សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល៖ បុរសម្នាក់បានបាត់បង់ជីវិតយ៉ាងរន្ធត់ ខណៈស្រវឹងស្រាហើយទៅដេកលើផ្លូវរថភ្លើង លុះពេលដេលលក់ភ្លេចខ្លួន រថភ្លើងមកដល់ កិនពីលើដាច់ក្បាល ស្លាប់យ៉ាងរន្ធត់ ។
ហេតុការណ៍នេះបានកើតឡើងកាលពីវេលាម៉ោង២និង៤០នាទី រំលងអធ្រាត្រ ឈានចូលថ្ងៃទី១១ ខែមេសា ឆ្នាំ២០១៧ ស្ថិតនៅចំណុច ភូមិអង្គខ្លើរ ឃុំត្បែង ស្រុកកណ្តាលស្ទឹង ខេត្តកណ្តាល ។
ប្រភពព័ត៌មានពីសមត្ថកិច្ចមូលដ្ឋានបានបញ្ជាក់ប្រាប់ថា ជនរងគ្រោះឈ្មោះ លី សុខជា ភេទ ប្រុស អាយុ៣៥ឆ្នាំ បច្ចុប្បន្ននៅភូមិត្បូងក្តី ឃុំបារគូ ស្រុកកណ្តាលស្ទឹង ខេត្តកណ្តាល។
សមត្ថកិច្ចបញ្ជាក់ទៀតថា មិត្តភក្តិជនរងគ្រោះបានអះអាងថា មុនពេលកើតហេតុ ពួកគេនាំគ្នាហូបស្រា ដល់ពេលស្រវឹងក៏ទៅដេកលែងលើផ្លូវរថភ្លើង ហើយលក់ជ្រុល ទើបបណ្តាលឲ្យរថភ្លើងកិនស្លាប់តែម្តង។ រហូតដល់ម៉ោង ៦និង៣០នាទីព្រឹក ទើបប្រជាពលរដ្ឋប្រទះឃើញសាកសព និងភ្ញាក់ផ្អើលឡើងតែម្តង ។
ក្រោយពីពិនិត្យរួច សាកសពត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ៕
