សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ឧត្តមសេនីយ៍ផ្កាយ៣និងមានងារជាឧកញ៉ា ហូ ចំរើន នៅរសៀលថ្ងៃទី១៦ ខែឧសភា ឆ្នាំ២០១៨ នេះ ត្រូវបាននគរបាលព្រហ្មទណ្ឌនៃក្រសួងមហាផ្ទៃ បញ្ជូន ដល់អយ្យការអមសាលាដំបូងរាជធានីភ្នំពេញ ដើម្បីចាត់ការតាមច្បាប់ ករណីផ្ទុះអាវុធក្នុងភូមិគ្រឹះដ៏ធំស្កឹមស្កៃ យ៉ាងអាណាធិបតេយ្យ ។
ការផ្ទុះអាវុធយ៉ាងអាណាធិបតេយ្យនេះ កើតឡើងកាលពីថ្ងៃទី២១ ខែមេសា ឆ្នាំ២០១៨ នៅចំណុចផ្ទះវីឡាគ្មានលេខស្ថិតក្នុងភូមិព្រៃស សង្កាត់ព្រៃស ខណ្ឌដង្កោ។
ក្រោយកើតហេតុភ្លាមៗ ឧកញ៉ា ហូ ចំរើន ពុំត្រូវបានសមត្ថកិច្ចឃាត់ខ្លួនភ្លាមៗទេ រហូតមកដល់ល្ងាចថ្ងៃទី១៥ ខែឧសភា ឆ្នាំ២០១៨ ទើបមានការឃាត់ខ្លួនឧកញ៉ា ហូ ចំរើន ។
មជ្ឈដ្ឋានមួយចំនួន រង់ចាំចំណាត់ការផ្លូវច្បាប់ចំពោះឧកញ៉ាហូ ចំរើន តើតុលាការនឹងចាត់ការយ៉ាងដូចម្ដេច ? ៕ ចេស្តា
