ព័ត៌មានទាន់ហេតុការណ៍៖

ស្រ្តីម្នាក់ មាន​ផ្ទៃពោះ៥ខែ បានលោតទឹក​សម្លាប់ខ្លួន​ពីលើ​ស្ពាន​ជ្រោយចង្វាថ្មី ​សង្ស័យវិ​ប​ត្តិ​ក្នុង​គ្រួសារ

ចែករំលែក៖

ភ្នំពេញ៖ ភាពភ្ញាក់ផ្អើលមួយបានកើតឡើង បន្ទាប់ពីមានស្ត្រីម្នាក់​ មាន​ផ្ទៃពោះ៥ខែហើយ បានមកធ្វើសកម្មភាពលោតទឹក​សម្លាប់ខ្លួន ​ពីលើ​ស្ពាន​ជ្រោយចង្វារថ្មី ប៉ុន្តែ​មិន​ស្លាប់ដោយសារ​ចេះ​ហែល​ទឹក និងបានទូកនេសាទខ្មែរឥស្លាម​ជួយទាន់ពេលវេលា ។

ករណីនេះ បាន​បង្ក​ការភ្ញាក់ផ្អើល​កាល​វេលា​ម៉ោង១០និង៣០នាទី​យប់ថ្ងៃអង្គារ ៩រោច ខែបុស្ស ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៩ ខែមករា ឆ្នាំ២០១៩ នៅ​ចំណុច​លើ​ស្ពាន​ជ្រោយចង្វារ​ថ្មី ក្នុង​សង្កាត់​ជ្រោយចង្វារ ខណ្ឌ​ជ្រោយចង្វារ រាជធានី​ភ្នំពេញ ។

ស្ត្រី​ម្នាក់ ដែលលោតទឹកសម្លាញ់ខ្លួននោះ ​មិនត្រូវបាន​ស្គាល់ ​អត្ត​សញ្ញាណនោះទេ ​អាយុ​ប្រហែល​២០​ឆ្នាំជាង ស្លៀក​រ៉ូ​ប​ពណ៌​លឿង ពណ៌​អាវយឺត​ស​ពី​ខាងក្នុង និងមាន​ផ្ទៃពោះ​៤​ទៅ​៥​ខែផងដែរ ។

តាមប្រភពព័ត៌មានពីសាក្សីនៅកន្លែងកើតហេតុ បានឲ្យដឹងថា មុនពេល​កើតហេតុ​ គេ​ឃើញ​ស្រ្តីខាងលើ ​បាន​ដើរ​តាំងពី​សង្កាត់​ស្រះចក ក្នុងទិសដៅ​ពី​លិចទៅ​កើត សម្ដៅ​ឡើង​ស្ពាន​ជ្រោយចង្វារ ខណៈមកដល់​ពាក់កណ្ដាល​ស្ពាន ​ក៏បាន​ឡើងលើ​បង្កាន់ដៃស្ពាន​​ហក់លោត​ចូលទៅក្នុង​ទឹកបង្កការភ្ញាក់ផ្អើលតែម្តង ។ ភ្លាមនោះប្រជាពលរដ្ឋក៏ដូចជាសមត្ថកិច្ចប្រចាំគោលដៅស្ពាននាំគ្នាស្រែកហៅទូកអ្នកនេសាទខ្មែរឥស្លាមជួយ ហើយដោយសារតែ​ស្រ្តីរូប​នោះ​ចេះ​ហែល​ទឹក​បានមក​តោង​នឹង​បង្គោល​ស្ពាន​ជាប់ ទើបទូកអ្នកនេសាទជួយទាន់ពេលវេលា ។

ក្រោយកើតហេតុ ដោយស្រ្តី​ខាងលើនេះ ​ហែល​ទឹក​អស់កម្លាំងពេកក៏បាន​សន្លប់​បាត់បង់​ស្មារតី ភ្លាមនោះក៏ត្រូវ​សមត្ថកិច្ច​ទាក់ទង​រថយន្ត​សាមុយ​មន្ទីរពេទ្យ​កាល់ម៉ែត​ មកដឹក​យកទៅ​​សង្គ្រោះបន្តទៀត ៕ជ្រោយពេជ្យ


ចែករំលែក៖