ព័ត៌មានទាន់ហេតុការណ៍៖

ឃាត់ខ្លួន​ស្ត្រី​ម្នាក់​ពី​បទ​ចរាចរណ៍​ក្រដាសប្រាក់​រៀល​ក្លែងក្លាយ​នៅ​ក្នុង​ទីតាំង​ផ្សា​របឹង​កេងកង​

ចែករំលែក៖

​ភ្នំពេញ​ ៖​ នារី​រូប​ស្រស់​ស្អាត​ម្នាក់​ ត្រូវ​បាន​ក្រុម​អាជីវករ​ផ្សា​របឹង​កេងកង​ ប្តឹង​សន្តិសុខ​អោយ​ឃាត់ខ្លួន​ រួម​នឹង​ លុយ​ក្រដាសប្រាក់​មួយ​ម៉ឺន​រៀល​ក្លែងក្លាយ​ ចំនួន​៤៨​សន្លឹក​ កាលពី​ព្រឹក​ថ្ងៃ​ទី​២១​ ខែមេសា​ ឆ្នាំ​ ២០១៥​ នៅ​ក្នុង​ ផ្សា​របឹង​កេងកង​ ស្ថិត​ក្នុង​សង្កាត់​បឹង​កេងកង​១​ ខណ្ឌចំការមន​ រួច​ក៏​ប​ញ្ជួ​ន​បន្ត​ទៅ​កាន់​សមត្ថកិច្ច​សួរនាំ​និង​ ចាត់​ វិធានការ​ទៅ​តាម​ផ្លូវច្បាប់​ ។​

​តាម​ប្រភព​ព័ត៌មាន​ពី​បុគ្គលិក​សន្តិសុខ​ផ្សារ​បាន​ឲ្យ​ដឹង​ថា​ នារី​សង្ស័យ​ឈ្មោះ​ ប៉ុន​ លក្ខណា​ អាយុ​២២​ឆ្នាំ​ ស្នាក់​នៅ​ និង​មុខរបរ​មិន​ពិតប្រាកដ​ ដោយ​ស្លៀកពាក់​សមរម្យ​ និង​មាន​កាបូបស្ពាយ​មួយ​ បាន​ដើរ​រក​ទិញ​អីវ៉ាន់​នៅ​ ក្នុង​ ផ្សា​របឹង​កេងកង​ ដោយ​យក​លុយ​ ក្រដាស​១​ម៉ឺន​រៀល​ក្លែងក្លាយ​ មួយ​បាច់​ដើរ​ចាយ​នៅ​ក្នុង​ផ្សារ​មួយ​នេះ​ ប៉ុន្តែ​នៅ​ពេល​ ដែល​ស្ត្រី​សង្ស័យ​យក​លុយ​ទៅ​ឲ្យ​ថ្លៃ​អីវ៉ាន់​ ដល់​ក្រុម​អាជីវករ​ ។​ ដោយ​មានការ​សង្ស័យ​ ក្រុម​អាជីវករ​បាន​ពិនិត្យ​ មើល​លុយ​មាន​ភាព​ខុស​ប្លែក​ពី​ក្រដាស​ប្រាក់សុទ្ធ​ ទើប​នាំ​គ្នា​ទាក់ទង​ទៅ​សន្តិសុខ​ផ្សារ​អោយមក​ឃាត់ខ្លួន​នារី​រូប​នេះ​ នាំ​យក​ទៅ​សាកសួរ​ ហើយ​បាន​ដកហូត​ក្រដាសប្រាក់​ក្លែងក្លាយ​ ចំនួន​៤៨​ម៉ឺន​រៀល​ យក​មក​ពិនិត្យ​មើល​ ។​

​ប្រភព​ព័ត៌មាន​ដដែល​បាន​ឲ្យ​ដឹង​ទៀត​ថា​ ក្រោយ​ពី​សាកសួរ​ជាបឋម​ក្រោយមក​ សន្តិសុខ​ផ្សារ​បាន​រាយការណ៍​ ដល់​សមត្ថកិច្ច​នគរបាល​ប៉ុស្តិ៍​បឹង​កេងកង​១​ និង​បាន​ប្រគល់​ជនសង្ស័យ​និង​វត្ថុ​តាង​ ទៅ​ប៉ុស្តិ៍​រដ្ឋបាល​បឹង​កេងកង​១​ ខណ្ឌ​ចំកា​មន​ ដើម្បី​សាកសួរ​បន្ត​ ។​

​សមត្ថកិច្ច​ឲ្យ​ដឹង​ថា​ ក្រោយ​ពី​ការ​សាកសួរ​របស់​សមត្ថកិច្ច​ ជនសង្ស័យ​បាន​ឆ្លើយ​សារភាព​ថា​ ខ្លួន​ពិតជា​បាន​យក​ លុយ​ប្រាក់​រៀល​ក្លែងក្លាយ​ ក្រដាស​១​ម៉ឺន​រៀល​ មក​ចរាចរណ៍​នៅ​ក្នុង​ផ្សា​របឹង​កេងកង​ពិតមែន​ ហើយ​លុយ​នេះ​ គឺ​ខ្លួន​គេ​បាន​ទទួល​ពី​មនុស្ស​ម្នាក់​អោយមក​ចាយ​ ។​

​បើ​តាម​ប្រភព​ពី​ក្រុម​អាជីវករ​វិញ​បាន​ឲ្យ​ដឹង​ថា​ ក្រោយ​ពី​មានការ​ឃាត់ខ្លួន​ស្ត្រី​សង្ស័យ​ចរាចរណ៍​លុយ​ក្លែងក្លាយ​រួច​មក​ អាជ្ញាធរ​ពាក់ព័ន្ធ​បាន​ទំនាក់ទំនង​ទៅ​ មន្ត្រី​ធនាគារជាតិ​ នៃ​កម្ពុជា​ឲ្យ​ចុះ​មក​ពិនិត្យ​ក្រដាសប្រាក់​ក្លែងក្លាយ​ ដោយ​បាន​ សូម​ណូ​ម​ពរ​កុំអោយ​មានការ​ធ្លាយ​ព័ត៌មាន​ដល់​អ្នកកាសែត​ ព្រោះ​ករណី​នេះ​ ស្ថិត​នៅ​ការ​សង្ស័យ​នៅឡើយ​ ។​

​ក្រោយ​ពី​សាកសួរ​នារី​រូប​នេះ​រួច​មក​ សមត្ថកិច្ច​នគរបាល​ប៉ុស្តិ៍​បឹង​កេងកង​១​ បា​នប​ញ្ជួ​ន​ខ្លួន​ស្ត្រី​សង្ស័យ​ទៅ​ កាន់​អធិការដ្ឋាន​នគរបាល​ខណ្ឌចំការមន​ ដើម្បី​ពិនិត្យ​និង​ធ្វើ​កោសល្យវិច័យ​ ក្រដាសប្រាក់​រៀល​ក្លែងក្លាយ​ដើម្បី​ កសាង​សុំ​ណុំ​រឿង​ប​ញ្ជួ​ន​ទៅ​សាលាដំបូង​រាជធានី​ចាត់ការ​តាម​ច្បាប់​ ៕​ ស​ រស្មី​

JJ-(2)

JJ

JJ-(1)


ចែករំលែក៖