សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ កាលពីថ្ងៃអង្គារ ៣កើត ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៧ ខែមេសា ឆ្នាំ២០១៨ យុវជនម្នាក់ត្រូវបានប៉ូលិសប៉ុស្តិ៍រដ្ឋបាល ឃុំរាមចាប់ខ្លួន ពីបទរំលោភសេពសន្ថវៈ លើក្មេងស្រី អាយ១៥ឆ្នាំបានសម្រេចចំនួន២ដង ហើយគំរាមជនរងគ្រោះមិនឲ្យឮមាត់ទៀតផង។ ជនសង្សយ័ត្រូវបានចាប់ខ្លួន នៅចំណុច០៥ក្រុមហ៊ុនយិះចៀ ស្ថិតនៅភូមិរាម ឃុំរាម ស្រុកព្រៃនប់ ខេត្តព្រះសីហនុ តាមបណ្តឹងរបស់គ្រួសារ ក្មេងស្រីរងគ្រោះ។
ជនសង្ស័យ ឈ្មោះ ណៃ សុភ័ក្រ ភេទប្រុស អាយុ២២ឆ្នាំ មុខរបរបើកបររថយន្ដ មានស្រុកកំណើតភូមិថ្កូវ ឃុំថ្កូវ ស្រុកកំពង់ត្របែក ខេត្តព្រៃវែង បច្ចុប្បន្ន ស្នាក់នៅបណ្ដោះអាសន្ននៅខេត្តព្រះសីហនុ។ រីឯយុវតីជនរងគ្រោះអាយុ១៥ឆ្នាំ មានទីលំនៅ ខេត្តព្រះសីហនុ ។ ជនសង្ស័យបានធ្វើសកម្មភាពរំលោភ លើក្មេងស្រីរងគ្រោះបានសម្រេចចំនួនពីរដង នៅក្នុងបន្ទប់ដេករបស់ជនរងគ្រោះ។
បទល្មើសនោះ បានកើតឡើងតាំងពីវេលាយប់ថ្ងៃទី១៣ ខែមីនាឆ្នាំ២០១៨ម្តង និងលើកទីពីរ នៅវេលាម៉ោង២៣យប់ថ្ងៃទី១៦ខែមីនា ឆ្នាំ២០១៨ ហើយជនសង្ស័យគេចខ្លួន។ ក្រោយពេលកើតហេតុភ្លាមៗ ជនរងគ្រោះមិនបានមកប្ដឹងទេ ពីព្រោះមានកាគំរាមពីជនសង្ស័យ ហើយម្យ៉ាងទៀតខ្លាចសាច់ញាតិខ្លួនវាយធ្វើបាប។
ដោយមានការងឿងឆ្ងល់ពីសាច់ញាតិ ព្រោះជនរងគ្រោះចេះតែសំកុក អត់និយាយស្ដីក៏បាននាំគ្នាសួរដេញដោល។ បន្ទាប់មករឿងរ៉ាវក៏បានបែកចេញទាំងអស់ សាច់ញាតិក៏បាននាំជនរងគ្រោះមកដាក់ពាក្យប្ដឹងនៅប៉ុស្តិ៍តែម្តង ៕ ឆ្លាម សមុទ្រ
