូននៅជិត តាមមើលទៅជនខិលខូចនេះ មិនហ៊ានចូលនោះទេ ខណៈជនរងគ្រោះមិនបានដាក់ពាក្យបណ្តឹងទៅសមត្ថកិច្ចមូលដ្ឋាននោះទេ ៕ យឹម សុថាន
