ព័ត៌មានទាន់ហេតុការណ៍៖

ឯកអគ្គរដ្ឋទូតកូរ៉េខាងជើងតែងតាំងថ្មីជួបជាមួយសម្តេចហេង សំរិន ប្រធានរដ្ឋសភា

ចែករំលែក៖

ភ្នំពេញ៖ ឯកអគ្គរដ្ឋទូតសាធារណ​រដ្ឋប្រជាមានិតប្រជាធិបតេយ្យកូរ៉េបានជួប សម្តែងការគួរសមជាមួយសម្តេចប្រធាន រដ្ឋសភាដើម្បីពង្រឹងទំនាក់ទំនងកិច្ចសហប្រតិបត្តិការជាមួយគ្នាឱ្យបានកាន់តែល្អ​ថែមទៀត។ នៅក្នុង​ជំនួបស​ម្តែងការគួរ សមជាមួយសម្តេចអគ្គមហាពញាចក្រី ហេង សំរិន នាព្រឹកថ្ងៃ ទី១៨ ខែសីហា ឆ្នាំ ២០១៦នេះ នៅវិមានរដ្ឋសភាលោក ចាង យុនហ្គន់ (Jang Yun Gon) ឯកអគ្គរដ្ឋទូតថ្មីកូរ៉េខាងជើងប្រចាំ​កម្ពុជាបានបញ្ជាក់ថាមិត្តភាពរវាងកូរ៉េខាងជើងនឹងកម្ពុជាមាន​លក្ខណៈពិសេស​ដោយបានកសាងឡើង តាំងពីលោក​សេនាប្រមុខ គីម អីុលស៊ុង និង​សម្តេចព្រះបរមរតនកោដ្ឋមកម៉្លេះ។

លោកបានប្តេជ្ញាថា ខិត​ខំធ្វើការងារការទូតដើម្បីជំរុញនូវទំនាក់ទំនងកិច្ចសហប្រតិបត្តិការនិងចំណងសាមគ្គីភាពរវាងសាធារណរដ្ឋប្រជាមានិតប្រជាធិបតេយ្យកូរ៉េជា មួយកម្ពុជា ពិសេសស្ថាប័ននីតិប្បញ្ញត្តិ ប្រទេសទាំង២ឱ្យកាន់ជិតស្និទ្ធ។

សម្តេចពញាចក្រី ហេង សំរិន បានស្វា គមន៍និងវាយតម្លៃខ្ពស់ចំពោះទំនាក់ទំនងការទូតប្រទេសទាំង​២កម្ពុជា-សាធារណ រដ្ឋប្រជាមានិតប្រជាធិបតេយ្យកូរ៉េដែលបានបន្តពង្រឹងពង្រីកចំណងមិត្តភាពកិច្ចសហប្រតិបត្តិការរហូតដល់សព្វថ្ងៃ។ សម្តេច ពញាចក្រីបានអបអរសាទរការវិវត្តរីក ចម្រើនរបស់ប្រទេសកូរ៉េនិងបានគាំទ្រ បេសកកម្មការទូតរបស់លោកចាង យុន ហ្គន់ នៅកម្ពុជា។

សម្តេចបានអះអាងថា នឹងធ្វើកិច្ចសហប្រតិបត្តិការពេញលេញជាមួយអ្នកការទូតកូរ៉េរូបនេះ ដើម្បីឱ្យបេសកកម្មការងារការទូតរបស់លោកចាង យុនហ្គន់ ទទួលបាន ជោគជ័យ​នៅកម្ពុជា។​តាមរយៈឯកអគ្គរដ្ឋទូតថ្មីកូរ៉េរូបនេះសម្តេចអគ្គមហាពញា​ចក្រី ហេង សំរិន ក៏បានអញ្ជើញសភាកូរ៉េឱ្យមក ចូលរួមមហាសន្និបាតអេភីអេលើកទី៩ ដែល​កម្ពុជាធ្វើជាម្ចាស់ផ្ទះនៅចុងឆ្នាំ២០១៦នេះផងដែរ៕ ហេង សូរិយា

aes (5)

aes (7)
សូមអានបន្តទៀត ៖ មេគយ ឆែ សុធា ឃុបឃិតនឹងឈ្មួញនាំទំនិញគេចពន្ធហូរចូលទាំងច្រកអន្តរជាតិ និងច្រករបៀង


ចែករំលែក៖