សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងសមត្ថកិច្ចខណ្ឌ៧មករា សហការជាមួយកម្លាំងសមត្ថកិច្ចខណ្ឌចំការមន ស្រាវជ្រាវរហូតឈានដល់ការឃាត់ខ្លួន ជនសង្ស័យប្រុសស្រី ៣នាក់ពាក់ពាន់និងករណីវាយប្លន់នៅក្នុងផ្ទះសំណាក់ មួយកន្លែង ។
ប្រតិបត្តិការនេះធ្វើឡើងកាលពីវេលាម៉ោង១និង៣០នាទីរសៀល ថ្ងៃទី១៤ ខែមីនា ឆ្នាំ២០១៩ ដែលស្ថិតនៅចំណុចផ្ទះសំណាក់ យីហោ ម៉ៅ សំរិទ្ធ ម៉ាស្សា ជិតអធិការខណ្ឌ៧មករា ស្ថិតក្នុងសង្កាត់វាលវង់ ខណ្ឌ៧មករា រាជធានីភ្នំពេញ ។
ជនសង្ស័យទាំង ៣នាក់ខាងលើ ទី១-ឈ្មោះ សូ ណាង ហ៉ាង ភេទប្រុស អាយុ ២០ឆ្នាំ មុខរបរ ជាងជួសជុលទូរសព្ទ័ ស្នាក់នៅផ្ទះ៤៤E1 ផ្លូវ២៧៦ សង្កាត់បឹងកេងកងទី២ ខណ្ឌចំការមន, ។
២-ឈ្មោះ អេម លីណា ភេទប្រុស អាយុ ២៣ឆ្នាំ មុខរបរ នៅផ្ទះ មានស្រុកកំណើតនៅភូមិកងមាស ឃុំកំពង់ចាម ខេត្តកំពង់ចាម ។
ទី៣-ឈ្មោះ វិត យុំាងលិត ភេទប្រុស អាយុ ។ ចំណែកឯជនរងគ្រោះមានឈ្មោះ វិន យ៉ាងសឹង ភេទប្រុស អាយុ ២៥ឆ្នាំ ជនជាតិវៀតណាម ស្នាក់នៅផ្ទះឈើ សង្កាត់ច្រាំងបាក់ ខណ្ឌច្បារអំពៅ រាជធានីភ្នំពេញ ។
តាមប្រភពព័ត៌មានពីសមត្ថកិច្ចព្រហ្មទណ្ឌខណ្ឌ៧មករា បានប្រាប់ឲ្យដឹងថា មុនពេលកើតហេតុ ជនរងគ្រោះបានចូលទៅលេងនៅក្នុងហាងអ៊ីនធីណេត មួយកន្លែង ដែលស្ថិតនៅខាងក្រោយរោងកុនគិរីរម្យ ខណៈនោះ ស្រាប់តែជនសង្ស័យបានដើរមករករឿងជនរងគ្រោះ បានវាយទៅលើជនរងគ្រោះរហូតដល់រត់គេចខ្លួនបាត់ ដោយនៅពេលនោះ ជនសង្ស័យបានឃើញជនរងគ្រោះរត់ចោលម៉ូតូ ជាឱកាសល្អសម្រាប់ជនសង្ស័យទាំងនោះ បាននាំគ្នាលួចយកម៉ូតូរបស់ជនរងគ្រោះម៉ាក់ ICON យកទៅបញ្ជាំនៅផ្សារឃ្លាំងរំសេវ ដោយដាក់បញ្ជាំក្នុងតម្លៃចំនួន ១២០ដុល្លារ ។
លុះដល់ថ្ងៃទី១៤ ខែមីនា ឆ្នាំ២០១៩នេះ កម្លាំងសមត្ថកិច្ចព្រហ្មទណ្ឌខណ្ឌ៧មករា បានស្រាវជ្រាវរហូតឈានដល់ការឃាត់ខ្លួនជនសង្ស័យប្រុសស្រី ៣នាក់ ដកហូតសម្ភារមួយចំនួន ។
ក្រោយពី កម្លាំសមត្ថកិច្ចឃាត់ខ្លួនជនសង្ស័យទាំងនោះរួចមក កម្លាំងសមត្ថកិច្ចសួរនាំ រួចប្រគល់ជូនកម្លាំងសមត្ថកិច្ចខណ្ឌចំការមន ដើម្បីបន្តនីតិវិធីច្បាប់៕ ស រស្មី
