សារព័ត៌មាន នគរវត្ត តែងតែនាំមុខគេជានិច្ច
គិតត្រឹមថ្ងៃទី ០៩ ខែមិថុនា ឆ្នាំ ២០១៧ ដំណើរការស្តារឡើងវិញ ព្រែកហង់ សម្រេចលទ្ធផលបានប្រមាណ ៤៣% ហើយ ។
ព្រែកហង់ នឹងក្លាយទៅជាព្រែកនាំទឹក និងដីល្បាប់ដ៏សំខាន់មួយ បំរើដល់ការងារបង្កបង្កើនផល ក៏ដូចជាទឹកប្រើប្រាស់ប្រចាំថ្ងៃរបស់បងប្អូនប្រជាពលរដ្ឋនៅក្នុងមូលដ្ឋានឃុំកំពង់កុង ស្រុកកោះធំ ខេត្តកណ្តាល ខណៈព្រែកនេះ កំពុងត្រូវបានក្រសួងធនធានទឹក និងឧតុនិយម ធ្វើការស្តារឡើងវិញ ។ ការស្តារព្រែកនេះ គឺមានប្រវែង ២.៧៥០ ម៉ែត្រ ដោយបំពាក់នូវសំណង់សិល្បការ សរុបចំនួន ០៤ កន្លែង និងសាងសង់ផ្លូវអមសងខាងព្រែកដោយក្រាលកំទេចថ្មផេះ សរុបប្រវែង ២.២០០ ម៉ែត្រ សម្រាប់សម្រួលដល់ការធ្វើដំណើររបស់បងប្អូនប្រជាពលរដ្ឋនៅតំបន់នោះ ។ ក្រោយស្តាររួច ព្រែកនេះ នឹងមានលទ្ធភាពស្រោចស្រពលើផ្ទៃដីបង្កបង្កើនផលប្រមាណ ១៥០ ហិកតា នៅក្នុងឃុំកំពង់កុង ៕
ប្រភព៖ ក្រសួងធនធានទឹក និងឧតុនិយម
